କାହିଁକି ଭାଙ୍ଗିଲା ଟାଇଗର–ଦିଶାଙ୍କ ୬ ବର୍ଷର ସମ୍ପର୍କ

ଟାଇଗର ଶ୍ରଫ୍‌ ଓ ଦିଶା ପାଟାନୀଙ୍କ ସମ୍ପର୍କରେ ଦେଖାଦେଇଛି ମତଭେଦ। ୬ ବର୍ଷର ଦୀର୍ଘ ସମ୍ପର୍କରେ ସୃଷ୍ଟି ହୋଇଛି ଫାଟ। ଏହି ଖବର ଗତ କିଛି ଦିନ ହେବ ଚର୍ଚ୍ଚାରେ ରହିଛି। ଯଦିଓ ଉଭୟେ ସେମାନଙ୍କ ବ୍ରେକ୍‌ଅପ୍ ଖବରକୁ ନେଇ ନୀରବ ଅଛନ୍ତି, ତଥାପି ଉଭୟଙ୍କ ମଧ୍ୟରେ ଫାଟ ହେବାର କାରଣ କ’ଣ ଲୋକମାନେ ଜାଣିବାକୁ ବ୍ୟଗ୍ର ହୋଇଉଠିଛନ୍ତି।

ଟାଇଗର ଶ୍ରଫ୍‌ ଓ ଦିଶା ପାଟାନୀଙ୍କ ମଧ୍ୟରେ ସମ୍ପର୍କ କ’ଣ? ଯେତେବେଳେ ବି ଏହି ପ୍ରଶ୍ନ ପଚରାଯାଏ ଦୁହେଁ ପରସ୍ପରକୁ ଭଲ ବନ୍ଧୁ ବୋଲି କହୁଥିଲେ। କିନ୍ତୁ ଦେଖାଯାଏ ଯେ ଦୁହେଁ ଅନେକ ସମୟରେ ଏକାଠି ନଜର ଆସନ୍ତି। ଉଭୟଙ୍କ ଏଭଳି ନିଆରା ବଣ୍ଡିଂକୁ ଦେଖି ପ୍ରଶଂସକମାନେ ବୁଝିଯାଇଥିଲେ ଯେ ସେମାନଙ୍କର ସମ୍ପର୍କ ବନ୍ଧୁତାଠାରୁ ଅଧିକ। ବର୍ତ୍ତମାନ ଉଭୟଙ୍କ ବ୍ରେକ୍‌ଅପ୍ ଖବର ଗତ ୨-୩ ଦିନ ହେବ ଚର୍ଚ୍ଚାରେ ରହିଛି। ଏହା ପଛରେ କ’ଣ କାରଣ ରହିଛି ସେମାନେ ଜାଣିବାକୁ ଆଗ୍ରହୀ ହୋଇପଡିଛନ୍ତି।

ଏହି ଯୋଡି ହଠାତ ଅଲଗା ହେବାର ଖବର ପ୍ରଶଂସକଙ୍କ ପାଇଁ ଏକ ବଡ଼ ଝଟ୍‌କା ଠାରୁ ବି କମ୍ ନୁହେଁ। ପ୍ରଶଂସକମାନେ ସେମାନଙ୍କର ଅଲଗା ହେବାର କାରଣ ଜାଣିବାକୁ ଚେଷ୍ଟା କରୁଛନ୍ତି ଏବଂ ବର୍ତ୍ତମାନ ସେମାନଙ୍କର ବ୍ରେକ୍‌ଅପ୍ ହେବାର କାରଣ ମଧ୍ୟ ସାମ୍ନାକୁ ଆସିଛି। କୁହାଯାଉଛି ଯେ ବିବାହ ପ୍ରସଙ୍ଗ ହିଁ ଉଭୟଙ୍କ ବ୍ରେକ୍‌ଅପ୍‌ର କାରଣ ହୋଇଛି।

ଏକ ରିପୋର୍ଟରେ ସେମାନଙ୍କର ଜଣେ ବନ୍ଧୁ ଉଭୟଙ୍କ ବ୍ରେକଅପ୍ ହେବାର କାରଣ ପ୍ରକାଶ କରିଛନ୍ତି। ତାଙ୍କ ବନ୍ଧୁଙ୍କ କହିବାନୁସାରେ, ଟାଇଗର୍‌ ତାଙ୍କ ବାପା ଜ୍ୟାକି ଶ୍ରଫ୍‌ ଏବଂ ମା’ ଆୟେଶାଙ୍କଠାରୁ ଅଲଗା ରହିବା ଆରମ୍ଭ କରିବା ଦିନଠାରୁ ଦିଶାଙ୍କ ସହ ଲାଇଭ-ଇନ୍‌ ସମ୍ପର୍କରେ ଥିଲେ। ଉଭୟଙ୍କ ସମ୍ପର୍କ ଦୀର୍ଘ ଦିନ ଧରି ରହିଆସିଥିଲା ​​ଏବଂ ଦିଶା ଅନୁଭବ କରିଥିଲେ ଯେ ବର୍ତ୍ତମାନ ସେମାନେ ବିବାହ କରିନେବା ଉଚିତ। ଟାଇଗର୍‌ କିନ୍ତୁ ଏପର୍ଯ୍ୟନ୍ତ ବିବାହ ପାଇଁ ପ୍ରସ୍ତୁତ ନଥିଲେ। ଯେ ଦିଶା ମଧ୍ୟ ଟାଇଗରଙ୍କ ସହ ଏ ବିଷୟରେ କଥା ହୋଇଥିଲେ, କିନ୍ତୁ ପ୍ରତ୍ୟେକ ଥର ତାଙ୍କର ଉତ୍ତର 'ନା' ଥିଲା। ଦିଶା ବିବାହ କରିବାକୁ ଚାହୁଁଥିଲେ, କିନ୍ତୁ ଟାଇଗର ପ୍ରସ୍ତୁତ ନଥିଲେ।

ଟାଇଗରଙ୍କ ବନ୍ଧୁଙ୍କ ଅନୁଯାୟୀ ଦିଶା ଏହି ବ୍ରେକ୍‌ଅପକୁ ବହୁତ ପଜେଟିଭ୍‌ଲି ନେଇଛନ୍ତି। ସେ ଟାଇଗରଙ୍କ ଉପରେ ରାଗି ନାହାଁନ୍ତି। ସେ ଏହା ମଧ୍ୟ କହିଛନ୍ତି ଯେ କିଏ ଜାଣେ କେଉଁ ସମୟରେ ଦୁହେଁ ପୁଣି ଏକାଠି ନ ହେବେ।

ପ୍ରକାଶଥାଉ ଯେ ନିକଟରେ ଜ୍ୟାକି ଶ୍ରଫ୍‌ ତାଙ୍କ ପୁଅର ସମ୍ପର୍କକୁ ନେଇ କଥା ହୋଇଥିଲେ। ସେ କହିଥିଲେ ଯେ ଟାଇଗର ଏବଂ ଦିଶା ସବୁବେଳେ ଭଲ ବନ୍ଧୁ ଥିଲେ ଏବଂ ଏବେ ମଧ୍ୟ ଅଛନ୍ତି। ସେ ପୁଣି କହିଥିଲେ, “ଏହା ନୁହେଁ ଯେ ମୁଁ ମୋ ପୁଅର ଲଭ୍‌ ଲାଇଫ୍ ଉପରେ ନଜର ରଖିଛି। ମୁଁ ତା’ର ପ୍ରାଇଭେସୀରେ ହସ୍ତକ୍ଷେପ କରିବାକୁ ଚାହୁଁ ନାହିଁ।”