LIVE TV
ଆଲିଆ ଭଟ୍ଟ ଏବଂ ରଣବୀର ସିଂହଙ୍କ ଅଭିନୀତ 'ରକୀ ଔର୍ ରାନୀ କି ପ୍ରେମ୍ କାହାନି' ରିଲିଜ୍ ହେବା ଦିନଠାରୁ କେବଳ ଗୋଟିଏ କଥାକୁ ନେଇ ଚାରିଆଡେ ଚର୍ଚ୍ଚା ହେଉଛି। ତାହା ହେଉଛି ୮୭ ବର୍ଷିୟ ଧର୍ମେନ୍ଦ୍ର ଏବଂ ୭୨ ବର୍ଷିୟା ଶବାନା ଆଜମୀଙ୍କ କିସ୍। ଉଭୟ କଳାକାରଙ୍କ କିସ୍ ସିନ୍ ଏବେ ସବୁ ମହଲରେ ଆଲୋଡ଼ନ ସୃଷ୍ଟି କରିଛି। ଏହା ଉପରେ ଭେଟେରାନ୍ ଅଭିନେତା ମଧ୍ୟ ପ୍ରତିକ୍ରିୟା ଦେଇଛନ୍ତି।
ତେବେ ଧର୍ମେନ୍ଦ୍ର ପ୍ରଥମ ଥର ପାଇଁ ଏହି କିସ୍ ସିନ୍ ଦେଇ ନାହାଁନ୍ତି। ଏହାପୂର୍ବରୁ ମଧ୍ୟ ଅଭିନେତା କିସ୍ ସିନ୍ ଦେଇ ଅନେକ ଥର ହଇଚଇ ସୃଷ୍ଟି କରିଛନ୍ତି। ସେ 'ଲାଇଫ୍ ଇନ୍ ମେଟ୍ରୋ'ରେ ନଫିସା ଅଲିଙ୍କ ସହ ଏକ କିସ୍ ସିନ୍ ଦେଇଥିଲେ। କିନ୍ତୁ, ସବୁଠାରୁ ଚର୍ଚ୍ଚିତ ଥିଲା ତାଙ୍କର 'ଦୁଷ୍ମନ ଦେବତା' ଫିଲ୍ମର କିସ୍ ସିନ୍। ଏଥିରେ ଧର୍ମେନ୍ଦ୍ର ଯେଉଁ ଅଭିନେତ୍ରୀଙ୍କୁ କିସ୍ ଦେଇଥିଲେ ସେତେବେବେଳେ ତାଙ୍କ ନା’ ତାଙ୍କ ପୁଅ ସନୀ ଦେଓଲଙ୍କ ସହ ଜଡିତ ଥିଲା।
୧୯୯୧ ମସିହାରେ ମୁକ୍ତିଲାଭ କରିଥିବା 'ଦୁଷ୍ମନ ଦେବତା'ରେ ଅଭିନେତ୍ରୀ ଡିମ୍ପଲ୍ କପାଡିଆଙ୍କ ସହ ଏକ କିସ୍ ସିନ୍ ଦେଇ ଧର୍ମେନ୍ଦ୍ର ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ। ଧର୍ମେନ୍ଦ୍ର ଯେତେବେଳେ ଡିମ୍ପଲ୍ଙ୍କ ସହ କିସ୍ ସିନ୍ ଦେଇଥିଲେ ସେତେବେଳେ ଅଭିନେତ୍ରୀଙ୍କ ନାମ ସନୀ ଦେଓଲଙ୍କ ସହିତ ଲଗାତାର ଭାବେ ଜଡ଼ିତ ଥିଲା। ସେତେବେଳେ ଦିନ ସନୀ ଦେଓଲ୍ ଏବଂ ଡିମ୍ପଲ୍ କପାଡିଆଙ୍କ ସଂପର୍କକୁ ନେଇ ଜବରଦସ୍ତ ଆଲୋଚନା ହେଉଥିଲା। ଏଭଳି ପରିସ୍ଥିତିରେ ଧର୍ମେନ୍ଦ୍ର ଡିମ୍ପଲଙ୍କ ସହ ଏକ କିସ୍ ସିନ୍ ଦେଇ ସବୁଆଡେ ଆଲୋଡ଼ନ ସୃଷ୍ଟି କରିଦେଇଥିଲେ।
Also Read
ଉଭୟଙ୍କର ଏହି କିସ୍ ସିନ୍ ଅନେକଙ୍କ ହଜମ ମଧ୍ୟ ହେଉ ନଥିଲା। ଯେତେବେଳେ ଲୋକମାନେ ଧର୍ମେନ୍ଦ୍ର ଏବଂ ଡିମ୍ପଲଙ୍କ କିସ୍ ସିନ୍ ଦେଖିଲେ ଆଲୋଚନାର ସୀମା ରହି ନଥିଲା। ଧର୍ମେନ୍ଦ୍ରଙ୍କ ଏହି କିସ୍ ସିନ୍ ଅନେକ ଆଲୋଡ଼ନ ସୃଷ୍ଟି କରିଥିଲା।
ଅନ୍ୟପକ୍ଷରେ, ସନୀ ଦେଓଲ୍ ଏବଂ ଡିମ୍ପଲ୍ କପାଡିଆଙ୍କ ସମ୍ପର୍କ ଆଜି ମଧ୍ୟ ସିନେ ଇଣ୍ଡଷ୍ଟ୍ରି ପାଇଁ ଏକ ରହସ୍ୟଠାରୁ କମ୍ ନୁହେଁ। କିଛି ବର୍ଷ ପୂର୍ବେ, ୨୦୧୭ରେ, ଉଭୟଙ୍କ ଏକ ଫଟୋ ମଧ୍ୟ ସାମ୍ନାକୁ ଆସିଥିଲା, ଯେଉଁଥିରେ ଉଭୟ ମୋନାକୋରେ ଏକାଠି ଦେଖାଯାଇଥିଲେ। ଏହି ଫଟୋରେ ଦୁହେଁ ମଧ୍ୟ ପରସ୍ପରର ହାତ ଧରିଥିଲେ। ତେବେ, ଉଭୟ ଏହି ଫଟୋ ଉପରେ କୌଣସି ପ୍ରତିକ୍ରିୟା ଦେଇ ନଥିଲେ।
ଧର୍ମେନ୍ଦ୍ର ଏବଂ ଶବାନା ଆଜମୀଙ୍କ କିସ୍ ସିନ୍କୁ ନେଇ ଚର୍ଚ୍ଚା ଚାଲୁଥିବା ବେଳେ ଏହା ଉପରେ ପ୍ରତିକ୍ରିୟା ଦେଇ ଧର୍ମେନ୍ଦ୍ର କହିଥିଲେ- “ଶୁଣିବାକୁ ମିଳୁଛି ଯେ ଶବାନା ଏବଂ ମୋର କିସ୍ ସିନ୍ ଦର୍ଶକଙ୍କୁ ଚକିତ କରିଦେଇଛି ଏବଂ ଏହା ସହିତ ସେମାନେ ମଧ୍ୟ ଏହାକୁ ପ୍ରଶଂସା କରୁଛନ୍ତି। ମୁଁ ଭାବୁଛି ଲୋକମାନେ ଏହା ଆଶା କରି ନଥିଲେ ଏବଂ ଏହା ହଠାତ୍ ଆସିଥିଲା, ତେଣୁ ଏହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। ଶେଷ ଥର ପାଇଁ ମୁଁ 'ଲାଇଫ୍ ଇନ୍ ମେଟ୍ରୋ'ରେ ନଫିସା ଅଲିଙ୍କ ସହ ଏକ କିସ୍ ସିନ୍ ଦେଇଥିଲି ଏବଂ ସେତେବେଳେ ମଧ୍ୟ ଲୋକମାନେ ଏହାକୁ ପ୍ରଶଂସା କରିଥିଲେ।”
