ଦୀପିକାଙ୍କୁ ଲୋକେ କହିଲେ ନକଲି ବେବୀବମ୍ପ୍; ଅଭିନେତ୍ରୀ ଦେଲେ ଏମିତି ଜବାବ

ସ୍ୱାମୀ ରଣବୀର ସିଂହଙ୍କ ଠାରୁ ପ୍ରଥମ ସନ୍ତାନର ମା’ ହେବାକୁ ଯାଉଛନ୍ତି ଦୀପିକା ପାଦୁକୋନ। ସେ ଇନ୍‌ଷ୍ଟାଗ୍ରାମ୍‌ ଷ୍ଟୋରୀରେ ପ୍ରଶଂସକଙ୍କ ପାଇଁ ତାଙ୍କର ନୂଆ ଫଟୋସୁଟ୍‌ର ଚିତ୍ର ଶେୟାର କରିଛନ୍ତି। ଫଟୋଗୁଡ଼ିକରେ ଅଭିନେତ୍ରୀଙ୍କୁ ଏକ ସୁନ୍ଦର ହଳଦିଆ ପୋଷାକରେ ଦେଖିବାକୁ ମିଳେ।

ତାଙ୍କ ମୁହଁରେ ଥିବା ଗ୍ଲୋ ସ୍ପଷ୍ଟ ଦେଖାଯାଉଛି। ଏହି ଫଟୋଗୁଡ଼ିକ ପ୍ରଶଂସକଙ୍କଠାରୁ ପ୍ରେମ ପାଇବାରେ ଲାଗିଛି। ଏହି ଫଟୋ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି। ତେବେ ଫଟୋଗୁଡ଼ିକରେ ମଧ୍ୟ ଅଭିନେତ୍ରୀ ନିଜ ବେବୀ ବମ୍ପ୍‌କୁ ଲୁଚାଇଥିବାର ନଜର ଆସିଛନ୍ତି।

ଅଧିକ ପଢ଼ନ୍ତୁ: କାହିଁକି ବଲିଉଡ୍‌ ଉପରେ ଭାରି ପଡୁଛି ସାଉଥ୍ ଫିଲ୍ମ; ସିକ୍ରେଟ୍ କହିଲେ ରବୀନା ଟଣ୍ଡନ୍

ଫଟୋସୁଟର ଛବି ବ୍ୟତୀତ ଏକ ଭିଡିଓ ମଧ୍ୟ ସାମ୍ନାକୁ ଆସିଛି, ଯେଉଁଥିରେ ଅଭିନେତ୍ରୀଙ୍କ ବେବୀ ବମ୍ପ ସ୍ପଷ୍ଟ ଦେଖାଯାଉଛି, ଯାହା ସେହି ଫଟୋସୁଟ୍‌ର, ଯାହାର ଫଟୋ ଦୀପିକା ଶେୟାର କରିଛନ୍ତି।

ଫେବୃଆରୀ ୨୯ ରେ ଗର୍ଭବତୀ ଥିବା ଘୋଷଣା କରିବାବେଳେ ଦୀପିକା ପାଦୁକୋନ ପ୍ରଶଂସକମାନଙ୍କୁ ସୂଚନା ଦେଇଥିଲେ ଯେ ପ୍ରସବ ତାରିଖ ସେପ୍ଟେମ୍ବରରେ ହେବ। ଏହା ପରେ ପ୍ରଶଂସକ ଏବଂ ସେଲିବ୍ରେଟିମାନେ ତାଙ୍କୁ ଅଭିନନ୍ଦନ ଜଣାଇଥିଲେ।

ଏହା ପରେ ଅଭିନେତ୍ରୀଙ୍କୁ ଅନେକ ସମୟରେ ଦେଖିବାକୁ ମିଳିଥିଲା। ଯେଉଁଠାରେ ତାଙ୍କ ବେବୀବମ୍ପ୍ ଦୃଶ୍ୟମାନ ହେଉ ନଥିଲା। ନିକଟରେ ଯେତେବେଳେ ସେ ଭୋଟ୍ ଦେବା ପାଇଁ ମୁମ୍ବାଇରେ ସ୍ୱାମୀ ରଣବୀର ସିଂହଙ୍କ ସହ ନଜର ଆସିଥିଲେ, ସେତେବେଳେ ତାଙ୍କ ବେବୀ ବମ୍ପ୍ ସ୍ପଷ୍ଟ ନଜର ଆସିଥିଲା।

ଅଧିକ ପଢ଼ନ୍ତୁ: Pushpa 2: ‘ପୁଷ୍ପା ପୁଷ୍ପା’ ପରେ ଆସୁଛି ଆଉ ଏକ ଗୀତ; ଦେଶୀ ଲୁକ୍‌ରେ ନଜର ଆସିବେ ଶ୍ରୀବଲୀ

ଏହା ପରେ ଅନେକ ପ୍ରଶଂସକ ଖୁସି ହୋଇଥିବା ବେଳେ ଆଉ କିଛି ଲୋକ ତାଙ୍କୁ ଏହା ଏକ ନକଲି ବେବୀବମ୍ପ୍ ବୋଲି କହି ଟ୍ରୋଲ୍‌ କରିବା ଆରମ୍ଭ କରିଥିଲେ।

ଏହାକୁ ନେଇ ଗତ କିଛି ଦିନ ହେବ ତାଙ୍କୁ ସୋସିଆଲ ମିଡିଆରେ ଟ୍ରୋଲ୍‌ କରାଯାଉଥିଲା, କିନ୍ତୁ ଏହି ସମୟରେ ସେ ଅନେକ ସେଲିବ୍ରେଟିଙ୍କ ସମର୍ଥନ ପାଇଥିଲେ, ଯାହା ଦୀପିକାଙ୍କୁ ସାହସ ଦେଇଥିଲା। ଏବେ ଅଭିନେତ୍ରୀ ଟ୍ରୋଲରମାନଙ୍କୁ ହସି ହସି ଏକ ଉପଯୁକ୍ତ ଉତ୍ତର ଦେଇଛନ୍ତି।

ଦୀପିକା ନିଜ ଇନଷ୍ଟାଗ୍ରାମରେ ଶେୟାର କରିଥିବା ଏହି ଭିଡିଓରେ ହସ ହସ ମୁହଁରେ ନଜର ଆସିଛନ୍ତି। ତାଙ୍କ ମୁହଁରୁ ଗର୍ଭଧାରଣର ଗ୍ଲୋ ସ୍ପଷ୍ଟ ଦେଖାଯାଉଛି। ଦୀପିକା ବହୁତ ସିମ୍ପଲ ଦେଖାଯାଉଛନ୍ତି। ସେ ତାଙ୍କ ଚୁଟିକୁ ପଛପଟେ ଠେକା କରି ବାନ୍ଧିଦେଇଛନ୍ତି। ଏବଂ ଓଠରେ ଲିପ୍‌ଷ୍ଟିକ୍ ଲଗଉଛନ୍ତି। ଏହି ସରଳ ଲୁକ୍‌ରେ ଦୀପିକା ବହୁତ ସୁନ୍ଦର ଦେଖାଯାଉଛନ୍ତି।