LIVE TV
ଭିକି କୌଶଲ ଏବଂ ତୃପ୍ତି ଡିମ୍ରୀଙ୍କ ଆଗାମୀ ଫିଲ୍ମ 'ବ୍ୟାଡ୍ ନ୍ୟୁଜ୍' ରିଲିଜ୍ ହେବା ପୂର୍ବରୁ ଖୁବ ହଲଚଲ ଖେଳେଇ ଦେଇଛି। ଏହାର କାରଣ ହେଉଛି ଉଭୟଙ୍କ ମଧ୍ୟରେ ସୁଟିଂ ହୋଇଥିବା ଅନ୍ତରଙ୍ଗ ଦୃଶ୍ୟ। ଫିଲ୍ମର 'ଜାନମ୍' ଗୀତରେ ଦୁହିଁଙ୍କ ମଧ୍ୟରେ ଅତ୍ୟନ୍ତ ବୋଲ୍ଡ ଦୃଶ୍ୟ ଦେଖିବାକୁ ମିଳିଛି। ଫିଲ୍ମ ରିଲିଜ୍ ହେବାକୁ ମାତ୍ର ତିନି ଦିନ ବାକି ଅଛି। ଏହାପୂର୍ବରୁ ସେଣ୍ଟ୍ରାଲ ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ୍ (ସିବିଏଫ୍ସି) ନିର୍ମାତାଙ୍କୁ ଫିଲ୍ମରୁ ଅନ୍ତରଙ୍ଗ ଦୃଶ୍ୟ ହଟାଇବାକୁ କହିଛି।
ସିବିଏଫ୍ସି ନିର୍ମାତାଙ୍କୁ ଫିଲ୍ମର ଅନ୍ତରଙ୍ଗ ଦୃଶ୍ୟ ଏଡିଟ୍ କରିବାକୁ ଅନୁରୋଧ କରିଛି। ରିପୋର୍ଟ ଅନୁଯାୟୀ, ସିବିଏଫ୍ସି ନିର୍ମାତାଙ୍କୁ ଫିଲ୍ମର ତିନୋଟି ଭିନ୍ନ ଅଂଶରୁ ଅନ୍ତରଙ୍ଗ ଦୃଶ୍ୟ ହଟାଇବାକୁ କହିଛି। ଏହି ସମସ୍ତ ଦୃଶ୍ୟର ସମୁଦାୟ ସମୟ ୨୭ ସେକେଣ୍ଡ ବୋଲି କୁହାଯାଉଛି।
Also Read
ଅଧିକ ପଢ଼ନ୍ତୁ: Stree 2: ଏହିଦିନ ରିଲିଜ୍ ହେବ 'ସ୍ତ୍ରୀ ୨'ର ଟ୍ରେଲର୍; ନୂଆ ପୋଷ୍ଟର୍ ଦେଖିଲେ ଲୋମ ଟାଙ୍କୁରି ଉଠିବ
ରିପୋର୍ଟରେ ଦର୍ଶାଯାଇଛି ଯେ ଏହି ଫିଲ୍ମକୁ ସିବିଏଫ୍ସିର ଯାଞ୍ଚ କମିଟି ଯାଞ୍ଚ କରିଛି। ଏହା ପରେ ଭିକି କୌଶଲ ଏବଂ ତୃପ୍ତି ଡିମ୍ରୀଙ୍କ ମଧ୍ୟରେ ତିନୋଟି ଅନ୍ତରଙ୍ଗ ଦୃଶ୍ୟ ହଟାଇବା କଥା କହିଛି। କଟ୍ ତାଲିକାରେ ଉଲ୍ଲେଖ କରାଯାଇଥିବା ଏହି ଦୃଶ୍ୟଗୁଡ଼ିକ ହେଉଛି ମୋଟ ୨୭ ସେକେଣ୍ଡ। ସେଥିମଧ୍ୟରୁ ଗୋଟିଏ ଦୃଶ୍ୟ ୯ ସେକେଣ୍ଡ, ଦ୍ୱିତୀୟଟି ୧୦ ସେକେଣ୍ଡର ଏବଂ ତୃତୀୟଟି ହେଉଛି ୮ ସେକେଣ୍ଡର।
ରିପୋର୍ଟରେ ଆହୁରି କୁହାଯାଇଛି ଯେ ତାଲିକା ଅନୁଯାୟୀ, ଫିଲ୍ମରେ ଦେଖାଯାଇଥିବା 'ଲିପ୍-ଲକ୍' ଦୃଶ୍ୟକୁ ଏଡିଟ୍ କରିବା ଆବଶ୍ୟକ। ଏହା ବ୍ୟତୀତ, ସିବିଏଫ୍ସି ନିର୍ମାତାଙ୍କୁ ପ୍ରାରମ୍ଭରେ ଏକ ଡିସ୍କ୍ଲେମର୍ ବଦଳାଇବା, ମଦ ବିରୋଧୀ ବାର୍ତ୍ତା ଦେବା ଏବଂ ମଦ ବିରୋଧୀ ବାର୍ତ୍ତାର ଫଣ୍ଟ୍ ଆକାର ବଢାଇବା ସହିତ କିଛି ଛୋଟ ପରିବର୍ତ୍ତନ କରିବାକୁ ଅନୁରୋଧ କରିଛି।
ଏହି ପରିବର୍ତ୍ତନ କରିବା ପରେ, ଫିଲ୍ମ 'ବ୍ୟାଡ୍ ନ୍ୟୁଜ୍'ର ନିର୍ମାତାଙ୍କୁ CBFC ଦ୍ୱାରା U/A ପ୍ରମାଣପତ୍ର ଦିଆଯାଇଛି। ସେନ୍ସର ସାର୍ଟିଫିକେଟ୍ ଅନୁଯାୟୀ, ଫିଲ୍ମର ଅବଧି ୧୪୨ ମିନିଟ୍ ବା ୨ ଘଣ୍ଟା ୨୨ ମିନିଟ୍। ତେବେ ଫିଲ୍ମ ୧୯ ଜୁଲାଇରେ ମୁକ୍ତିଲାଭ କରିବ। ଫିଲ୍ମ ରିଲିଜ୍ ପୂର୍ବରୁ ମଧ୍ୟ ଏହାର ଗୀତ - 'ତୌବା ତୌବା', 'ମେରେ ମେହବୁବ୍ ମେରେ ସନମ୍' ଏବଂ 'ଜାନମ୍' ହିଟ୍ ହେବାରେ ଲାଗିଛି।
