LIVE TV
ସନ୍ଦୀପ ରେଡ୍ଡୀ ଭଙ୍ଗାଙ୍କ ନିର୍ଦ୍ଦେଶିତ 'ଆନିମଲ୍' ମାଧ୍ୟମରେ ବବି ଦେଓଲଙ୍କ ହଜିଯାଇଥିବା ଷ୍ଟାରଡମ୍ ଫେରି ଆସିଥିଲା। ଆଜି ବି ସେ ଏହାକୁ ବହୁତ ଉପଭୋଗ କରୁଛନ୍ତି। ନିକଟରେ, ସେ ତାଙ୍କ ବଡ଼ ଭାଇ ସନ୍ନି ଦେଓଲଙ୍କ ସହ ‘ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’ରେ ଅତିଥି ଭାବରେ ଆସିଥିଲେ ଏବଂ ହଜିଯାଇଥିବା ଷ୍ଟାର୍ଡମ୍ ଫେରି ପାଇଥିବାରୁ ଖୁସି ବ୍ୟକ୍ତ କରିଥିଲେ ଏବଂ ଭାବପ୍ରବଣ ହୋଇଥିବାର ମଧ୍ୟ ଦେଖାଯାଇଥିଲା।
ଆନିମଲ୍ ପରେ, ସାଉଥ୍ରୁ ଏବେ ବବିଙ୍କ ପଛରେ ଫିଲ୍ମର ଲାଇନ୍ ଲାଗିଗଲାଣି। ସୂର୍ଯ୍ୟାଙ୍କ ଅଭିନୀତ 'କଙ୍ଗୁଭା'ରୁ ତାଙ୍କର ଲୁକ୍ ସାମ୍ନାକୁ ଆସିସାରିଛି। ଏଥିରେ ସେ ଏକ ଦମଦାର ଭିଲେନ୍ ଭୂମିକାରେ ଅଛନ୍ତି।
Also Read
‘କଙ୍ଗୁୱା’ର ବଜେଟ୍ ହେଉଛି ୩୫୦କୋଟିରୁ ଅଧିକ। ଫିଲ୍ମରେ ବବିଙ୍କୁ ଭୟଙ୍କର ରୂପରେ ଦେଖିବାକୁ ମିଳିବ। ବର୍ତ୍ତମାନ ସାଉଥ୍ରୁ ତାଙ୍କର ଆଉ ଏକ ଫିଲ୍ମର ଟିଜର ରିଲିଜ୍ ହୋଇଛି। ଟିଜର୍କୁ ଦେଖିଲେ ଲାଗେ ଫିଲ୍ମ ରେକର୍ଡ ଭାଙ୍ଗିବ। ଏହି ଚଳଚ୍ଚିତ୍ରରେ ସେ ମଧ୍ୟ ଏକ ଭିଲେନ୍ ଭୂମିକାରେ ଅଛନ୍ତି। ତାଙ୍କୁ ପୱନ କଲ୍ୟାଣଙ୍କ ସହ ଫାଇଟ୍ କରୁଥିବା ଦେଖିବାକୁ ମିଳିବ। ଏହି ଫିଲ୍ମଟି ଅନେକ ପାର୍ଟରେ ତିଆରି ହେବ ଏବଂ ଚଳିତ ବର୍ଷ ମୁକ୍ତିଲାଭ କରିବ।
ଏହି ଫିଲ୍ମର ନାଁ ହେଉଛି ‘ହରି ହର ବୀରାମଲ୍ଲୁ’। ଏହା ଏକ ପ୍ୟାନ୍ ଇଣ୍ଡିଆ ଫିଲ୍ମ। ଫିଲ୍ମର ସୁଟିଂ କେବେଠାରୁ ଶେଷ ହୋଇଛି। ନିର୍ମାତା କିନ୍ତୁ ଏହାକୁ ରିଲିଜ୍ କରିବା ପାଇଁ ଉପଯୁକ୍ତ ସମୟକୁ ଅପେକ୍ଷା କରିଥିଲେ। ତେବେ ଏହାର ରିଲିଜ୍ ତାରିଖ ଏପର୍ଯ୍ୟନ୍ତ ଚୂଡାନ୍ତ ହୋଇନାହିଁ । କୁହାଯାଉଛି ଯେ ଆଇପିଏଲ୍ ୨୦୨୪ ଶେଷ ହେବା ପରେ ଏହା ଯେକୌଣସି ସମୟରେ ରିଲିଜ୍ ହୋଇପାରିବ।
ବବି ଦେଓଲ ଏହି ଫିଲ୍ମରେ ଦିଲ୍ଲୀର ମୋଗଲ ସମ୍ରାଟ ଭୂମିକାରେ ଅଭିନୟ କରିଛନ୍ତି। ତାଙ୍କର ଆଗ୍ରେସିଭ୍ ଲୁକ୍ ଏବଂ ଭୟଙ୍କର ଷ୍ଟାଇଲ୍ ମଧ୍ୟ ଏହି ଫିଲ୍ମରେ ଦେଖିବାକୁ ମିଳିବ। ସେହିପରି ଏଥିରେ ପୱନ କଲ୍ୟାଣ ଜଣେ ଯୋଦ୍ଧାଙ୍କର ଅବତାରରେ ଦେଖିବାକୁ ମିଳିବେ।
ଏହାର କାହାଣୀ ମୋଗଲ ଏବଂ ଦ୍ରାବିଡ଼ଙ୍କ ମଧ୍ୟରେ ହୋଇଥିବା ଯୁଦ୍ଧ ଉପରେ ଆଧାରିତ। ଫିଲ୍ମର ପ୍ରଥମ ଭାଗରେ ‘ତଲୱାର୍ ବନାମ ସାହସ’ର ପଞ୍ଚ୍ ଲାଇନ ଯୋଗ କରାଯାଇଛି। ଫିଲ୍ମର ବଜେଟ୍ ୨୦୦ କୋଟି ଟଙ୍କା ବୋଲି କୁହାଯାଉଛି।
