LIVE TV
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ସ୍ୱଚ୍ଛ ଭାରତ ଅଭିଯାନ ଦ୍ୱାରା ଆଧାରିତ ‘ବାଲ ନରେନ’ ଅକ୍ଟୋବର ୧୪ରେ ମୁକ୍ତିଲାଭ କରିବ। ଏହି ଫିଲ୍ମଟିକୁ ପୱନ ନାଗପାଲ ନିର୍ଦ୍ଦେଶନା ଦେଇଥିବାବେଳେ ଦୀପକ ମୁକୁଟ ଏହି ଫିଲ୍ମର ନିର୍ମାତା ଅଛନ୍ତି।
ଫିଲ୍ମ ‘ବାଲ୍ ନରେନରେ’ ଯଜ୍ଞ ଭାସିନ୍, ବିଦିତା ବାଗ, ରଜନୀଶ ଦୁଗଲ୍, ଗୋବିନ୍ଦ ନାମଦେବ ଏବଂ ବିନ୍ଦୁ ଦାରା ସିଂଙ୍କ ସମେତ ଅନେକ କଳାକାର ଅଛନ୍ତି। ଏବେ ଫିଲ୍ମର ପ୍ରଥମ ପୋଷ୍ଟର୍ ରିଲିଜ ହୋଇଛି। ନିର୍ମାତା ଦୀପକ ମୁକୁଟ ଧାକଡ୍, ମୁଲ୍କ ଭଳି ଅନେକ ଲୋକପ୍ରିୟ ଫିଲ୍ମ ନିର୍ମାଣ କରିଛନ୍ତି। ତେବେ ଏଭଳି ପରିସ୍ଥିତିରେ ସେ କାହିଁକି ‘ବାଲ ନରେନ’ କରିବାକୁ ପ୍ରେରିତ ହେଲେ ସେ ବିଷୟରେ କହିଛନ୍ତି।
ସେ କୁହନ୍ତି, 'ବାଲ୍ ନରେନ କେବଳ ଏକ ଫିଲ୍ମ ନୁହେଁ ବରଂ ଏକ ବିଚାର ପ୍ରକ୍ରିୟା ଯାହା ସମାଜକୁ ଥରାଇ ଦେବ। ଆମେ ସେଭଳି ଫିଲ୍ମ ନିର୍ମାଣ କରିବାରେ ବିଶ୍ୱାସ କରୁ ଯେଉଁଥିରେ ଏକ ଦୃଢ ସାମାଜିକ ବାର୍ତ୍ତା ଥାଏ ଏବଂ ଆମ ଦେଶରେ ଆବଶ୍ୟକୀୟ ପରିବର୍ତ୍ତନ ଆଣିବାର ସାମର୍ଥ୍ୟ ରଖେ। ଇଣ୍ଡଷ୍ଟ୍ରିରୁ ଏହି ଫିଲ୍ମ ପାଇଁ ଆମକୁ ସମସ୍ତଙ୍କର ସମର୍ଥନ ଆବଶ୍ୟକ।
Also Read
ଏହି ଫିଲ୍ମଟି ସରକାରଙ୍କ ତରଫରୁ କୌଣସି ସମର୍ଥନ ପାଇଛି କି ନାହିଁ, ସେ ସମ୍ପର୍କରେ ସେ କହିଛନ୍ତି ଯେ “ମୁଁ ଭାବୁଛି ସରକାର ଯଦି ପ୍ୟାଡ୍ ଏବଂ ଶୌଚ୍ଚାଳୟ ଭଳି କଥାକୁ ସମର୍ଥନ କରୁଛନ୍ତି ଯାହା ଏବେ ବି ସମାଜର ଏକ ନିର୍ଦ୍ଦିଷ୍ଟ ବର୍ଗ ହିଁ ବ୍ୟବହାର କରନ୍ତି, ତେବେ ଆମର ଫିଲ୍ମ ପ୍ରତ୍ୟେକ ବର୍ଗ ଯୁବକ, ବୃଦ୍ଧ, ଧନୀ ଓ ଗରିବ ସମସ୍ତଙ୍କ ପାଇଁ। ସବୁ ସ୍ଥାନରେ ସ୍ୱଚ୍ଛତା ଆବଶ୍ୟକ ଏବଂ ଲୋକଙ୍କୁ ସଚେତନ କରାଯିବା ଆବଶ୍ୟକ। ଏହାପୂର୍ବରୁ ଆମେ ମୁଲ୍କ, ଶାଦି ମେ ଜରୁର ଆନା, ଫରେନସିକ୍ ଭଳି ଫିଲ୍ମ ନିର୍ମାଣ କରିଛୁ ଯାହା ସମାଜରେ ଗ୍ରହଣୀୟ ହୋଇଛି ଏବଂ ସମାଲୋଚକଙ୍କ ଦ୍ୱାରା ପ୍ରଶଂସିତ ମଧ୍ୟ ହୋଇଛି।
ତେବେ ଏହି ଫିଲ୍ମରୁ ଦର୍ଶକମାନେ କ’ଣ ଆଶା କରିବା ଉଚିତ୍ ତାହା ନିର୍ଦ୍ଦେଶକ ପୱନ ନାଗପାଲ ଶେୟାର କରିଛନ୍ତି। ସେ କୁହନ୍ତି, 'ଫିଲ୍ମରେ ବହୁତ ଭଲ ସାମାଜିକ ବାର୍ତ୍ତା ସହିତ ସୁନ୍ଦର କାହାଣୀ ଅଛି। କିଛି ଗୀତ, ସୁନ୍ଦର ସ୍ଥାନ ଏବଂ ଏକ ଭଲ ବାର୍ତ୍ତା ସହିତ ଏହା ସମ୍ପୂର୍ଣ୍ଣ ମନୋମୁଗ୍ଧକର ହୋଇଛି।'
ତେବେ ଏଭଳି ଏକ ଫିଲ୍ମ ତିଆରି ପାଇଁ ପୱନ ନାଗପାଲ କେଉଁଠୁ ପ୍ରେରଣା ପାଇଲେ ସେ ବିଷୟରେ କହିବାକୁ ଯାଇ ସେ କହିଛନ୍ତି, “ମୁଁ ଜଣେ ୧୩ ବର୍ଷର ବାଳକ ବିଷୟରେ ଏକ ଗୁଜବ ଶୁଣିଥିଲି, ଯିଏ ତାଙ୍କର ଉଦ୍ୟମ ଏବଂ ନିଷ୍ଠା ହେତୁ ତାଙ୍କ ଗାଁକୁ କରୋନା ଜୀବାଣୁ ପୂରେଇବାକୁ ଦେଲେ ନାହିଁ। ତେଣୁ ମୁଁ ଏକ କାଳ୍ପନିକ କାହାଣୀ ତିଆରି କରି ଏହାକୁ ସ୍ୱଚ୍ଛ ଭାରତ ଅଭିଯାନ ସହିତ ମିଶ୍ରଣ କଲି। ତେଣୁ ଏହା ଏକ ବାସ୍ତବ ହିରୋର କାହାଣୀ ଉପରେ ଆଧାରିତ।”
