କାଶ୍ମୀର ପଣ୍ଡିତଙ୍କ ଉପରେ ମତ ଦେଇ ବିବାଦରେ ସାଇ ପଲ୍ଲଭୀ

ପ୍ରସିଦ୍ଧ ସାଉଥ୍ ଅଭିନେତ୍ରୀ ସାଇ ପଲ୍ଲଭୀ ଆଜିକାଲି ଅନେକ ବିବାଦରେ ଅଛନ୍ତି। କାଶ୍ମୀର ପଣ୍ଡିତଙ୍କ ବିଷୟରେ ତାଙ୍କର ବିବାଦୀୟ ବିବୃତ୍ତି ହେତୁ ସେ ଏବେ ଚଚ୍ଚାରେ ଅଛନ୍ତି। ତାଙ୍କ ବିବୃତ୍ତିକୁ ନେଇ ଦେଶରେ ପୁଣିଥରେ ହିନ୍ଦୁ-ମୁସଲମାନ ସମ୍ପ୍ରଦାୟ ମଧ୍ୟରେ ବାକ୍ ଯୁଦ୍ଧ ଆରମ୍ଭ ହୋଇଯାଇଛି।

ସେ ତାଙ୍କ ବିବୃତ୍ତିରେ କାଶ୍ମୀର ପଣ୍ଡିତଙ୍କ ପଳାୟନକୁ ଗୋରକ୍ଷତା ସହିତ ତୁଳନା କରିଛନ୍ତି, ଯେଉଁ କାରଣରୁ ନୁପୁର ଶର୍ମାଙ୍କ ପରେ ଏବେ ସାଇ ପଲ୍ଲଭୀଙ୍କ ପାଇଁ ଉତ୍ତେଜନାମୂଳକ ଟ୍ୱିଟ୍ ଏବଂ ମନ୍ତବ୍ୟ ଭାଇରାଲ ହେବାରେ ଲାଗିଛି। କେବଳ ଏତିକି ନୁହେଁ, ଏହି ବିବାଦୀୟ ମତ ହେତୁ ସେ ସୋସିଆଲ୍ ମିଡିଆ ବ୍ୟବହାରୀଙ୍କ ସହିତ ବଜରଙ୍ଗ ଦଳର ଟାର୍ଗେଟ୍‌କୁ ଆସିଛନ୍ତି। ନିକଟରେ ବଜରଙ୍ଗ ଦଳ ଏହି ଅଭିନେତ୍ରୀଙ୍କ ବିରୋଧରେ ମକଦ୍ଦମା ଦାଖଲ କରିଛି।

ଏକ ସାକ୍ଷାତକାରରେ ସାଇ ପଲ୍ଲଭୀ ବିବେକ ଅଗ୍ନିହୋତ୍ରୀଙ୍କ ଚଳଚ୍ଚିତ୍ର 'ଦ କାଶ୍ମୀର ଫାଇଲ୍ସ'ରେ କାଶ୍ମୀର ପଣ୍ଡିତଙ୍କ ଉପରେ ଦେଖାଯାଇଥିବା ଅତ୍ୟାଚାରକୁ ମାଓ ଲିଞ୍ଚିଂ ସହିତ ତୁଳନା କରିଛନ୍ତି। ଅଭିନେତ୍ରୀ କହିଛନ୍ତି ଯେ “କାଶ୍ମୀର ଫାଇଲ୍ସରେ ଦେଖେଇବାରେ ଥିଲା ଯେ ସେତେବେଳେ କାଶ୍ମୀର ପଣ୍ଡିତମାନଙ୍କୁ କିପରି ହତ୍ୟା କରାଯାଇଥିଲା। ଯଦି ଏହି ପ୍ରସଙ୍ଗକୁ ଏକ ଧାର୍ମିକ ସଂଘର୍ଷ ଭାବେ ଦେଖାଯାଏ, ତେବେ ନିକଟରେ ଏକ ଘଟଣାକୁ ନିଆଯାଇପାରେ ଯେ ଜଣେ ମୁସଲମାନଙ୍କ ଉପରେ ଆକ୍ରମଣ କରାଯାଇଥିଲା ଯେତେବେଳେ ସେ ଏକ ଗାଇବୁହା ଗାଡି ଚଳାଉଥିଲେ। ତେବେ ସେତେବେଳେ ଯାହା ଘଟିଲା ଏବଂ ବର୍ତ୍ତମାନ ଯାହା ଘଟୁଛି ତା’ର ପାର୍ଥକ୍ୟ କ’ଣ? ”

ଏହି ବିବୃତ୍ତି ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି। ଉପଭୋକ୍ତାମାନଙ୍କୁ ଦୁଇ ଭାଗରେ ବିଭକ୍ତ କରାଯାଇଛି। କିଛି ଲୋକ ଗୋଟିଏ ପଟେ ସାଇ ପଲ୍ଲଭୀଙ୍କୁ ସମର୍ଥନ କରୁଥିବାବେଳେ ଅନ୍ୟପଟେ ଆଉ କିଛି ଉପଭୋକ୍ତା ତାଙ୍କ ଉପରେ ତୀବ୍ର ଅସନ୍ତୋଷ ପ୍ରକାଶ କରୁଛନ୍ତି।

ସାଇଙ୍କ ଏହି ବିବୃତ୍ତିକୁ ନେଇ ବଜରଙ୍ଗ ଦଳ ଭାଗ୍ୟନଗର ପକ୍ଷରୁ ହାଇଦ୍ରାବାଦରେ ଅଭିନେତ୍ରୀଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଦଳ ନିଜ ଟ୍ୱିଟର ହ୍ୟାଣ୍ଡେଲ୍‌ରେ ନିଜର ଅଭିଯୋଗ ପତ୍ର ଶେୟାର କରି ଲେଖିଛନ୍ତି ଯେ “ବଜରଙ୍ଗ ଦଳ ବିଦ୍ୟାନଗର ଜିଲ୍ଲା ସଂଯୋଜକ ଅଖିଲ ସିଣ୍ଡୋଲେ ଜୀ ଏବଂ ବାଲୋପାସନା କେନ୍ଦ୍ରର ମୁଖ୍ୟ ଅଭିଷେକ କୁର୍ମା ସୁଲତାନ ବଜାର ପୋଲିସ୍ ଷ୍ଟେସନରେ ସାଇଙ୍କ ବିରୋଧରେ ମାମଲା ରୁଜୁ କରିଛନ୍ତି।”

Bajrangdal Vidyanagar Jilla Samyojak @akhilsindole ji & @AbhishekKurma Balopasama Kendra pramukh filed a case against Sai Pallavi at Sultanbazar PS 🚩@Sai_Pallavi92 apologize to whole country especially Kashmiri Hindus for your derogatory remarks or else it will get worse. pic.twitter.com/aIUc1THVG3

— Bajrangdal Bhagyanagar (@BJDLBhagyanagar) June 16, 2022

After all the balancing & being neutral & good human being talks.... #SaiPallavi ended up comparing Ki11!ngs of innocent #KashmiriPandits with Ki11!ngs of cow smugglers.

What an absolute ldlOT!!! pic.twitter.com/cx9d8jfTNF

— Qazi Mohammad Incognito (@Incognito_qfs) June 14, 2022

ଅଭିନେତ୍ରୀଙ୍କ ଏଭଳି ଅପମାନଜନକ ମନ୍ତବ୍ୟ ପାଇଁ ସେ ସମଗ୍ର ଦେଶ, ବିଶେଷ କରି କାଶ୍ମୀର ହିନ୍ଦୁମାନଙ୍କୁ କ୍ଷମା ପ୍ରାର୍ଥନା କରିବାକୁ ଦାବି କରାଯାଇଛି। ଦଳ ଏହା ମଧ୍ୟ କହିଛି ଯେ ଯଦି ସେ ଏମିତି ନ କରିବେ ତେବେ ଭବିଷ୍ୟତରେ ପରିସ୍ଥିତି ଆହୁରି ସଂଗୀନ ହେବ। ଏବେ ଏହା ଦେଖିବାକୁ ବାକି ରହିଲା ଯେ ଏହାକୁ ନେଇ ଅଭିନେତ୍ରୀଙ୍କ ପ୍ରତିକ୍ରିୟା କ’ଣ ରହୁଛି।

OTV is now on Whatsapp

Join and get latest news update delivered to you via whatsapp

Join Now