ବାବୁସାନଙ୍କ ପାରିବାରିକ ବିବାଦ: ‘ତୃପ୍ତି କହିଲେ Wait & Watch’

ତୃପ୍ତି କହିଲେ ୱେଟ୍‌ ଆଣ୍ଡ୍‌ ୱାଚ୍‌ । ବିବାଦର ସମାଧନ ଉଦ୍ୟମ ନେଇ ତୃପ୍ତିଙ୍କ ମାଉସୀ ଏହି ପ୍ରତିକ୍ରିୟା ଦେଇଛନ୍ତି । ବାବୁସାନ୍‌-ତୃପ୍ତିଙ୍କ ଘରୋଇ କଳି ସମାଧାନ ପାଇଁ ବାବୁସାନ୍‌ଙ୍କ ସମ୍ପର୍କୀୟ ତୃପ୍ତି ଘରକୁ ଯାଇଥିବା ସୂଚନା ମଳିଛି ।

ଏନେଇ ତୃପ୍ତିଙ୍କ ମାଉସୀ କହିଛନ୍ତି ଯେ, ‘ଆମ ଘରକୁ ବାବୁସାନଙ୍କ ସମ୍ପର୍କୀୟ ଆଲୋଚନା ପାଇଁ ଆସିଥିଲେ । ଝିଅ ତୃପ୍ତି ଓ ନାତିର ସ୍ୱାସ୍ଥ୍ୟ କଥା ମଧ୍ୟ ପଚାରି ବୁଝିଲେ । ଆଲୋଚନା ବେଳେ ତୃପ୍ତି କଣ ସବୁ କହିଛନ୍ତି ତାହାର ସୂଚନା ଦେଲେ ତୃପ୍ତିଙ୍କ ମାଉସୀ ।

ସେପଟେ ବାବୁସାନ ଓ ତାଙ୍କ ପତ୍ନୀ ତୃପ୍ତିଙ୍କ ମଧ୍ୟରେ ଆପୋସ ସମାଧାନ ପାଇଁ ଉଦ୍ୟମ ଆରମ୍ଭ ହୋଇଛି। ଭୁବନେଶ୍ୱର ସତ୍ୟନଗରରେ ଥିବା ତୃପ୍ତିଙ୍କ ଘରକୁ ଯାଇ ତାଙ୍କ ସହିତ ଆଲୋଚନା କରିଛନ୍ତି ଅଭିନେତା ରବି ମିଶ୍ର। ପତି-ପତ୍ନୀଙ୍କ ବିବାଦକୁ ସମାଧାନ ପାଇଁ ଉଦ୍ୟମ କରାଯାଉଥିବା ଜଣାପଡ଼ିଛି। ଆଗରୁ ଚେନ୍ନାଇ ଯାଇ ବାବୁସାନଙ୍କୁ ଆଣିଥିଲେ ରବି। ଉଭୟ ବାବୁସାନ ଓ ତୃପ୍ତିଙ୍କ ସହିତ ତାଙ୍କର ଉତ୍ତମ ସଂପର୍କ ଥିବାରୁ ପତି-ପତ୍ନୀଙ୍କ ବିବାଦର ସମାଧାନ ପାଇଁ ସେ ଚେଷ୍ଟା କରି ତୃପ୍ତିଙ୍କ ଘରକୁ ଯାଇଥିବା ଜଣାପଡ଼ିଛି।