LIVE TV
ଓଲିଉଡ୍ ଅଭିନେତା ବାବୁସାନ ମହାନ୍ତି ଓ ଅଭିନେତ୍ରୀ ପ୍ରକୃତି ମିଶ୍ରଙ୍କ ଏକ ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ଉଭୟ ଏକ କାର୍ରେ ଯାଉଥିବା ବେଳେ ବାବୁସାନଙ୍କ ପତ୍ନୀ ସେମାନଙ୍କୁ ଅଟକାଇ ଥିଲେ।
ଏହାପରେ ରାଜରାସ୍ତା ଉପରେ ବାବୁସାନଙ୍କ ସହ ପତ୍ନୀ ତୃପ୍ତି ବାବୁସାନଙ୍କ ସହ ଝଗଡ଼ା କରିବା ସହ ତାଙ୍କ ସାର୍ଟ ଝିଙ୍କି ତାଙ୍କୁ ଟଣାଓଟରା କରୁଥିବା ଦୃଶ୍ୟ ସୋସିଆଲ୍ ମିଡିଆରେ ଭାଇରାଲ୍ ହୋଇଛି। ଏହାସହ ବାବୁସାନଙ୍କ ପତ୍ନୀ, ପ୍ରକୃତି ମିଶ୍ରଙ୍କୁ ମଧ୍ୟ ଟଣାଓଟରା କରୁଥିବା ନଜର ଆସିଛି।
ଅନ୍ୟପକ୍ଷେ, ଭାଇରାଲ ଭିଡିଓକୁ ନେଇ OTVକୁ ବାବୁସାନ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ‘ଏୟାରପୋର୍ଟ ଯାଉଥିଲୁ। ରାସ୍ତାରେ ମୋ ପତ୍ନୀ ହଠାତ୍ ଆସିଲେ, ଆଟାକ୍ କଲେ। ଶ୍ୱଶୁର ବି ଆସି ହାରାସ୍ କଲେ। ଏହା ଆଦୌ ଠିକ୍ କଥା ନୁହେଁ। ମୋ ପତ୍ନୀ ଫିଲ୍ମ ଇଣ୍ଡଷ୍ଟ୍ରିର ଲୋକ ନୁହଁନ୍ତି। ଆମ କାମ କ’ଣ, ଆମ କାମକୁ ସେସବୁ ସେ କିଛି ବୁଝିପାରିବେ ନାହିଁ। ପ୍ରକୃତି ମୋର ଜଣେ ଭଲ ସାଙ୍ଗ। ତେଣୁ ତା’ସହ କଥାବାର୍ତ୍ତା ହେଲେ କ’ଣ ଅସୁବିଧା ? ଇଣ୍ଡଷ୍ଟ୍ରିରେ ବହୁତ ହିରୋଇନଙ୍କ ସହ କାମ କରିବାକୁ ପଡ଼େ। ମୁଁ ବିଭିନ୍ନ ହିରୋଇନଙ୍କ ସହ କାମ କରେ, କାମ କରିବାକୁ ବାଧ୍ୟ। ସେ ବୁଝିବା ଦରକାର ମୁଁ କେଉଁ କାମ କରେ, ମୋ ପେଶା କ’ଣ।
‘ଘଟଣାକୁ ନେଇ ପତ୍ନୀଙ୍କ ଉପରେ ମୋର କୌଣସି ଅଭିଯୋଗ ନାହିଁ। ଏପରିକି ମୁଁ ତାଙ୍କ ଉପରେ ରାଗୁ ନାହିଁ କି ତାଙ୍କୁ କିଛି କହୁ ନାହିଁ। କାରଣ ମୁଁ ବୁଝି ପାରୁଛି ଯେ, ମୁଁ ଫିଲ୍ମ ଇଣ୍ଡଷ୍ଟ୍ରିରେ କାମ କରୁଛି, ଯାହା ସେ ବୁଝି ପାରୁ ନାହାନ୍ତି। ଲୋକ ତ ବହୁତ କଥା କହିବେ, ମୁଁ ଠିକ୍ ଅଛି’ ବୋଲି ବାବୁସାନ୍ କହିଛନ୍ତି।
#ପ୍ରକୃତି_ମୋର_ଭଲ_ସାଙ୍ଗ #ବାବୁସାନ୍
— ଓଟିଭି (@otvkhabar) July 23, 2022
ଭାଇରାଲ ଭିଡିଓକୁ ନେଇ OTVକୁ ବାବୁସାନଙ୍କ ପ୍ରତିକ୍ରିୟା #BabusanMohanty #PrakrutiMishra #Bhubaneswar #OTV pic.twitter.com/T4rlyXGzBB
ବାବୁସାନ ଆହୁରି କହିଛନ୍ତି, ‘ଆମ ସମ୍ପର୍କ(ପ୍ରକୃତି ଓ ମୁଁ)କୁ ନେଇ ଲୋକ ଯାହା ଗପିବା କଥା ଗପିବେ, ହେଲେ ଏନେଇ ମୋର କିଛି କହିବାର ନାହିଁ। କାରଣ ମୁଁ ଜାଣିଛି ମୁଁ ଠିକ୍ ଅଛି। ମୁଁ ମୋ ପତ୍ନୀଙ୍କ ବିରୋଧରେ ଆଇନର ଆଶ୍ରୟ ନେବି ନାହିଁ।’
