LIVE TV
ଚଳଚ୍ଚିତ୍ର 'ବାହୁବଲୀ'ରୁ ସାରା ବିଶ୍ୱରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ଅଭିନେତା ପ୍ରଭାସ ଆଜି ତାଙ୍କର ୪୩ତମ ଜନ୍ମଦିନ ପାଳନ କରୁଛନ୍ତି। ପ୍ରଭାସ ୧୯୭୯ ମସିହାରେ ଚେନ୍ନାଇରେ ଜନ୍ମଗ୍ରହଣ କରିଥିଲେ। ପୂର୍ବରୁ ପ୍ରଭାସ କେବଳ ଦକ୍ଷିଣ ଭାରତୀୟ ଚଳଚ୍ଚିତ୍ରରେ କାମ କରୁଥିଲେ। କିନ୍ତୁ, 'ବାହୁବଲୀ' ଚଳଚ୍ଚିତ୍ର ପରେ ସେ ଦେଶ ତଥା ବିଶ୍ୱରେ ଏକ ନୂଆ ପରିଚୟ ପାଇଲେ। ଆଜି, ଅଭିନେତାଙ୍କ ଜନ୍ମଦିନରେ, ଆସନ୍ତୁ ତାଙ୍କ ସହ ଜଡିତ କିଛି ବିଶେଷ କଥା ଜାଣିନେବା।
'ବାହୁବଲୀ'ର ସୁଟିଂ ସମୟରେ ୬ ହଜାର ଝିଅଙ୍କ ପ୍ରସ୍ତାବ:
ରିପୋର୍ଟ ଅନୁଯାୟୀ, ଯେତେବେଳେ ପ୍ରଭାସ ଫିଲ୍ମ 'ବାହୁବଲୀ'ର ସୁଟିଂରେ ବ୍ୟସ୍ତ ଥିଲେ, ପ୍ରାୟ ୬ ହଜାର ଝିଅ ତାଙ୍କୁ ବିବାହ ପ୍ରସ୍ତାବ ପଠାଇଥିଲେ। ଏତେଗୁଡ଼ିଏ ପ୍ରସ୍ତାବ ପାଇବା ପରେ ମଧ୍ୟ ପ୍ରଭାସ ବିଚଳିତ ହୋଇ ନଥିଲେ। ସେ ତାଙ୍କର ସମ୍ପୂର୍ଣ୍ଣ ଧ୍ୟାନ ଫିଲ୍ମ ଉପରେ କେନ୍ଦ୍ରୀଭୂତ କରିଥିଲେ। ଏହି କାରଣରୁ ଏହି ସମୟ ମଧ୍ୟରେ ଆସିଥିବା ସମସ୍ତ ସମ୍ପର୍କ ପ୍ରଭାସଙ୍କ ଦ୍ୱାରା ପ୍ରତ୍ୟାଖ୍ୟାନ କରାଯାଇଥିଲା।
Also Read
ପ୍ରଭାସ ଏବଂ ଅନୁଷ୍କାଙ୍କ ସମ୍ପର୍କକୁ ନେଇ ଚର୍ଚ୍ଚା:
ଯଦିଓ ପ୍ରଭାସ ୬ ହଜାର ଝିଅଙ୍କ ବିବାହ ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛନ୍ତି କିନ୍ତୁ, ତାଙ୍କ ସହ ଅନୁଷ୍କା ଶେଟ୍ଟୀଙ୍କ ସମ୍ପର୍କର ଖବର ପ୍ରାୟତଃ ଗଣମାଧ୍ୟମରେ ଆସିଥାଏ। ଏହା ମଧ୍ୟ କୁହାଯାଏ ଯେ ପ୍ରଭାସ ଫିଲ୍ମ 'ସାହୋ' ପାଇଁ ଅନୁଷ୍କାଙ୍କ ନାମକୁ ସୁପାରିଶ୍ କରିଥିଲେ। କିନ୍ତୁ, ଅଧିକ ଓଜନ ହେତୁ ନିର୍ମାତା ପରେ ତାଙ୍କ ସ୍ଥାନରେ ଶ୍ରଦ୍ଧା କପୁରଙ୍କୁ ନେଇଥିଲେ।
ଆହୁରି ମଧ୍ୟ କୁହାଯାଏ ଯେ ଅନୁଷ୍କାଙ୍କ ବିବାହ ୨୦୧୫ ରେ ସ୍ଥିର ହୋଇଥିଲା, କିନ୍ତୁ ପ୍ରଭାସ ତାଙ୍କୁ 'ବାହୁବଲୀ' ଫିଲ୍ମ ଉପରେ ଧ୍ୟାନ ଦେବା କଥା କହି ବିବାହକୁ ରୋକ୍ ଦେଇଥିଲେ।
ଡେବ୍ୟୁ ଚଳଚ୍ଚିତ୍ର:
ଅଭିନେତା ପ୍ରଭାସ ତାଙ୍କ ଚଳଚ୍ଚିତ୍ର କ୍ୟାରିୟର ୨୦୦୨ ମସିହାରେ ତେଲୁଗୁ ଚଳଚ୍ଚିତ୍ର ‘ଇଶ୍ୱର’ରୁ ଆରମ୍ଭ କରିଥିଲେ। ତେବେ ଏହା ପରେ ସେ ରାଘବେନ୍ଦ୍ର, ବର୍ଷମ, ଯୋଗୀ, ଏକ ନିରଞ୍ଜନ, ରିବେଲ୍, ବାହୁବଲୀ: ଦି ବିଗିନିଙ୍ଗ ଏବଂ ବାହୁବଲୀ: ଦି କନ୍କ୍ଲୁଜନ୍ ଭଳି ଅନ୍ୟ ଚଳଚ୍ଚିତ୍ରରେ ଅଭିନୟ କରିଛନ୍ତି। କିନ୍ତୁ ‘ବାହୁବଲୀ’ ପ୍ରଭାସଙ୍କୁ ସମ୍ପୂର୍ଣ୍ଣ ନୂଆ ପରିଚୟ ଦେଇଥିଲା।
ହୋଟେଲ ବ୍ୟବସାୟରେ ଯିବାକୁ ଚାହୁଁଥିଲେ:
ଅନେକ ଥର ତାଙ୍କ ସାକ୍ଷାତକାରରେ ଅଭିନେତା ପ୍ରଭାସ ଖାଦ୍ୟ ପ୍ରତି ତାଙ୍କର ଭଲପାଇବା ପ୍ରକାଶ କରିଛନ୍ତି। ସେ ନିଜେ ସ୍ୱୀକାର କରିଛନ୍ତି ଯେ ଯଦି ସେ ଜଣେ ଅଭିନେତା ହୋଇ ନଥାନ୍ତେ, ତେବେ ସେ ହୋଟେଲ ବ୍ୟବସାୟରେ କାମ କରିଥାନ୍ତେ। ଅଭିନେତା କହିଛନ୍ତି ଯେ ସେ ବଟନ୍ ଚିକେନ୍ ଏବଂ ବିରିୟାନି ଖାଇବାକୁ ଖୁବ ଭଲ ପାଆନ୍ତି।
