LIVE TV
ଆଜିକାଲି ହରର୍-କମେଡି ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ବହୁତ ଉତ୍ସାହ ରହିଛି। ନିକଟରେ ରିଲିଜ୍ ହୋଇଥିବା ‘ମୁଞ୍ଜ୍ୟା’ର ଅପାର ସଫଳତା ପରେ ଲୋକମାନେ ଆଉ ଏକ ହରର-କମେଡି ଫିଲ୍ମ ‘ସ୍ତ୍ରୀ ୨’ କୁ ଉତ୍ସାହର ସହିତ ଅପେକ୍ଷା କରିଛନ୍ତି। ଏହି ସମୟରେ ଆଦିତ୍ୟ ସତ୍ୟପୋଦର ଏବଂ ଦୀନେଶ ଭିଜନ୍ ଅନ୍ୟ ଏକ ଅନନ୍ୟ ହରର୍-କମେଡି କରିବାକୁ ଆଗ୍ରହ ଦେଖାଇଛନ୍ତି।
ସେ 'ଭାମ୍ପାୟାର୍ସ ଅଫ୍ ବିଜୟ ନଗର' ଶୀର୍ଷକରେ ଏକ ଫିଲ୍ମ କରିବାକୁ ଯାଉଛନ୍ତି। ଏଥିରେ ଆୟୁଷ୍ମାନ ଖୁରାନା ଏବଂ ରଶ୍ମିକା ମନ୍ଦାନାଙ୍କ ରୋମାନ୍ସ ଦେଖିବାକୁ ମିଳିବ। ଏହି ଫିଲ୍ମ ମଧ୍ୟ ଦୀନେଶ ଭିଜନଙ୍କ ହରର-କମେଡି ୟୁନିଭର୍ସ ସହିତ ଜଡିତ ହେବ।
ରିପୋର୍ଟ ଅନୁଯାୟୀ, ଦୀନେଶ ଭିଜନ ଏବଂ ଆଦିତ୍ୟ ସତ୍ୟପୋଦର ଆୟୁଷ୍ମାନ ଖୁରାନା ଏବଂ ରଶ୍ମିକା ମନ୍ଦନାଙ୍କୁ ସେମାନଙ୍କର ନୂଆ ହରର କମେଡି ଫିଲ୍ମ 'ଭାମ୍ପାୟାର୍ସ ଅଫ୍ ବିଜୟ ନଗର' ପାଇଁ ବାଛିଛନ୍ତି। ଆୟୁଷ୍ମାନ ଫିଲ୍ମ 'ବାଲା'ରେ ଦୀନେଶଙ୍କ ସହ କାମ କରିସାରିଛନ୍ତି। ଏହି ଦୁଇଜଣଙ୍କ ମଧ୍ୟରେ ଏକ ବଡ଼ କ୍ରିଏଟିଭ୍ ବଣ୍ଡ୍ ରହିଛି।
Also Read
ରିପୋର୍ଟରେ ଦର୍ଶାଯାଇଛି ଯେ ଆୟୁଷ୍ମାନ ଖୁରାନା ଏବଂ ଦୀନେଶ ଭିଜନ ଏହି ଫିଲ୍ମକୁ ନେଇ କିଛି ଦିନ ହେଲା ଆଲୋଚନା କରୁଛନ୍ତି ଏବଂ ଚଳିତ ବର୍ଷ ଶେଷ ସୁଦ୍ଧା ଫିଲ୍ମକୁ ଫ୍ଲୋରକୁ ଆଣିବା ନେଇ ସମସ୍ତେ ପ୍ରସ୍ତୁତ ଅଛନ୍ତି। ସୂଚନାନୁସାରେ, ଚଳିତ ବର୍ଷ ନଭେମ୍ବରରୁ ଫିଲ୍ମ କାମ ଆରମ୍ଭ ହେବ। ଏହା ସହିତ କୁହାଯାଉଛି ଯେ ଏହି ଫିଲ୍ମରେ ଆୟୁଷ୍ମାନ ଏବଂ ରଶ୍ମିକାଙ୍କ ଚରିତ୍ରମାନେ ଖୁବ୍ ଅନନ୍ୟ ହେବେ। ବର୍ତ୍ତମାନ ଫିଲ୍ମର ସ୍କ୍ରିପ୍ଟ ଶେଷ ପର୍ଯ୍ୟାୟରେ।
'ଭାମ୍ପାୟାର୍ସ ଅଫ୍ ବିଜୟ ନଗର' ଖୁବ୍ ଶୀଘ୍ର ପ୍ରି-ପ୍ରଡକ୍ସନ ପର୍ଯ୍ୟାୟରେ ପହଞ୍ଚିବ। ଏହି ଚଳଚ୍ଚିତ୍ରର ସୁଟିଂ ଆରମ୍ଭ କରିବା ପୂର୍ବରୁ ଆୟୁଷ୍ମାନ କରଣ ଜୋହରଙ୍କ ଅନ୍ଟାଇଟଲ୍ ସ୍ପାଇ-ଥ୍ରୀଲର ଚଳଚ୍ଚିତ୍ରର ସୁଟିଂ ଶେଷ କରିବେ ଏବଂ ଅନୁରାଗ ସିଂହ ନିର୍ଦ୍ଦେଶିତ 'ବର୍ଡର ୨' ପାଇଁ ମଧ୍ୟ ସୁଟିଂ କରିବେ।
ସେହିପରି ରଶ୍ମିକା ବର୍ତ୍ତମାନ ଅଲୁ ଅର୍ଜୁନ ଷ୍ଟାରର 'ପୁଷ୍ପା ୨' ପାଇଁ ସୁଟିଂରେ ମଧ୍ୟ ବ୍ୟସ୍ତ ଅଛନ୍ତି। ଏହା ପରେ ସେ ସଲମାନ ଖାନଙ୍କ ସହ ଫିଲ୍ମ 'ସିକନ୍ଦର'ର ସୁଟିଂ ଶେଷ କରିବେ।
'ଭାମ୍ପାୟାର୍ସ ଅଫ୍ ବିଜୟ ନଗର'ରେ ପ୍ରଥମ ଥର ପାଇଁ ରୂପେଲି ପରଦାରେ ଆୟୁଷ୍ମାନ ଖୁରାନା ଏବଂ ରଶ୍ମିକା ମନ୍ଦାନା ରୋମାନ୍ସ କରୁଥିବା ନଜର ଆସିବେ। ଫିଲ୍ମ ସହ ଜଡିତ ଅଧିକ ସୂଚନା ବର୍ତ୍ତମାନ ସୁଦ୍ଧା ପ୍ରକାଶ ପାଇନାହିଁ। ନିର୍ମାତା ଏସବୁ ଖୁବ୍ ଶୀଘ୍ର ଘୋଷଣା କରିପାରନ୍ତି। ଏହି ଚଳଚ୍ଚିତ୍ର ଆସନ୍ତା ବର୍ଷ ୨୦୨୫ରେ ପ୍ରେକ୍ଷାଳୟକୁ ଆସିପାରେ।
