Avneet-Virat : ବିରାଟ କୋହଲି-ଅବନୀତ ଇନଷ୍ଟାଗ୍ରାମ ବିବାଦ, ମୁହଁ ଖୋଲିଲେ ଅଭିନେତ୍ରୀ...କହିଲେ ମୁଁ ବିଚଳିତ ହୁଏନି

ଅବନୀତ କୌର ପୁଣି ଥରେ ତାଙ୍କ ଇନଷ୍ଟାଗ୍ରାମ ପୋଷ୍ଟରେ ବିରାଟ କୋହଲିଙ୍କ ଲାଇକକୁ ନେଇ ହୋଇଥିବା ବିବାଦ ଉପରେ ନିଜର ପ୍ରତିକ୍ରିୟା ଦେଇଛନ୍ତି । ଯାହାକି ସୋସିଆଲ ମିଡିଆରେ ହଟଚମଟ ସୃଷ୍ଟି କରିଥିଲା। ଫ୍ୟାନ୍ ପେଜ୍ ଓ ସୋସିଆଲ ମିଡିଆ ବ୍ୟବହାରକାରୀମାନେ କ୍ରିକେଟରଙ୍କୁ ଖୁବ୍ ସମାଲୋଚନା କରିଥିଲେ।

ବିରାଟ ପୂର୍ବରୁ ସ୍ପଷ୍ଟୀକରଣ ଦେଇ ସାରିଛନ୍ତି । କିନ୍ତୁ ଅବନୀତ ଏବେ ସ୍ପଷ୍ଟ କରିଛନ୍ତି ଯେ ସେ ଏପରି କଥାରେ ପଡ଼ିବା ବଦଳରେ ନିଜ କ୍ୟାରିୟର ଉପରେ ଧ୍ୟାନ ଦେବାକୁ ପସନ୍ଦ କରନ୍ତି। ଏକ ସାକ୍ଷାତକାରରେ ଅବନୀତ କହିଛନ୍ତି ଯେ ସେ ଏହି କଥାଗୁଡ଼ିକୁ ନିଜ ଉପରେ ଭାରି ହେବାକୁ ଦିଅନ୍ତି ନାହିଁ।

ସେ କହିଛନ୍ତି ମୁଁ କେବଳ କଠିନ ପରିଶ୍ରମ କରୁଛି, ସତ କହିବାକୁ ଗଲେ ମୋର ଧ୍ୟାନ କେବଳ କାମ ଉପରେ ରହିଛି। ମୁଁ କେବଳ ଅଭିନୟ ନୁହେଁ ବରଂ ପ୍ରତ୍ୟେକ ଦିଗରେ ନିଜକୁ ଉନ୍ନତ କରିବାକୁ ଚେଷ୍ଟା କରୁଛି। ମୁଁ ଅନ୍ୟ ଜିନିଷଗୁଡ଼ିକ ଉପରେ ଅଧିକ ଧ୍ୟାନ ଦେବାକୁ ଚେଷ୍ଟା କରୁଛି ଏବଂ ନିଶ୍ଚିତ ଭାବେ ମୁଁ ମୋର ସ୍ୱପ୍ନ କିମ୍ବା ମୋ ପିତାମାତାଙ୍କୁ ଗର୍ବ କରାଇବା କଥା କେବେ ଭୁଲୁନାହିଁ।

ସେ ଆଗକୁ କହିଛନ୍ତି ଏହା କିଛି ଏପରି ଜିନିଷ ଯାହା ମୋତେ ବିଚଳିତ କରେ ନାହିଁ, କାରଣ ଯଦି ମୁଁ ଏହି ଜିନିଷଗୁଡ଼ିକ ଉପରେ ଧ୍ୟାନ ଦେବି, ତେବେ ମୁଁ ଆଗକୁ ବଢ଼ି ପାରିବି ନାହିଁ ଏବଂ ମୁଁ ତାହା ଚାହୁଁନାହିଁ। ଅବନୀତ ତାଙ୍କ ମାଆଙ୍କୁ ନିଜର ସବୁଠାରୁ ବଡ଼ ସମର୍ଥକ ଭାବେ ବର୍ଣ୍ଣନା କରିଛନ୍ତି। କହିଛନ୍ତି ସେ ମୋର ସବୁଠାରୁ ଭଲ ବନ୍ଧୁ ପରି। ମୁଁ ତାଙ୍କ ସହ ସବୁ କଥା ଶେୟାର କରେ। ସେ ମୋର ପ୍ରେରଣା, ସେ ମୋର ସବୁକିଛି। ମୁଁ ତାଙ୍କୁ ସବୁ କଥା କହେ - ଯେଉଁ କଥାଗୁଡ଼ିକ ମୁଁ ଅନ୍ୟ କାହାକୁ କହେ ନାହିଁ।

ଜଣାଇ ରଖୁଛୁ ଯେ ଏହି ବିବାଦ ପ୍ରଥମେ ୩୦ ଏପ୍ରିଲରେ ଆରମ୍ଭ ହୋଇଥିଲା, ଯେତେବେଳେ ଅବନୀତ ସବୁଜ ରଙ୍ଗର କ୍ରପ୍ ଟପ୍ ଓ ପ୍ରିଣ୍ଟେଡ୍ ୱାର୍ପ ସ୍କର୍ଟରେ କିଛି ଫଟୋ ଅପଲୋଡ୍ କରିଥିଲେ। ଫ୍ୟାନ ମାନେ ଦେଖିଥିଲେ ଯେ ବିରାଟ କୋହଲି ପୋଷ୍ଟଟିକୁ ଅନଲାଇକ୍ କରିବା ପୂର୍ବରୁ ଲାଇକ୍ କରିଥିଲେ, ଯାହା ଫଳରେ ଅନଲାଇନରେ ମିମ୍ ଓ ପ୍ରତିକ୍ରିୟାର ସୁନାମି ଆସିଥିଲା।

ଏହା ପରେ ତୁରନ୍ତ ବିରାଟ ଏକ ଇନଷ୍ଟାଗ୍ରାମ ଷ୍ଟୋରୀରେ ଲେଖିଥିଲେ, "ମୁଁ ସ୍ପଷ୍ଟ କରିବାକୁ ଚାହୁଁଛି ଯେ ମୋର ଫିଡ୍ ସଫା କରୁଥିବା ସମୟରେ, ଏପରି ଲାଗୁଛି ଯେ ଆଲଗୋରିଦମ ଭୁଲରେ ଏକ ଇଣ୍ଟରାକ୍ସନ ରେକର୍ଡ କରିଛି। ଏହା ପଛରେ କୌଣସି ଉଦ୍ଦେଶ୍ୟ ନଥିଲା। ମୁଁ ଅନୁରୋଧ କରୁଛି କୌଣସି ଅନାବଶ୍ୟକ ଧାରଣା ନ କରାଯାଉ । ଆପଣଙ୍କ ବୁଝାମଣା ପାଇଁ ଧନ୍ୟବାଦ।

ଅବନୀତ ବର୍ତ୍ତମାନ ଶାନ୍ତନୁ ମାହେଶ୍ୱରୀଙ୍କ ସହ ତାଙ୍କ ଫିଲ୍ମ 'ଲଭ୍ ଇନ୍ ଭିଏତନାମ'ର ରିଲିଜ୍‌ର ଅପେକ୍ଷା କରୁଛନ୍ତି, ଯାହା ୧୨ ସେପ୍ଟେମ୍ବରରେ ସିନେମା ହଲ୍‌ରେ ମୁକ୍ତିଲାଭ କରିବ।