‘ପଠାନ’ର ୭୦୦ କୋଟି ରୋଜଗାରରୁ ୧ କୋଟି ମାଗିଲେ ଫ୍ୟାନ୍

ଶାହରୁଖ ଖାନଙ୍କ ଫିଲ୍ମ ‘ପଠାନ’ ରୋଜଗାରର ସମସ୍ତ ରେକର୍ଡ ଭାଙ୍ଗି ଦର୍ଶକଙ୍କୁ ଏହାର ଗୀତରେ ନାଚିବାକୁ ବାଧ୍ୟ କରିଛି। ଏଥର ଶାହରୁଖ ଖାନ ଗଣମାଧ୍ୟମକୁ ବ୍ୟବହାର ନକରି ଟ୍ୱିଟର୍‌ ମାଧ୍ୟମରେ ଦର୍ଶକଙ୍କ ସହ ଯୋଡି ହେବା ପାଇଁ ନିଷ୍ପତ୍ତି ନେଇଥିଲେ। ଗତ କିଛି ଦିନ ହେବ ଶାହରୁଖ ଖାନ ତାଙ୍କ ପ୍ରଶଂସକଙ୍କୁ ଖୁସି କରୁଥିବା ଦେଖିବାକୁ ମିଳିଥିଲା। ଶାହରୁଖ ଲୋକମାନଙ୍କ ମଜାଳିଆ ପ୍ରଶ୍ନର ଜବରଦସ୍ତ ଉତ୍ତର ଦେଇ ଇଣ୍ଟରନେଟରେ ଟ୍ରେଣ୍ଡ୍‌ କରୁଛନ୍ତି।

‘ପଠାନ’ ବକ୍ସ ଅଫିସ୍‌ରେ ରୋଜଗାରର ସମସ୍ତ ରେକର୍ଡ ଭାଙ୍ଗିଥିବାର ନଜର ଆସିଛି। ‘ପଠାନ’ର ପ୍ରଶଂସକମାନେ ତାଙ୍କ ଫିଲ୍ମକୁ ଥରେ ନୁହେଁ ବରଂ ୫ ଥର ଦେଖିବାକୁ ଯାଉଛନ୍ତି। ତେବେ ଆସନ୍ତୁ ଶାହରୁଖ ଖାନଙ୍କ ଏମିତି ଜଣେ ପ୍ରଶଂସକଙ୍କୁ ଭେଟିବା, ଯିଏ ଟ୍ୱିଟର୍‌ରେ ଶାହରୁଖ ଖାନଙ୍କ ସହ ହିସାବ କିତାବ କରୁଥିବା ନଜର ଆସିଛନ୍ତି।

ଶାହରୁଖ ଖାନ୍‌ ଟ୍ୱିଟର୍‌ରେ ଏକ ASK SRK ରେ ଏକ ସେସନ କରିଥିଲେ। ଏହି ସେସନ୍‌ରେ ଶାହରୁଖଙ୍କ ପ୍ରତ୍ୟେକ ଉତ୍ତର ପଢିବା ପରେ, ଆପଣ ନିଶ୍ଚିତ ଭାବରେ ହସିବାକୁ ଲାଗିବେ।

ଜଣେ ପ୍ରଶଂସକ ଯେତେବେଳେ ‘ପଠାନ’ର ରୋଜଗାରକୁ ନେଇ ପ୍ରଶ୍ନ କରିଥିଲେ। ଶାହରୁଖ ଏହାର ମଜାଳିଆ ଉତ୍ତର ଦେଇଛନ୍ତି। ସେ ଲେଖିଛନ୍ତି “ହା… ହା… ଭାଇ, ଜୋକ୍‌କୁ ଫିଲ୍ କର, ହିସାବ କରନି। ମୋ କରେନ୍ସି କନ୍‌ଭର୍‌ଟର କାମ କରୁନି।”

Ha ha…..bhai joke feel karo calculate mat karo….my currency converter is not working!!! https://t.co/HRDENcUMwu

— Shah Rukh Khan (@iamsrk) February 4, 2023

ସେହିପରି ଆଉଜଣେ ଯେତେବେଳେ ‘ପଠାନ୍’ର ପ୍ରକୃତ ରୋଜଗାର ବିଷୟରେ ପଚାରିବାରୁ ଶାହରୁଖ ଏହାର ଏକ ଦମଦାର ଉତ୍ତର ଦେଇଛନ୍ତି। ସେ କହିଛନ୍ତି ୫ ହଜାର କୋଟି ଭଲପାଇବା, ୩ ହଜାର କୋଟି ପ୍ରଶଂସା, ୩,୨୫୦ କୋଟି ଆଲିଙ୍ଗନ, ୨ ବିଲିୟନ୍ ହସ….। ତୁମ ଆକାଉଣ୍ଟ୍ କ’ଣ କହୁଛି।”

5000 crores Pyaar. 3000 crore Appreciation. 3250 crores hugs….2 Billion smiles and still counting. Tera accountant kya bata raha hai?? https://t.co/P2zXqTFmdH

— Shah Rukh Khan (@iamsrk) February 4, 2023

ଅନ୍ୟଜଣେ କହିଛନ୍ତି ଯେ ସେ ‘ପଠାନ’କୁ ୫ ଥର ଦେଖିସାରିଲେଣି, ଆଉ ୫ ଥର ଯିବାକୁ ଯୋଜନା କରିଛନ୍ତି। ଏହା ପରେ ଏହାର ରୋଜଗାରରୁ ତାଙ୍କୁ କିଛି ଶେୟାର କରିବାକୁ ସେ ଶାହରୁଖଙ୍କୁ କହିବା ସୁପରଷ୍ଟାର୍ କହିଛନ୍ତି, “ନା… କେବଳ ଏଣ୍ଟର୍‌ଟେନ୍‌ମେଣ୍ଟ୍… ଏଣ୍ଟର୍‌ଟେନ୍‌ମେଣ୍ଟ୍… ଏଣ୍ଟର୍‌ଟେନ୍‌ମେଣ୍ଟ୍…। ଟଙ୍କା ପାଇଁ କିଛି କାମ କର। ହା… ହା… #Pathaan(sic)”

Nahi…sirf entertainment…entertainment…entertainment. Paison ke liye koi kaam karo…ha ha. #Pathaanhttps://t.co/qbJ6TOzLXi

— Shah Rukh Khan (@iamsrk) February 4, 2023

ଅନ୍ୟ ଜଣେ ଲୋକ ମନ୍ତବ୍ୟ ଦେବାବେଳେ ଶାହରୁଖ ଖାନଙ୍କୁ କହିଥିଲେ ଯେ “ମୁଁ ‘ପଠାନ’ ଦେଖିବାକୁ ପାଞ୍ଚ ଥର ଯାଇଛି, ତେବେ ୭୦୦ କୋଟିରୁ ଗୋଟିଏ କୋଟି ତ ଦେଇ ଦିଅନ୍ତୁ ସାର୍,”। ନିଜର ଏହି ପ୍ରଶଂସକଙ୍କ ପ୍ରତିକ୍ରିୟାରେ ଶାହରୁଖ ଖାନ ତାଙ୍କୁ ଶେୟାର୍ ମାର୍କେଟର ହିସାବ କିତାବ ବୁଝେଇ ଦେଇଛନ୍ତି।

ଶାହରୁଖ ତାଙ୍କ ଉତ୍ତର ଦେବାବେଳେ ଲେଖିଛନ୍ତି ଯେ “ଭାଇ, ଶେୟାର ମାର୍କେଟ୍‌ରେ ଏତେ ବି ରେଟ୍ ଅଫ୍ ରିଟର୍ଣ୍ଣ ମିଳେ ନାହିଁ। ଫିଲ୍ମକୁ ଆହୁରି ଅନେକ ଥର ଦେଖନ୍ତୁ, ତାପରେ ଭାବିବା... ହା… ହା… ପଠାନ୍।” ଶାହରୁଖ ଖାନଙ୍କ ଏହି ମଜାଳିଆ ଉତ୍ତର ଦର୍ଶକଙ୍କୁ ବହୁତ ପସନ୍ଦ ଆସିଛି।

Bhai itna rate of return nahi milta not even on share market. See it a few times more then let’s see…ha ha #Pathaanhttps://t.co/HUOh4sTKWY

— Shah Rukh Khan (@iamsrk) February 4, 2023

ଆଉ ଜଣେ ପ୍ରଶଂସକ ଲେଖିଛନ୍ତି, “ସାର୍, ମୁଁ ଆପଣଙ୍କର ଉତ୍ତରକୁ ବହୁ ବର୍ଷ ଧରି ଅପେକ୍ଷା କରିଛି, କିନ୍ତୁ ଆପଣ ଆଦୌ ଉତ୍ତର ଦିଅନ୍ତି ନାହିଁ... କେବଳ ଖାଲି ହାଏ ହିଁ କହିଦିଅନ୍ତୁ।” କିଙ୍ଗ ଖାନ୍ ଏହାର ଉତ୍ତରରେ କହିଛନ୍ତି “ବହୁତ ଥଣ୍ଡା ଥିଲା, ତେଣୁ ମୁଁ ଶୋଇପାରିଲି ନାହିଁ ଠିକ୍ ଅଛି, ଆମେ ଏହି ସେସନକୁ ବନ୍ଦ କରି ଶୋଇଯିବା ଏବଂ ପରେ ତମେ ଉଠିଲା ପରେ ମୁଁ ପୁଣି ଫେରିବି।”

Had a bad cold couldn’t sleep, should I end and go back to sleep and maybe come later on when u are fully awake?? https://t.co/VMyCVNrNUh

— Shah Rukh Khan (@iamsrk) February 4, 2023

ଏହିପରି ଅନେକ ପ୍ରଶଂସକଙ୍କୁ ଜବାବ ଦେଇ ଶାହାରୁଖ ଖାନ ବହୁତ ମଜା କରିଛନ୍ତି। ଶାହାରୁଖ ଖାନଙ୍କ ଏହି ମଜାଳିଆ ଷ୍ଟାଇଲ୍ ଦର୍ଶକଙ୍କୁ ବହୁତ ପସନ୍ଦ ଆସେ। ଅନ୍ୟପକ୍ଷରେ, ଯଦି ଆମେ ‘ପଠାନ’ ବିଷୟରେ କଥା ହେବା, ତେବେ ଏହାର ରୋଜଗାର ଦିନକୁ ଦିନ ବଢିବାରେ ଲାଗିଛି। ଅତୀତରେ ପଠାନ ଅନେକ ରେକର୍ଡ ମଧ୍ୟ ଭାଙ୍ଗିଛି।

୩୦୦ କୋଟିର କ୍ଲବରେ ସାମିଲ୍ ହୋଇ ‘ପଠାନ’ ପ୍ରଥମ ଥର ପାଇଁ ଏହି ସଂଖ୍ୟା ଅତିକ୍ରମ କରିଛି। ମାତ୍ର ୭ ଦିନରେ ‘ପଠାନ’ ୩୦୦ କୋଟି କ୍ଲବ୍‌ରେ ନିଜର ସ୍ଥାନ ହାସଲ କରିଛି। ରିଲିଜ୍ ହେବାର ଦ୍ୱିତୀୟ ସପ୍ତାହରେ ଶାହରୁଖ ଖାନଙ୍କ ‘ପଠାନ’ ସହଜରେ ୪୦୦ କୋଟି ମାର୍କ ଅତିକ୍ରମ କରିବ।