LIVE TV
ମଲାଇକା ଅରୋରା ଓ ଅର୍ଜୁନ କପୁରଙ୍କ ସଂପର୍କକୁ ନେଇ ଦୀର୍ଘ ଦିନ ଧରି ଚର୍ଚ୍ଚା ହେଉଥିଲା। ବହୁ ଗଣମାଧ୍ୟମ ରିପୋର୍ଟରେ ଏବଂ ସୋସିଆଲ ମିଡିଆରେ ମଧ୍ୟ ମଲାଇକା ଏବଂ ଅର୍ଜୁନଙ୍କ ବ୍ରେକ୍ଅପ୍ ଖବରକୁ ନେଇ ଆଲୋଚନା କରାଯାଇଥିଲା। ଦୀର୍ଘ ଦିନ ଧରି ଉଭୟଙ୍କୁ ମଧ୍ୟ ଏକାଠି ଦେଖିବାକୁ ମିଳି ନଥିଲା। ଏହା ପରେ ଚର୍ଚ୍ଚା ଜୋର ଧରିଥିଲା ଯେ ଦୀର୍ଘ ଦିନ ଧରି ଡେଟିଂ କରୁଥିବା ଅର୍ଜୁନ କପୁର ଏବଂ ମଲାଇକା ଅରୋରା ଆଉ ଏକାଠି ନାହାଁନ୍ତି।
Also Read
ଦୀର୍ଘ ସମୟ ଧରି ଆଲୋଚନା ପରେ ବର୍ତ୍ତମାନ ଅର୍ଜୁନ କପୁର ଶେଷରେ ମଲାଇକା ଅରୋରାଙ୍କ ସହିତ ତାଙ୍କର ବ୍ରେକଅପ୍କୁ ନେଇ ନୀରବତା ଭାଙ୍ଗିଛନ୍ତି। ଅଭିନେତା ଗତ ସୋମବାର 'ସିଂଘମ ଏଗେନ୍' ଷ୍ଟାର୍କାଷ୍ଟ୍ ସହିତ ରାଜ ଠାକ୍ରେଙ୍କ ଦିପାବଳୀ ପାର୍ଟୀରେ ଯୋଗ ଦେଇଥିଲେ। ଏହି ସମୟରେ ସେ ଏକ ବାର୍ତ୍ତା ଦେଇ ନିଜର ବ୍ରେକଅପ୍କୁ ନିଶ୍ଚିତ କରିଛନ୍ତି।
ଏହି ଦିପାବଳୀ ପାର୍ଟିରୁ ଅର୍ଜୁନ କପୁରଙ୍କ ଏକ ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ, ଯେତେବେଳେ ଲୋକମାନେ ତାଙ୍କ ସାମ୍ନାରେ ମଲାଇକା ମଲାଇକା କହି ଚିଲେଉଥିବା ଦେଖାଗଲା, ଅର୍ଜୁନ କହିଥିଲେ ଯେ ‘ବର୍ତ୍ତମାନ ମୁଁ ସିଙ୍ଗଲ୍। ରିଲାକ୍ସ କର।’ ଏହି ଭିଡିଓରେ ସେ ତାଙ୍କ ବିବାହକୁ ନେଇ କଥାବାର୍ତ୍ତା କରୁଥିବା ମଧ୍ୟ ଦେଖିବାକୁ ମିଳିଛି।
ଏହା ପୂର୍ବରୁ ଅନ୍ୟ ଏକ ରିପୋର୍ଟରେ ଜଣାଯାଇଥିଲା ଯେ ଅର୍ଜୁନ କପୁର ଏବଂ ମଲାଇକା ଅରୋରା ଆଉ ଏକାଠି ନାହାଁନ୍ତି। ଆଜି ମଧ୍ୟ ଦୁହିଁଙ୍କ ମଧ୍ୟରେ ଏକ ବିଶେଷ ସମ୍ପର୍କ ଅଛି, କିନ୍ତୁ ବର୍ତ୍ତମାନ ସେମାନେ ନିଜ ନିଜ ରାସ୍ତା ବାଛି ନେଇଛନ୍ତି।
ଅର୍ଜୁନ ଓ ମଲାଇକା ୨୦୧୮ରେ ଡେଟିଂ ଆରମ୍ଭ କରିଥିଲେ। ଅରବାଜ ଖାନଙ୍କଠାରୁ ଛାଡପତ୍ର ହେବା ଦିନଠାରୁ, ମଲାଇକା ତାଙ୍କଠାରୁ ୧୨ ବର୍ଷ ସାନ ଅର୍ଜୁନ କପୁରଙ୍କୁ ଡେଟ୍ କରିବା ଆରମ୍ଭ କଲେ। କିନ୍ତୁ ବର୍ତ୍ତମାନ ଦୁହେଁ ସେମାନଙ୍କର ଦୀର୍ଘ ଦିନର ସମ୍ପର୍କକୁ ସମାପ୍ତ କରିଛନ୍ତି।
