Animal: ରଣବୀର କପୁରଙ୍କ ପାଇଁ ବଡ ସମସ୍ୟା ହୋଇ ଠିଆହେଲା ‘ଆନିମଲ୍’; ଜାଣନ୍ତୁ କିପରି…

ଆଜିକାଲି ରଣବୀର କପୁର ଫିଲ୍ମ ‘ଆନିମଲ୍’ର ସଫଳତାର ସ୍ୱାଦ ଚାଖୁଛନ୍ତି। ଏ ସଫଳତା ପୁଣି ଏମିତି ସେମିତି ନୁହେଁ, ସନ୍ଦୀପ ରେଡ୍ଡୀ ଭଙ୍ଗାଙ୍କ ‘ଆନିମଲ୍’ ତାଙ୍କ କ୍ୟାରିୟରର ସବୁଠାରୁ ସଫଳ ଫିଲ୍ମ ହୋଇପାରିଛି। ତାଙ୍କର ଏହି ଫିଲ୍ମ ୧ ଡିସେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ସାତ ଦିନ ମଧ୍ୟରେ ବିଶ୍ୱବ୍ୟାପୀ ବକ୍ସ ଅଫିସରେ ୫୦୦ କୋଟିରୁ ଅଧିକ ଟଙ୍କା ରୋଜଗାର କରିସାରିଲାଣି।

ରଣବୀରଙ୍କ ବ୍ୟତୀତ ଅନିଲ କପୁର, ବବି ଦେଓଲ, ତୃପ୍ତି ଡିମରୀ ଏବଂ ରଶ୍ମିକା ମନ୍ଦାନାଙ୍କ ପରି ଅନେକ କଳାକାରଙ୍କ ଅଭିନୟ ଦର୍ଶକଙ୍କୁ ବହୁତ ପସନ୍ଦ ଆସିଛି, କିନ୍ତୁ ରଣବୀର କପୁରଙ୍କ ପାଇଁ ‘ଆନିମଲ’ କରିବା ଏକ ବଡ ସମସ୍ୟା ହୋଇଛି। କିପରି, ଆସନ୍ତୁ ଜାଣିବା।

ବାସ୍ତବରେ ‘ଆନିମଲ୍’ ରଣବୀର କପୁରଙ୍କ କ୍ୟାରିୟରର ସର୍ବାଧିକ ଆୟକାରୀ ଫିଲ୍ମ ହୋଇପାରିଛି। ସେ ତାଙ୍କ କ୍ୟାରିୟରରେ ୨୫ ରୁ ଅଧିକ ଫିଲ୍ମ କରିଛନ୍ତି, କିନ୍ତୁ ରଣବୀର କପୁରଙ୍କ ପୂର୍ବର କୌଣସି ବି ଫିଲ୍ମ ‘ଆନିମଲ୍’ ପରି ସଫଳତା ହାସଲ କରିପାରି ନାହିଁ।

‘ଆନିମଲ୍’ ବର୍ତ୍ତମାନ ପର୍ଯ୍ୟନ୍ତ ସାରା ବିଶ୍ୱରେ ୫୦୦ କୋଟିରୁ ଅଧିକ ରୋଜଗାର କରିଛି। ‘ଆନିମଲ୍’ର ରୋଜଗାର ଚଳିତ ବର୍ଷ ଶାହରୁଖ ଖାନ, ସଲମାନ ଖାନ ଏବଂ ସନ୍ନି ଦେଓଲଙ୍କ ପରି ବଡ ଅଭିନେତାଙ୍କ ଫିଲ୍ମର ରେକର୍ଡ ଭାଙ୍ଗିଛି।

ରଣବୀର କପୁରଙ୍କ ଏହି ଫିଲ୍ମ ବକ୍ସ ଅଫିସରେ ‘ପଠାନ’, ‘ଗଦର ୨’, ‘ଜବାନ’ ଏବଂ ‘ଟାଇଗର ୩’ ର ରେକର୍ଡ ଭାଙ୍ଗିଛି। ଏଭଳି ପରିସ୍ଥିତିରେ, ‘ଆନିମଲ୍’ର ଏତେ ବଡ଼ ସଫଳତା ପରେ ରଣବୀର କପୁର ସୁପରଷ୍ଟାର ତାଲିକାରେ ସ୍ଥାନ ପାଇଛନ୍ତି, ଯେଉଁ ସ୍ଥାନରେ ଶାହରୁଖ ଖାନ, ଆମୀର ଖାନ, ସଲମାନ ଖାନ ଏବଂ ସନ୍ନି ଦେଓଲ ଭଳି ବଡ କଳାକାର ଅଛନ୍ତି।

ବର୍ତ୍ତମାନ ‘ଆନିମଲ୍’ ପରେ ରଣବୀର କପୁରଙ୍କ ପାଇଁ ସର୍ବୋତ୍ତମ ଫିଲ୍ମ ବାଛିବା ଏବଂ ‘ଆନିମଲ୍’ ପରି ସଫଳତାକୁ ପୁନରାବୃତ୍ତି କରିବା ଏକ ବଡ଼ ଆହ୍ୱାନ ହେବ। ଏହା ଜଣେ କଳାକାରଙ୍କ ପାଇଁ କେବେ ବି ସହଜ ନୁହେଁ। ତେବେ ରଣବୀର କପୁରଙ୍କ ଆଗାମୀ ଫିଲ୍ମ ଭାବେ ରାମାୟଣ, ବ୍ରହ୍ମାସ୍ତ୍ର ୨ ଏବଂ ‘ଆନିମଲ୍’ର ସିକ୍ୱେଲ ଏହିଛି। ଏହି ସମସ୍ତ ଫିଲ୍ମକୁ ‘ଆନିମଲ୍’ ଅପେକ୍ଷା ଏକ ବଡ଼ ବ୍ଲକ୍‌ବଷ୍ଟର୍‌ ତିଆରି କରିବା ଏକ କଠିନ କାର୍ଯ୍ୟ ହୋଇପାରେ, କାରଣ ଏ ସବୁ ହେଉଛି ବଡ଼ ବଜେଟ୍ ଫିଲ୍ମ।