LIVE TV
ସୋସିଆଲ୍ ମିଡିଆରେ ଟ୍ୱିଟ୍ କରି ପୁଣି ଟ୍ରୋଲ୍ ହୋଇଛନ୍ତି ବିଗ୍ ବି ଅମିତାଭ ବଚ୍ଚନ। ବଲିଉଡ୍ ମେଗାଷ୍ଟାର୍ ଅମିତାଭ ବଚ୍ଚନ ସୋସିଆଲ ମିଡିଆରେ ସବୁବେଳେ ସକ୍ରିୟ ଥାଆନ୍ତି। ସୋସିଆଲ ମିଡିଆର ପ୍ରତ୍ୟେକ ପ୍ଲାଟଫର୍ମରେ ସେ ବେଶ ଚଳଚଞ୍ଚଳ। ସୋସିଆଲ ମିଡିଆରେ ତାଙ୍କର ଏକ ବହୁତ ପ୍ରଶଂସକ ଅଛନ୍ତି ଏବଂ ସେ ବିଭିନ୍ନ ପ୍ରସଙ୍ଗକୁ ନେଇ ନିଜର ପୋଷ୍ଟ ସେୟାର କରନ୍ତି, ଯେଉଁ କାରଣରୁ ସେ ଚର୍ଚ୍ଚାରେ ରହିଥା’ନ୍ତି । ରାତି ପ୍ରାୟ ୨ଟାରେ ବିଗ୍ ବି ଏକ ଟ୍ୱିଟ୍ କରିଥିଲେ, ଯାହା ପରେ ଲୋକ ତାଙ୍କୁ ସୋସିଆଲ୍ ମିଡିଆରେ ଘେରିବା ସହ ଟ୍ରୋଲ୍ କରିବା ଆରମ୍ଭ କରିଥିଲେ।
ସବୁଦିନ ପରି ଆଜି ରାତି ପ୍ରାୟ ୨ଟାରେ ଅମିତାଭ ବଚ୍ଚନ ଏକ ଟୁଇଟ୍ କରିଥିଲେ। ସେ ନିଜ ଟ୍ୱିଟ୍ରେ ଲେଖିଛନ୍ତି- 'ଲେଖିବାର କିଛି ନାହିଁ'। ଅମିତାଭଙ୍କ ଏହି ପୋଷ୍ଟ ଦେଖିବା ପରେ ଲୋକମାନେ ତାଙ୍କୁ ସମାଲୋଚନା କରିବାକୁ ଆରମ୍ଭ କରିଥିଲେ। ସୋସିଆଲ ମିଡିଆରେ ଉପଭୋକ୍ତାମାନେ ତାଙ୍କୁ ଟ୍ରୋଲ୍ କରି ସମାଲୋଚନା କରିଥିଲେ।
ଲୋକମାନେ ତାଙ୍କୁ ସୋସିଆଲ ମିଡିଆରେ ଟ୍ରୋଲ୍ କରୁଛନ୍ତି ଏବଂ କହୁଛନ୍ତି ଯଦି କିଛି ନାହିଁ, ତେବେ ମୁଦ୍ରାସ୍ଫୀତି ଏବଂ ପେଟ୍ରୋଲ୍ ଡିଜେଲ୍ ମୂଲ୍ୟ ବୃଦ୍ଧିକୁ ନେଇ କିଛି ଲେଖନ୍ତୁ। କିଛି ଉପଭୋକ୍ତା ଅମିତାଭ ବଚ୍ଚନଙ୍କ ସୋସିଆଲ୍ ମିଡିଆରେ ସେଭ୍ ହୋଇ ଥିବା ୨୦୧୨ର ଟ୍ୱିଟ୍ ମଧ୍ୟ ବାହାର କରିଥିଲେ, ଯାହା ସେ ପେଟ୍ରୋଲର ମୂଲ୍ୟ ବୃଦ୍ଧିକୁ ନେଇ ଟ୍ୱିଟ୍ କରିଥିଲେ। ପାଞ୍ଚଟି ପ୍ରସଙ୍ଗ ଦର୍ଶାଇ ଜଣେ ଉପଭୋକ୍ତା ଲେଖିଛନ୍ତି ଯେ- ଅମିତାଭ ବଚ୍ଚନ ଜୀ, ଆପଣଙ୍କର ଲେଖିବାକୁ ଅନେକ କିଛି ଅଛି।
Also Read
୧- ଦେଶର ବିଭିନ୍ନ ରାଜ୍ୟରେ ଆସିଥିବା ବନ୍ୟା ଉପରେ ଲେଖନ୍ତୁ।
୨- ଦେଶରେ ବୃଦ୍ଧି ପାଉଥିବା ମୁଦ୍ରାସ୍ଫୀତି ଉପରେ ଲେଖନ୍ତୁ।
୩- ଦେଶରେ ପେଟ୍ରୋଲ ଏବଂ ଡିଜେଲ ଦର ବୃଦ୍ଧି ଉପରେ ଲେଖନ୍ତୁ ।
୪- ଦେଶରେ ରୋସେଇ ଗ୍ୟାସ୍ ସିଲିଣ୍ଡରର ମୂଲ୍ୟ ବୃଦ୍ଧି ଉପରେ ଲେଖନ୍ତୁ।
୫- ଦେଶରେ ଏକଛତ୍ରବାଦୀ ଶାସନ ଉପରେ ଲେଖନ୍ତୁ।
ସେହିପରି ଅନ୍ୟ ଜଣେ ଲେଖିଛନ୍ତି- ‘ଆଉ ଏବେ ତାଙ୍କୁ ପେଟ୍ରୋଲ ଓ ଡିଜେଲର ମହଙ୍ଗା ବାଧୁ ନାହିଁ। ସେ ବହୁତ ଚମତ୍କାର ଅଭିନେତା। ୨୦୧୪ ପୂର୍ବରୁ ମଧ୍ୟ ସେ ଚମତ୍କାର ଅଭିନୟ କରୁଥିଲେ।’ ଅନ୍ୟ ଜଣେ ଉପଭୋକ୍ତା ଲେଖିଛନ୍ତି - 'ଧନ୍ୟବାଦ ମୋଦୀ ଜୀ' ଆପଣ ଲେଖିପାରିବେ... କାରଣ ଆପଣଙ୍କର ଭଲ ଦିନ ଚାଲିଛି।
ଆପଣ ଜାଣି ରଖନ୍ତୁ ଯେ ଅମିତାଭ ବଚ୍ଚନ ମଧ୍ୟରାତ୍ରି ପରେ ସୋସିଆଲ ମିଡିଆରେ ଟ୍ୱିଟ୍ କିମ୍ବା ପୋଷ୍ଟ ସେୟାର କରନ୍ତି, ଯାହା ବିଷୟରେ ଲୋକମାନେ ପ୍ରାୟତଃ ପ୍ରଶ୍ନ ମଧ୍ୟ ପଚାରନ୍ତି। ପ୍ରକାଶଥାଉ ଯେ ପୂର୍ବରୁ ଦୁଇ ପ୍ରସିଦ୍ଧ କବିଙ୍କ ନାମ ନେଇ ସାୟରୀ ସେୟାର୍ କରିବା ନେଇ ଅମିତାଭ୍ ଟ୍ରୋଲ୍ ହୋଇଥିଲେ।
ଅମିତାଭଙ୍କ କାମର କଥା ଆଲୋଚନା କଲେ ତାଙ୍କୁ ଖୁବ୍ ଶୀଘ୍ର 'ଚେହରେ', 'ଝୁଣ୍ଡ', 'ବ୍ରହ୍ମାସ୍ତ୍ର', 'ମେଡେ' ଏବଂ 'ଗୁଡବାୟ' ଭଳି ଚଳଚ୍ଚିତ୍ରରେ ଦେଖିବାକୁ ମିଳିବ।
