Kaun Banega Crorepati: ଆସୁଛି KBC-15; କିପରି କରିବେ ପଞ୍ଜିକରଣ ଜାଣନ୍ତୁ

ପୁଣି ଥରେ ଶତାବ୍ଦୀର ମହାନାୟକ ବା ଅମିତାଭ ବଚ୍ଚନ କମ୍ପ୍ୟୁଟର ଜି’ଙ୍କ ସହାୟତାରେ ସାହାଯ୍ୟରେ ପ୍ରଶ୍ନର ଗଦା ସହିତ ଟିଭିରେ ନଜର ଆସିବେ। ଆପଣମାନେ ମଧ୍ୟ ଆଖିରେ ଅନେକ ସ୍ୱପ୍ନକୁ ସଜେଇଥିବେ, ଯାହାକୁ ପୂରଣ କରିବା ପାଇଁ ଅନେକ ଟଙ୍କାର ଆବଶ୍ୟକ ଥିବ। ତେଣୁ ଏହି ସୁଯୋଗ ଆପଣଙ୍କ ସ୍ୱପ୍ନକୁ ପୂରଣ କରିପାରେ।

ନିଜ ବୁଦ୍ଧି ଏବଂ ଜ୍ଞାନ ସହିତ ଆପଣ ମଧ୍ୟ ଲକ୍ଷପତି କିମ୍ବା କୋଟିପତି ହୋଇ ନିଜର ସ୍ୱପ୍ନକୁ ନୂଆ ଉଡ଼ାଣ ଦେଇପାରିବେ। ‘କୌନ୍ ବନେଗା କରୋଡପତି’ର ୧୪ ସିଜନ ସଫଳତା ପରେ ବର୍ତ୍ତମାନ ନିର୍ମାତା ଶୋ’ର ୧୫ତମ ସିଜନ୍‌କୁ ପ୍ରସ୍ତୁତ କରିନେଇଛନ୍ତି। ଯଦି ଆପଣ ‘କୌନ୍‌ ବନେଗା କୋଟିପତି’ର ୧୫ତମ ସିଜନ୍‌ରେ ହଟ୍ ସିଟ୍‌ରେ ବସିବାକୁ ଚାହାଁନ୍ତି, ତେବେ ସେଠାରେ ପହଞ୍ଚିବା ପାଇଁ ପ୍ରତ୍ୟେକ ବିବରଣୀ ଜାଣିନେବା ଜରୁରୀ।

'କୌନ୍ ବନେଗା କରୋଡ୍‌ପତି' ଏମିତି ଏକ ଶୋ’ ଯାହାକୁ ଦେଖିବା ନେଇ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଥାନ୍ତି। ଖାଲି ଦେଖନ୍ତି ନାହିଁ ଏହି ଶୋ’ ମାଧ୍ୟମରେ ଲୋକମାନେ ମନୋରଞ୍ଜନ କରିବା ସହିତ ସେମାନଙ୍କର ଜ୍ଞାନକୁ ମଧ୍ୟ ଦୃଢ କରିଥାନ୍ତି। ସିଜନ୍ ୧୪ ପରେ ପୁଣି ଥରେ ଅମିତାଭ ବଚ୍ଚନ ଲୋକଙ୍କୁ ପ୍ରଶ୍ନ ପଚାରିବାକୁ ପ୍ରସ୍ତୁତ। କେବିସି ୧୫ର ପ୍ରଥମ ପ୍ରୋମୋ ନିକଟରେ ରିଲିଜ୍ ହୋଇଛି, ଯାହାକୁ ଦେଖିବା ପରେ ପ୍ରଶଂସକଙ୍କ ମଧ୍ୟରେ ଉତ୍ସାହ ବୃଦ୍ଧି ପାଇଛି।

ଯଦି ଆପଣ 'କୌନ୍ ବନେଗା କରୋଡ୍‌ପତି ୧୫'ର ଏକ ଅଂଶ ହେବାକୁ ଚାହାଁନ୍ତି, ତେବେ ଏହି ଖବର ଆପଣଙ୍କ ପାଇଁ ଅତ୍ୟନ୍ତ ଉପଯୋଗୀ। ଶୋ’ରେ କିପରି ପହଞ୍ଚିବେ। ପଞ୍ଜୀକରଣ କେବେ ଆରମ୍ଭ ହେଉଛି। ଏମିତି ଅନେକ ପ୍ରଶ୍ନର ଉତ୍ତର ଜାଣିନିଅନ୍ତୁ ଯାହା ଆପଣଙ୍କୁ ହଟସିଟ୍‌ରେ ପହଞ୍ଚାଇପାରିବ।

'କୌନ୍ ବନେଗା କରୋଡ୍‌ପତି ୧୫'ରେ ଦେଖାଯାଏ ଯେ ଏକ ଝିଅ ସିଧା ରାସ୍ତା ଆପଣେଇବା ନେଇ ନିଜ ଘର ବାହାରେ ଏକ ସୁଡଙ୍ଗ କରୁଛି ଏବଂ ସିଧା କେବିସି ମଞ୍ଚରେ ପହଞ୍ଚିଯାଉଛି। ସେ ମଞ୍ଚ ଉପରେ ବିଗ୍ ବି ବସିଥିବାର ଦେଖି ବହୁତ ଖୁସି ହୋଇଯାଉଛି। ସେ କିନ୍ତୁ ଖେଳ ଖେଳି ପାରୁ ନାହିଁ।

ପ୍ରୋମୋରେ ଶୋ’ର ହୋଷ୍ଟ୍‌ ଅମିତାଭ ବଚ୍ଚନ କହିଛନ୍ତି ଯେ କେବିସି ୧୫ ପାଇଁ, ଏପରି ଦୁଃସାହସିକ ଗ୍ରହଣ କରନ୍ତୁ ନାହିଁ, କେବଳ ଫୋନ୍ ଉଠାନ୍ତୁ ଆଉ ୨୯ ଏପ୍ରିଲରୁ ରାତି ୯ଟା ସମୟରେ ପଚରାଯାଇଥିବା ପ୍ରଶ୍ନର ଉତ୍ତର ପଠାନ୍ତୁ। ଏହା ହେଉଛି ଏକମାତ୍ର ଉପାୟ।

କିପରି କରିବେ ପଞ୍ଜୀକରଣ:

• କେବିସି ୧୫ ରେ ପଞ୍ଜୀକରଣ କରିବାକୁ, ସର୍ବପ୍ରଥମେ ଆପଣଙ୍କୁ ନିଜ ଫୋନରେ ସୋନି ଲାଇଭ୍ ଆପ୍ ଡାଉନ୍‌ଲୋଡ୍ କରିବାକୁ ପଡିବ ଏବଂ ଏଥିରେ ନିଜ ବିଷୟରେ କିଛି ସୂଚନା ପୂରଣ କରିବାକୁ ପଡିବ।
• ସର୍ବପ୍ରଥମେ, ଆପଣଙ୍କର ପସନ୍ଦର ଭାଷା ବାଛନ୍ତୁ ଯେଉଁଥିରେ ଆପଣ ଉତ୍ତର ଦେବାକୁ ଚାହୁଁଛନ୍ତି।
• ଆପଣଙ୍କ ନାଁ, ବୟସ, ମୋବାଇଲ୍ ନମ୍ବର, ଆପଣ କେଉଁ ରାଜ୍ୟରେ ରୁହନ୍ତି ଏବଂ କେତେ ପାଠ ପଢିଛନ୍ତି ଏସବୁ କହିବାର ଅଛି।
• ଆପଣ କେଉଁ କ୍ଷେତ୍ରରେ କାମ କରୁଛନ୍ତି ତାହା ମଧ୍ୟ କହିବାକୁ ପଡିବ। ଯଦି ଆପଣଙ୍କର କାର୍ଯ୍ୟକ୍ଷେତ୍ର ସେହି ବିକଳ୍ପଗୁଡ଼ିକରେ ନାହିଁ, ତେବେ ଆପଣଙ୍କୁ ବିକଳ୍ପ ଉପରେ କ୍ଲିକ୍ କରିବାକୁ ପଡିବ।
• ଏହି ସବୁ ପ୍ରଶ୍ନର ଉତ୍ତର ଅତି ଯତ୍ନର ସହିତ ଦିଅନ୍ତୁ ଏବଂ ନିଜର ମୋବାଇଲ୍ ନମ୍ବରକୁ ସଠିକ୍ ଭାବରେ ଏଣ୍ଟ୍ରି କରନ୍ତୁ। ଯଦି କେବିସି ଟିମ୍ ଆପଣଙ୍କ ସହିତ ଯୋଗାଯୋଗ କରିବାକୁ ଚାହାଁନ୍ତି, ତେବେ ସେମାନେ ସହଜରେ ଯୋଗାଯୋଗ କରିପାରିବେ।

ପ୍ରକାଶଥାଉ ଯେ ଏପ୍ରିଲ୍ ୨୯ ରୁ ରାତି ୯ ଟାରେ ବିଗ୍ ବି ଅମିତାଭ ବଚ୍ଚନ ଏକ ପ୍ରଶ୍ନ ପଚାରିବେ, ଯାହାର ଉତ୍ତର ଆପଣଙ୍କୁ ପରଦିନ ରାତି ୯ଟା ସୁଦ୍ଧା ଦେବାକୁ ପଡିବ। ଯାହାର ଉତ୍ତର ସଠିକ୍ ହେବ ସେମାନଙ୍କୁ ପରବର୍ତ୍ତୀ ରାଉଣ୍ଡରେ ସାମିଲ ହେବାର ସୁଯୋଗ ମିଳିବ।