ହରିଶ ମେଗନଙ୍କ ଦେହାନ୍ତ; 'ନମକ ହଲାଲ୍'ରେ ଅମିତାଭଙ୍କ କୋ-ଷ୍ଟାର୍‌ ଥିଲେ

ମନୋରଞ୍ଜନ ଜଗତର ୭୦ ଏବଂ ୮୦ ଦଶକର କଳାକାର ହରିଶ ମେଗନଙ୍କର ୭୬ ବର୍ଷ ବୟସରେ ମୃତ୍ୟୁ ହୋଇଛି। ଅମିତାଭ ବଚ୍ଚନଙ୍କ ସହ 'ନମକ ହଲାଲ୍'ରେ ନଜର ଆସିଥିବା ହରିଶଙ୍କ ମୃତ୍ୟୁ ଖବର ଯୋଗୁଁ ବଲିଉଡ୍‌ରେ ଶୋକର ଛାୟା ଖେଳିଯାଇଛି। ତାଙ୍କ ଦେହାନ୍ତରେ ସିନେ ଏବଂ ଟିଭି ଆର୍ଟିଷ୍ଟ ଆସୋସିଏସନ୍ (CINTAA) ଦୁଃଖ ପ୍ରକାଶ କରିଛି। ସୂଚନା ଅନୁଯାୟୀ, ଜୁଲାଇ ୧ ରେ ମୁମ୍ବାଇରେ ତାଙ୍କର ମୃତ୍ୟୁ ହୋଇଛି।

Also Read

ଏକା ସମୟରେ ରିଲିଜ୍ ହେବ ଦୁଇ ସୁପର୍‌ଷ୍ଟାର୍‌ଙ୍କ ଫିଲ୍ମ; ହେବ ଜବରଦସ୍ତ ଲଢେଇ

Read More

ପ୍ରଭାସଙ୍କ ଏହି ଫିଲ୍ମ ବିଶ୍ୱର ସବୁ ରେକର୍ଡ ଭାଙ୍ଗିବ; ପ୍ରଥମ ଦିନରେ ଛୁଇଁବ ୬୦୦ କୋଟି!

Read More

ରିଲିଜ୍ ହୋଇନି ଶାହରୁଖଙ୍କ ଫିଲ୍ମ 'ଜୱାନ୍'; ରୋଜଗାର କଲାଣି କୋଟି କୋଟି

Read More

'ଗୋଲ ମାଲ' ଏବଂ 'ଶହଂଶାହ' ଭଳି ଚଳଚ୍ଚିତ୍ର ମାଧ୍ୟମରେ ହରିଶ ବଲିଉଡରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିଲେ। ହରିଶଙ୍କ ପତ୍ନୀ, ପୁଅ ସିଦ୍ଧାର୍ଥ ଏବଂ ଝିଅ ଅରୁଶୀ ଅଛନ୍ତି। ହରିଶଙ୍କ ମୃତ୍ୟୁର କାରଣ ସମ୍ପର୍କରେ ସୂଚନା ମିଳି ନାହିଁ। ଖବର ଅନୁଯାୟୀ, ହରିଶ ଦୀର୍ଘ ଦିନ ଧରି ଚଳଚ୍ଚିତ୍ର ଜଗତଠାରୁ ଦୂରରେ ରହି ମୁମ୍ବାଇରେ ଏକ ଆକ୍ଟିଙ୍ଗ୍ ସ୍କୁଲ୍ ଚଳାଉଥିଲେ।

Harish Magon - #InMemories

Will always be remembered for those cute cameos in Hindi Cinema. A graduate3 from FTII, he was a close friend of Gulzar's assistant Meraj and hence get to face the camera here in #Aandhi song for a break

HarishMagon #RIP @rmanish1 @SukanyaVerma https://t.co/di3N4qCpQ7 pic.twitter.com/seyECwOh2r

— Pavan Jha (@p1j) July 2, 2023

ସିନେ ଏବଂ ଟିଭି ଆର୍ଟିଷ୍ଟ ଆସୋସିଏସନ ହରିଶଙ୍କ ମୃତ୍ୟୁ ସୂଚନା ଟ୍ୱିଟର ମାଧ୍ୟମରେ ଶେୟାର କରିଛି। ୧୯୮୮ ମସିହାରୁ ହରିଶ ଏହି ଆସୋସିଏସନର ସଦସ୍ୟ ଥିଲେ। ହରିଶ ୬ ଡିସେମ୍ବର ୧୯୪୬ ରେ ଜନ୍ମଗ୍ରହଣ କରିଥିଲେ। ସେ FTII ରୁ ଅଭିନୟ ଶିକ୍ଷା ଗ୍ରହଣ କରିଥିଲେ ଏବଂ ୧୯୭୪ ବ୍ୟାଚ୍‌ର ଛାତ୍ର ଥିଲେ। 'ଚୁପ୍‌କେ ଚୁପ୍‌କେ', 'ମୁକ୍କଦର କା ସିକନ୍ଦର' ଭଳି ଚଳଚ୍ଚିତ୍ରରେ ଅଭିନୟ କରିଥିବା ହରିଶଙ୍କୁ ୧୯୯୭ ମସିହାରେ ଶେଷ ଥର ପାଇଁ ଚଳଚ୍ଚିତ୍ର 'ଉଫ୍! ୟେ ମୋହବତ୍'ରେ ଦେଖିବାକୁ ମିଳିଥିଲା।

OTV is now on Whatsapp

Join and get latest news update delivered to you via whatsapp

Join Now