LIVE TV
ମାଆ ହେବେ ଆଲିଆ ଭଟ୍ଟ । ଆଜି ନିଜ ସୋସିଆଲ୍ ମିଡିଆ ସାଇଟ୍ ଏନେଇ ସୂଚନା ଦେଇଛନ୍ତି ଖୋଦ୍ ଆଲିଆ । ହସ୍ପିଟାଲ୍ରେ ଡାଇଗ୍ରୋନସିସ୍ ହେବା ବେଳର ଫଟୋକୁ ପୋଷ୍ଟ କରି ସେ ଏହି ସୂଚନା ଦେଇଛନ୍ତି ।
ଆଲିଆ ସେୟାର କରିଥିବା ଫଟୋରେ ତାଙ୍କ ସ୍ୱାମୀ ତଥା ଅଭିନେତା ରଣବୀର ତାଙ୍କ ପାଖରେ କପୁର ବସିଥିବାର ଦେଖିବାକୁ ମିଳିଛି । ହେଲେ ସ୍କ୍ରିନ୍ରେ କଣ ଅଛି ତାହାକୁ ଇମୋଜି ମାଧ୍ୟମରେ ଲୁଚାଇଛନ୍ତି ଆଲିଆ । ଉଭୟ ନିଜ ଫଟୋକୁ ସେୟାର କରି ଏହି ଖୁସି ଖବର ଜଣାଇଛନ୍ତି । ଆଲିଆ ମା’ ହେବା ଖବର ଜାଣି କରନ ଜୋହର ସମେତ ବଲିଉଡ୍ର ଅନେକ ସେଲିବ୍ରିଟି ଖୁସି ମନାଇଛନ୍ତି ।
ତେବେ ଫଟୋଟିକୁ ଶେୟାର କରି ଆଲିଆ ଲେଖିଛନ୍ତି ଯେ, ‘ହମାରା ବେବି...ଜଲ୍ଦ୍ ଆ ରହା ହେ’ । ଏହି ପୋଷ୍ଟରେ ଅନେକ ୟୁଜର୍ସଙ୍କ ସମେତ ସେଲିବ୍ରେଟିମାନେ କମେଣ୍ଟ ମାଧ୍ୟମରେ ଶୁଭକାମନା ଜଣାଇଛନ୍ତି ।
ସୂଚନା ଅନୁସାରେ, ଗତ ଏପ୍ରିଲ୍ ମାସ ୧୪ ତାରିଖରେ ବଲିଉଡର ଏହି ପପୁଲାର୍ ସେଲିବ୍ରିଟି ଯୋଡ଼ିଙ୍କ ବେଶ୍ ଧୂମ୍ଧାମ୍ରେ ବିବାହ ହୋଇଥିଲା । ଆଗକୁ ଏମାନଙ୍କ ଏକ ବଡ଼ ସିନେମା ବ୍ରହ୍ମାସ୍ତ୍ର ରିଲିଜ୍ ହେବାକୁ ଯାଉଛି । ତାପୂର୍ବରୁ ବର୍ତ୍ତମାନ ଏହି ଖବର ସୋସିମାଲ୍ ମିଡିଆରେ ଟ୍ରେଣ୍ଡ କରୁଛି ।
