/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
/odishatv-khabar/media/post_attachments/uploadimage/library/16_9/16_9_0/IMAGE_1664006348.jpg)
Akshay Kumar property actor sells andheri flat for rs 6 crore
ବଲିଉଡ ଖିଲାଡି ଅକ୍ଷୟ କୁମାର ଖାଲି ଯେ ଅଭିନୟକୁ ଭଲ ପାଆନ୍ତି ତାହା ନୁହେଁ, ସେ ମଧ୍ୟ ସମ୍ପତ୍ତିରେ ବିନିଯୋଗ କରିବାକୁ ଭଲ ପାଆନ୍ତି। ଅକ୍ଷୟ କୁମାର କେବଳ ଭାରତରେ ନୁହେଁ ବିଦେଶରେ ମଧ୍ୟ ଅନେକ ସମ୍ପତ୍ତି କିଣିଛନ୍ତି। ନିକଟରେ ଏକ ଖବର ଆସିଥିଲା ଯେ ଅକ୍ଷୟ କୁମାର ଅନ୍ଧେରୀ ପଶ୍ଚିମ ଅଞ୍ଚଳରେ ଥିବା ତାଙ୍କର ଏକ ସମ୍ପତ୍ତି ବିକ୍ରି କରିଛନ୍ତି। ଖବର ଅନୁଯାୟୀ, ଅଭିନେତା ଏହି ଆପାର୍ଟମେଣ୍ଟକୁ ଅରମାନ ଏବଂ ଅମାନ ମଲିକଙ୍କ ବାପା ଡବୁ ମାଲିକଙ୍କୁ ବିକ୍ରି କରିଛନ୍ତି। ତେବେ ଆସନ୍ତୁ ଜାଣିବା ଅକ୍ଷୟ କୁମାରଙ୍କ ସମ୍ପତ୍ତି ବିଷୟରେ।
ବଲିଉଡ୍ ଅଭିନେତା ଅକ୍ଷୟ କୁମାର ଏହି ଫ୍ଲାଟ୍କୁ ୬ କୋଟିରେ ବିକ୍ରି କରିଛନ୍ତି। ଖବର ଅନୁଯାୟୀ, ଡବୁ ମାଲିକ ଏବଂ ଅକ୍ଷୟ କୁମାରଙ୍କ ମଧ୍ୟରେ ଏହି ଚୁକ୍ତି ଅଗଷ୍ଟ ୨୦୨୨ରେ ହୋଇଥିଲା। ସେହି ସମ୍ପତ୍ତି ଅନ୍ଧେରୀ ପଶ୍ଚିମର ଟ୍ରାନ୍ସକନ୍ ଟ୍ରାଇମ୍ଫ୍ - ଟାୱାର୍ ୧ ରେ ରହିଛି। ଅକ୍ଷୟ କୁମାର ଏହି ସମ୍ପତ୍ତି ନଭେମ୍ବର ୨୦୧୭ରେ ୪.୧୨ କୋଟିରେ କିଣିଥିଲେ। କେବଳ ଏତିକି ନୁହେଁ, ସେ ୨୦୧୭ରେ ଆହୁରି ତିନୋଟି ସମ୍ପତ୍ତି କିଣିଥିଲେ, ଯାହାର ମୋଟ ମୂଲ୍ୟ ୧୫.୧ କୋଟି ଟଙ୍କା ଥିଲା। ଏହା ବ୍ୟତୀତ ଅକ୍ଷୟ କୁମାର ଏବଂ ଟ୍ୱିଙ୍କଲ୍ ଖାନ୍ନାଙ୍କ ନାମରେ ଆହୁରି ଅନେକ ସମ୍ପତ୍ତି ଅଧ୍ୟ ଅଛି।
ମରିସସ୍ରେ ବିଚ୍ ହାଉସ୍:
ରିପୋର୍ଟ ଅନୁଯାୟୀ, ଖିଲାଡି କୁମାର ସମୁଦ୍ର କୂଳରେ ସମୟ ବିତାଇବାକୁ ଖୁବ୍ ଭଲ ପାଆନ୍ତି, ସେଥିପାଇଁ ସେ ମୁମ୍ବାଇରେ ଥିବା ତାଙ୍କ ଘର ବ୍ୟତୀତ ମରିସସ୍ର ସମୁଦ୍ରକୂଳରେ ଏକ ବିରାଟ ସମ୍ପତ୍ତି କିଣିଛନ୍ତି।
ଗୋଆରେ ପର୍ତ୍ତୁଗାଲୀ ଭିଲ୍ଲା:
କେବଳ ଏତିକି ନୁହେଁ ସେ ଗୋଆରେ ଏକ ସୁନ୍ଦର ଭିଣ୍ଟେଜ୍ 'ପର୍ତ୍ତୁଗାଲୀ ଭିଲା' କିଣିଛନ୍ତି ଯାହାର ମୂଲ୍ୟ ପ୍ରାୟ ୫ କୋଟି ଟଙ୍କା। ସେ ନିଜ ପରିବାର ସହିତ ଛୁଟି କାଟିବା ପାଇଁ ଏଠାକୁ ଅନେକ ଥର ଯାଇଛନ୍ତି।
ମୁମ୍ବାଇରେ ବିଶାଳ ଘର:
ମୁମ୍ବାଇର ସମୁଦ୍ର କୂଳ ସାମ୍ନାରେ ଜୁହୁରେ ଅକ୍ଷୟ କୁମାରଙ୍କର ଏକ ବିରାଟ ଘର ମଧ୍ୟ ଅଛି। ତେବେ ଏହି ଘରର ଇଣ୍ଟେରିଅର କାମ ଅଭିନେତାଙ୍କ ପତ୍ନୀ ଟ୍ୱିଙ୍କଲ ଖାନ୍ନା ହିଁ ପ୍ରସ୍ତୁତ କରିଛନ୍ତି ।
କାନାଡାରେ ସମ୍ପତ୍ତି:
ସମସ୍ତେ ଜାଣନ୍ତି ଯେ ଅକ୍ଷୟ କୁମାରଙ୍କ ପାଖରେ କାନାଡାର ନାଗରିକତା ଅଛି। କିନ୍ତୁ ଖୁବ୍ କମ୍ ଲୋକ ଜାଣନ୍ତି ଯେ ଅଭିନେତା ଟରୋଣ୍ଟୋ ନିକଟରେ ଏକ ପାହାଡ ସମେତ ସାରା ଦେଶରେ ଅନେକ ସମ୍ପତ୍ତି କିଣିଛନ୍ତି।
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)