Shaitaan Trailer: ରିଲିଜ୍ ହେଲା ଅଜୟ ଦେବଗନଙ୍କ ଫିଲ୍ମ ‘ଶୈତାନ’ର ଦମଦାର ଟ୍ରେଲର୍‌

ଅଜୟ ଦେବଗନ ଆଜିକାଲି ତାଙ୍କର ବହୁ ପ୍ରତୀକ୍ଷିତ ସୁପରନେଚ୍ୟୁରାଲ୍‌ ହରର୍ ଥ୍ରୀଲର ଫିଲ୍ମ ‘ଶୈତାନ’ ପାଇଁ ଚର୍ଚ୍ଚାରେ ଅଛନ୍ତି। ବର୍ତ୍ତମାନ ନିର୍ମାତା ଫିଲ୍ମର ଟ୍ରେଲର୍‌ ରିଲିଜ କରିଛନ୍ତି, ଯାହା ଖୁବ୍ ଦମଦାର୍ ହୋଇଛି। ଟ୍ରେଲରରେ ଅଜୟ ତାଙ୍କ ପରିବାରକୁ ଏକ ଶୈତାନ ଶକ୍ତିରୁ ରକ୍ଷା କରୁଥିବା ଦେଖିବାକୁ ମିଳୁଛି।

ଟ୍ରେଲରରେ ଏହା ଦେଖିବାକୁ ମିଳେ ଯେ ଏକ ଶୈତାନ ଅଜୟ ଦେବଗନଙ୍କ ଘରକୁ ଜବରଦସ୍ତ ଆସି ତାଙ୍କ ଝିଅ ଉପରେ କଳା ଯାଦୁ ପ୍ରୟୋ କରି ତାଙ୍କୁ ନିଜର କଣ୍ଡେଇ କରିଦେଉଛି। ଏହି ଚଳଚ୍ଚିତ୍ରରେ ଶୈତାନ ଭୂମିକାରେ ଅଭିନୟ କରିଥିବା ଆର୍‌. ମାଧବନ୍ ତାଙ୍କର ଭୟଙ୍କର ଷ୍ଟାଇଲ୍‌ରେ ଲୋକଙ୍କୁ ଭୟଭୀତ କରୁଥିବା ଦେଖିବାକୁ ମିଳେ।

ଅନ୍ୟପଟେ ନିଜ ଝିଅର ଅସହାୟ ଅବସ୍ଥା ଦେଖି ଅଜୟ ଦେବଗନ୍ ଧୈର୍ଯ୍ୟହରା ହୋଇପଡୁଛନ୍ତି ଏବଂ ଶୈତାନ ସହିତ ଲଢିବାକୁ ଆଗେଇଆସୁଛନ୍ତି। ବର୍ତ୍ତମାନ ଏହା ଦେଖିବା ଉତ୍ସାହଜନକ ହେବ ଯେ ଅଜୟ ତାଙ୍କ ଝିଅକୁ ଶୈତାନର କବଳରୁ ବାହାର କରି ପାରିବେ ନା ଶୈତାନ ହିଁ ବିଜୟ ହେବ?

ଟ୍ରେଲରକୁ ଦର୍ଶକଙ୍କ ଠାରୁ ସକାରାତ୍ମକ ପ୍ରତିକ୍ରିୟା ମିଳୁଛି। ପ୍ରଶଂସକମାନେ ଟ୍ରେଲରକୁ ବହୁତ ପ୍ରଶଂସା କରୁଛନ୍ତି। ଅନେକ ଲୋକ୍ ଏହି ଚଳଚ୍ଚିତ୍ରକୁ ଏକ ସୁପରହିଟ୍ ଘୋଷଣା କରିସାରିଲେଣି। ଅଜୟ ଦେବଗନଙ୍କ ପୋଷ୍ଟ୍‌ରେ ମନ୍ତବ୍ୟର ବନ୍ୟା ପରିସ୍ଥିତି ସୃଷ୍ଟି ହୋଇଛି। ପ୍ରଶଂସକମାନେ ତାଙ୍କ ଅଭିନୟକୁ ପ୍ରଶଂସା କରିବାରେ କୁଣ୍ଠା କରୁ ନାହାନ୍ତି।

ବିକାଶ ବହଲଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ମାର୍ଚ୍ଚ ୮ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏହି ସୁପରନେଚ୍ୟୁରାଲ୍‌ ହରର୍ ଥ୍ରୀଲର ଫିଲ୍ମରେ ଭଲ ଏବଂ ମନ୍ଦ ମଧ୍ୟରେ ଯୁଦ୍ଧ ଦେଖିବାକୁ ମିଳିବ। ଟ୍ରେଲର ଦେଖିବା ପରେ ପ୍ରଶଂସକମାନେ ଉତ୍ସାହର ସହିତ ଏହି ଫିଲ୍ମକୁ ଅପେକ୍ଷା କରିଛନ୍ତି।

View this post on Instagram

A post shared by Ajay Devgn (@ajaydevgn)

ଚଳିତ ବର୍ଷ ଅଜୟ ଦେବଗନଙ୍କୁ ଅନେକ ଫିଲ୍ମରେ ଦେଖିବାକୁ ମିଳିବ। ‘ଶୈତାନ’ ପରେ ଅଜୟଙ୍କୁ କ୍ରୀଡା ଡ୍ରାମା ମୈଦାନରେ ମଧ୍ୟ ଦେଖିବାକୁ ମିଳିବ, ଯେଉଁଥିରେ ସେ ଫୁଟବଲ ପ୍ରଶିକ୍ଷକ ସୈୟଦ ଅବଦୁଲ ରହୀମ ଭୂମିକାରେ ଅଭିନୟ କରିବେ। ଯେ ଏହି ଚଳଚ୍ଚିତ୍ର ୨୩ ଏପ୍ରିଲରେ ପ୍ରେକ୍ଷାଳୟରେ ମୁକ୍ତିଲାଭ କରିବ ବୋଲି ଶୁଣାଯାଉଛି।

ଏହା ବ୍ୟତୀତ ରୋହିତ ଶେଟ୍ଟୀଙ୍କ ଫିଲ୍ମ 'ସିଙ୍ଘମ୍ ଏଗେନ୍‌'ରେ ମଧ୍ୟ ସୁପର୍‌ଷ୍ଟାର୍‌ ନଜର ଆସିବେ। ଏହା ପରେ ଫିଲ୍ମ 'ଔରୋଁ ମେ କାହାଁ ଦମ୍ ଥା'ରେ ଅଜୟଙ୍କୁ ତବୁଙ୍କ ସହ ଦେଖିବାକୁ ମିଳିବ। ସେହିପରି 'ରେଡ୍ ୨' ଏବଂ 'ସାଢେ ସାତୀ' ଭଳି ଫିଲ୍ମରେ ମଧ୍ୟ ସେ ନଜର ଆସିବେ।