LIVE TV
ପଚରାଉଚରା ପରେ ଥାନାରୁ ବାହାରିଲେ ବାବୁସାନ୍ ମହାନ୍ତି । ଆଜି ତାଙ୍କର ଜନ୍ମଦିନ ଥିବାବେଳେ ନୋଟିସ୍ ଅନୁସାରେ ଖାରବେଳେ ନଗର ଥାନାକୁ ଯାଇଥିଲେ ଅଭିନେତା । ତେବେ ଥାନାରୁ ବାହାରିବା ପରେ ଗଣମାଧ୍ୟମ ପ୍ରତିନିଧିଙ୍କୁ କୌଣସି ପ୍ରତିକ୍ରିୟା ନ ଦେଇ ଫେରି ଯାଇଛନ୍ତି । ବାବୁସାନଙ୍କ ମାଆ ଅପରାଜିତା ମହାନ୍ତି ଓ ତାଙ୍କ ସହଯୋଗୀ ମଧ୍ୟ ଥାନାକୁ ଆସିଥିଲେ ।
ବାବୁସାନଙ୍କୁ ପଚରାଉଚରା ନେଇ ଥାନା ଅଧିକାରୀ ସୂଚନା ଦେଇଛନ୍ତି । ନୋଟିସ୍ ମୁତାବକ ବାବୁସାନ ଥାନାକୁ ଆସିଥିଲେ ବୋଲି ସେ କହିଛନ୍ତି । ବାବୁସାନ ତଦନ୍ତରେ ପୂରା ସହଯୋଗ କରିଛନ୍ତି । ଷ୍ଟାର ଘର କଳି ପାଇଁ ଦୁଇଟି ମାମଲା ନେଇ ପଚରାଉଚରା କରାଯାଇଥିବା ସେ କହିଛନ୍ତି ।
ପତ୍ନୀ ତୃପ୍ତିଙ୍କ ଏତଲା ଆଧାରରେ ପୋଲିସ ବାବୁସାନଙ୍କ ବିରୋଧରେ ରୁଜୁ କରିଛି ୪୯୮ (କ)। ତେବେ ଚେନ୍ନାଇରୁ ବାବୁସାନ ଫେରିବାର ୨ଦିନ ବିତିଥିଲେ ବି ପୋଲିସ କିନ୍ତୁ ଏଯାଏଁ ଜେରାକରିନଥିଲା । ଆଜି ତାଙ୍କୁ ଜେରା କରାଯାଇଛି ।
#ବାବୁସାନ_ସହଯୋଗ_କରିଛନ୍ତି_IIC
— ଓଟିଭି (@otvkhabar) July 30, 2022
ବାବୁସାନଙ୍କୁ ପଚରାଉଚରା ନେଇ ଥାନା ଅଧିକାରୀଙ୍କ ସୂଚନା । ନୋଟିସ୍ ମୁତାବକ ବାବୁସାନ ଥାନାକୁ ଆସିଥିଲେ ବୋଲି କହିଲେ । ବାବୁସାନଙ୍କ ମାଆ ଓ ତାଙ୍କ ସହଯୋଗୀ ମଧ୍ୟ ଥାନାକୁ ଆସିଥିଲେ । ବାବୁସାନ ତଦନ୍ତରେ ପୂରା ସହଯୋଗ କରିଛନ୍ତି- IIC ।#Babushanmohanty #OTV pic.twitter.com/B6r0kKKXKN
ଆଜି ଜନ୍ମଦିନରେ ମା' ଅପରାଜିତାଙ୍କ ସହ ପ୍ରଥମେ ବାଲକୋନିକୁ ଆସିଥିଲେ ବାବୁସାନ । ଆଉ ତଳେ ଠିଆ ହୋଇ ପ୍ରଶଂସକ ବାବୁସାନଙ୍କୁ ଶୁଭେଚ୍ଛା ଜଣାଇଥିଲେ । ତେବେ ତଳକୁ ଆସି କେକ୍ ନକାଟିବାରୁ ପ୍ରଶଂସକ ନିରାଶ ହୋଇଛନ୍ତି ।
ଗତକାଲି ମଧ୍ୟ ବାବୁସାନଙ୍କ ଘରକୁ ଯାଇଥିଲେ ପ୍ରଯୋଜକ ସଞ୍ଜୟ ନାୟକ। ବାବୁସାନ ଓ ତାଙ୍କ ପରିବାରକୁ ଭେଟିବା ପରେ ଦୁଇ ଦିନ ପରେ ସବୁ ସମସ୍ୟାର ସମାଧାନ ସହ ଭଲ ଖବର ମିଳିବ ବୋଲି ସଞ୍ଜୟ ନାୟକ କହିଥିଲେ।
