ଆସୁଛନ୍ତି ଦ୍ୱିତୀୟ ଶାହରୁଖ ! ସ୍କୁଲ ନାଟକରେ ବାପାଙ୍କ ସିଗ୍ନେଚର୍‌ ପୋଜ୍‌ରେ ଅବରାମ୍‌

ଶାହାରୁଖ୍‌ଙ୍କ ଆଇକନିକ୍‌ ପୋଜ୍‌ରେ ଜୁନିଅର୍‌ ଶାହରୁଖ୍‌ । ଆମେ କହୁଛୁ ଶାହରୁଖ୍‌ଙ୍କ ସାନ ପୁଅ ଅବରାମଙ୍କ କଥା । ମୁମ୍ବାଇର ଧୀରୁଭାଇ ଅମ୍ବାନୀ ଇଣ୍ଟର ନ୍ୟାସନାଲ ସ୍କୁଲ ବାର୍ଷିକ ଉତ୍ସବରେ ବାପାଙ୍କ ପୋଜ୍‌ରେ ଅଭିନୟ କରିଛନ୍ତି ଅବରାମ । ଏତେ ଛୋଟ ବୟସରେ ତାଙ୍କ ଡାଇଲଗ୍ ଡେଲିଭରୀ ଓ ଅଙ୍ଗଭଙ୍ଗୀ ସମସ୍ତଙ୍କୁ ଚକିତ କରିଥିଲା । ସବୁଠୁ ବଡ଼ କଥା ହେଉଛି, ନାଟକର ଏକ ସିନ୍‌ରେ ବାପା ଶାହରୁଖଙ୍କ ଦୁଇ ହାତ ଖୋଲିବା ସିଗ୍ନେଚର ପୋଜ୍‌କୁ କରି ଦେଖାଇଥିଲେ ଅବରାମ୍ । ଆଉ ଏହି ସମୟରେ DDLJର ଗୀତ ମଧ୍ୟ ବାଜିଥିଲା ।

କାର୍ଯ୍ୟକ୍ରମରେ ବାପା ଶାହରୁଖ୍‌ ଖାନ୍‌, ମାଆ ଗୌରୀ ଖାନ୍‌ ଓ ଭଉଣୀ ସୁହାନା ଖାନ୍‌ ମଧ୍ୟ ଉପସ୍ଥିତ ଥିଲେ । ଶାହରୁଖ, ଗୌରୀ ସମେତ ପୁରା ପରିବାର ଏହାକୁ ଦେଖି ଆଶ୍ଚର୍ଯ୍ୟଚକିତ ହୋଇପଡ଼ିଥିଲେ । ଏହି ସମୟର ଫଟୋ ଓ ଭିଡିଓ ଏବେ ଭାଇରାଲ୍ ହେବାରେ ଲାଗିଛି ।

#ଚମକିଲେ_ଷ୍ଟାର୍‌_କିଡ୍‌
ସ୍କୁଲ ବାର୍ଷିକ ଉତ୍ସବରେ ଚମକିଲେ ଷ୍ଟାର୍‌ କିଡ୍‌ । ସ୍କୁଲ୍‌ ଡ୍ରାମାରେ ଅଭିନୟର ଯାଦୁ ଦେଖାଇଲେ ଶାହାରୁଖଙ୍କ ପୁଅ ।#ShahRukhKhan#GauriKhan#AbRamKhan#SchoolFunction#OTVpic.twitter.com/PXpHWYRWGF

— ଓଟିଭି (@otvkhabar) December 16, 2023

କେବଳ ଅବରାମ କାହିଁକି ସ୍କୁଲର ଏହି ବାର୍ଷିକ ଉତ୍ସବରେ ନିଜର ଆକ୍ଟିଂ ଜଲୱା ଦେଖାଇଲେ ଅନ୍ୟ ଷ୍ଟାର୍ କିଡ୍ । ମୁମ୍ବାଇର ଧୀରୁଭାଇ ଅମ୍ବାନୀ ଇଣ୍ଟର ନ୍ୟାସନାଲ ସ୍କୁଲର ବାର୍ଷିକ ଉତ୍ସବରେ ଦେଖିବାକୁ ମିଳିଥିଲା ବଲିଉଡ୍ ଷ୍ଟାରଙ୍କ ସନ୍ତାନଙ୍କ ଆକ୍ଟିଂ । ସ୍କୁଲ ଡ୍ରାମାରେ ନିଜ ଅଭିନୟ ଦ୍ୱାରା ସମସ୍ତଙ୍କ ମନ ମୋହିଥିଲେ ଅଭିଷେକ ଓ ଐଶ୍ୱର୍ଯ୍ୟା ବଚ୍ଚନଙ୍କ ଝିଅ ଆରାଧ୍ୟା ।

#ଚମକିଲେ_ଷ୍ଟାର୍‌_କିଡ୍‌
ସ୍କୁଲ ବାର୍ଷିକ ଉତ୍ସବରେ ଚମକିଲେ ଷ୍ଟାର୍‌ କିଡ୍‌ । ସ୍କୁଲ୍‌ ଡ୍ରାମାରେ ଅଭିନୟର ଯାଦୁ ଦେଖାଇଲେ ଆରାଧ୍ୟା । ଅଭିଷେକ-ଐଶ୍ୱର୍ଯ୍ୟା ବଚ୍ଚନଙ୍କ ଝିଅ ହେଉଛନ୍ତି ଆରାଧ୍ୟା । #AishwaryaRaiBachchan#AaradhyaBachchan#SchoolFunction#OTVpic.twitter.com/o3Wq8ZNPwO

— ଓଟିଭି (@otvkhabar) December 16, 2023

ନାତୁଣୀର ଏହି କଳା ଖୋଦ୍ ଅମିତାଭଙ୍କୁ ବେଶ୍ ଖୁସି ଆଣି ଦେଇଥିଲା । ସପରିବାର ସେ ବାର୍ଷିକ ଉତ୍ସବରେ ସାମିଲ ହୋଇ ନାତୁଣୀର ଅଭିନୟର ମଜା ନେଇଥିଲେ । ପରେ ସୋସିଆଲ୍ ମିଡିଆରେ ନାତୁଣୀର ପ୍ରଶଂସା କରି ପୋଷ୍ଟ ବି କରିଥିଲେ । ପୂର୍ବରୁ ଅମିତାଭ ନିଜର ଝିଅର ପୁଅ ଅଗସ୍ତ୍ୟା ନନ୍ଦାଙ୍କ ସମ୍ପର୍କରେ ମଧ୍ୟ ସୋସିଆଲ୍ ମିଡିଆରେ ଉଲ୍ଲେଖ କରିଥିଲେ । ନିକଟରେ ରିଲିଜ୍ ହୋଇଥିବା ଫିଲ୍ମ ଦ ଆର୍ଚିସରେ ଅଗସ୍ତ୍ୟା ନନ୍ଦା ଅଭିନୟ କରିଛନ୍ତି ।