LIVE TV
ଗତ ବର୍ଷ ମୁକ୍ତିଲାଭ କରିଥିବା ଫିଲ୍ମ ‘ଲାଲ ସିଂହ ଚଡ୍ଢା’ରେ ଆମୀର ଖାନଙ୍କୁ ଶେଷ ଥର ପାଇଁ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରିବା ବ୍ୟତୀତ ଅମୀର ଖାନ ଏହାକୁ ପ୍ରସ୍ତୁତ ମଧ୍ୟ କରିଥିଲେ। ଏହା ଅଭିନେତାଙ୍କ ସ୍ୱପ୍ନର ପ୍ରୋଜେକ୍ଟ ବୋଲି କୁହାଯାଉଥିଲା, କିନ୍ତୁ ଯେତେବେଳେ ଏହି ଚଳଚ୍ଚିତ୍ର ଦର୍ଶକଙ୍କ ଠାରୁ ଅଧିକ ପ୍ରତିକ୍ରିୟା ପାଇ ନଥିଲା, ସେତେବେଳେ ଅମୀର ଖାନ ଫିଲ୍ମ ଦୁନିଆରୁ ବ୍ରେକ୍ ନେଇଥିଲେ।
ପ୍ରାୟ ଦେଢ ବର୍ଷର ବ୍ରେକ୍ ପରେ ଅମୀର ଖାନ ପୁଣି ଥରେ ବଡ ପରଦାରେ ଫେରିବାକୁ ପ୍ରସ୍ତୁତ ହେଉଛନ୍ତି। ନିକଟରେ ଅଭିନେତା ତାଙ୍କର ଅନେକ ନୂଆ ପ୍ରୋଜେକ୍ଟ ବିଷୟରେ ଘୋଷଣା କରିଛନ୍ତି।
ଅମୀର ଖାନ ସୋସିଆଲ ମିଡିଆରେ ଏକ ପୋଷ୍ଟ ଶେୟାର କରି ସୂଚନା ଦେଇଛନ୍ତି ଯେ ଖୁବ୍ ଶୀଘ୍ର ସେ ଫିଲ୍ମ 'ଲାହୋର ୧୯୪୭' ରେ ନିର୍ଦ୍ଦେଶକ ରାଜକୁମାର ସନ୍ତୋଷୀ ଏବଂ ସନ୍ନି ଦେଓଲଙ୍କ ସହ କାମ କରିବାକୁ ଯାଉଛନ୍ତି। ଏହି ଚଳଚ୍ଚିତ୍ରରେ ସନ୍ନି ଦେଓଲ ମୁଖ୍ୟ ଭୂମିକାରେ ଅଭିନୟ କରିବେ ଯେତେବେଳେ ଅମୀର ଖାନ କେବଳ ପ୍ରଡକ୍ସନ୍ ଦାୟିତ୍ୱ ଗ୍ରହଣ କରିବେ। କିଛି ଦିନ ପୂର୍ବରୁ ଅମୀର ଖାନ ମଧ୍ୟ 'ତାରେ ଜମିନ୍ ପର'ର ସିକ୍ୱେଲ 'ସୀତାରେ ଜମିନ୍ ପର'ର ଘୋଷଣା କରିଥିଲେ।
Also Read
'ସୀତାରେ ଜମିନ୍ ପର' ସହିତ ଅମୀର ଖାନ ପରଦାକୁ ଫେରିବେ। ଏହି ଚଳଚ୍ଚିତ୍ରରେ ସେ ଉଭୟ ମୁଖ୍ୟ ଅଭିନେତା ଏବଂ ନିର୍ମାତା ଭୂମିକା ଗ୍ରହଣ କରିବେ। ଏସବୁ ମଧ୍ୟରେ, ଅମୀର ଖାନ ଖୁବ୍ ଶୀଘ୍ର ଅନ୍ୟ ଏକ ଫିଲ୍ମରେ କାମ କରିପାରନ୍ତି ଏବଂ ଏହି ଚଳଚ୍ଚିତ୍ରରେ ଅଭିନେତାଙ୍କୁ ତାଙ୍କ 'ଡଙ୍ଗଲ' କୋ-ଷ୍ଟାର୍ ଫାତିମା ସନା ଶେଖଙ୍କ ସହ ମୁଖ୍ୟ ଭୂମିକାରେ ଦେଖିବାକୁ ମିଳିବ।
ଏହି ଖବର ସାମ୍ନାକୁ ଆସିବା ମାତ୍ରେ ଅମୀର ଖାନ ଏବଂ ଫାତିମା ସନା ଶେଖଙ୍କ ସମ୍ପର୍କର ଖବର ସୋସିଆଲ ମିଡିଆରେ ପୁଣି ଥରେ ଚର୍ଚ୍ଚାର ପରିସର ପାଲଟିଛି। ପ୍ରକାଶଥାଉ ଯେ ଯେତେବେଳେ ଅମୀର ଖାନ ତାଙ୍କର ଦ୍ୱିତୀୟ ପତ୍ନୀ କିରଣ ରାଓଙ୍କୁ ଛାଡପତ୍ର ଦେଇଥିଲେ, ସେତେବେଳେ ସୋସିଆଲ ମିଡିଆରେ ଫାତିମା ସନା ଶେଖଙ୍କ ସହ ଅଭିନେତାଙ୍କ ସମ୍ପର୍କକୁ ନେଇ ଅନେକ ଆଲୋଚନା ହୋଇଥିଲା। ଯଦିଓ ଅଭିନେତ୍ରୀ ଏହି ସମସ୍ତ ଆଲୋଚନାକୁ କେବଳ ଗୁଜବ ବୋଲି କହିଥିଲେ, କିନ୍ତୁ ବର୍ତ୍ତମାନ ପୁଣି ଥରେ ଏହି ଆଲୋଚନା ଜୋର୍ ଧରିଛି।
ପୂର୍ବରୁ ଅମୀର ଖାନ ଏବଂ ଫାତିମା ଦୁଇଟି ଚଳଚ୍ଚିତ୍ରରେ ଏକାଠି କାମ କରିଛନ୍ତି। ଏହି ଯୋଡିଙ୍କୁ 'ଦଙ୍ଗଲ' ଏବଂ 'ଠଗ୍ସ ଅଫ୍ ହିନ୍ଦୁସ୍ତାନ'ରେ ଏକାଠି ଦେଖିବାକୁ ମିଳିଥିଲା। 'ଦଙ୍ଗଲ୍' ବକ୍ସ ଅଫିସରେ ଏକ ବ୍ଲକବଷ୍ଟର ବୋଲି ପ୍ରମାଣିତ ହୋଇଥିବାବେଳେ 'ଠଗ୍ସ ଅଫ୍ ହିନ୍ଦୁସ୍ତାନ' ଫ୍ଲପ୍ ହୋଇଥିଲା।
