LIVE TV
ଶୁକ୍ରବାର ଅରୁଣାଚଳ ପ୍ରଦେଶର ତୱାଙ୍ଗ ସେକ୍ଟରର ୟାଙ୍ଗସ୍ତେ ଅଞ୍ଚଳରେ ଭାରତୀୟ ଏବଂ ଚୀନ୍ ସୈନ୍ୟଙ୍କ ମଧ୍ୟରେ ସଂଘର୍ଷ ହୋଇଥିଲା। ଏଥିରେ ଚୀନ୍ ସୈନିକଙ୍କ ଅନୁପ୍ରବେଶକୁ ଆଶଙ୍କା କରି ଭାରତୀୟ ସେନା ସେମାନଙ୍କ ତଡି ଦେଇଥିଲେ। ତେବେ ରିପୋର୍ଟ ଅନୁଯାୟୀ ଉଭୟ ଦେଶର ସୈନିକ ଆହତ ହୋଇଥିବା ଖବର ଆସିଛି।
ଉଲ୍ଲେଖଥାଉ କି, ଏହା ପ୍ରଥମ ଘଟଣା ନୁହେଁ ଯେ ଚୀନ୍ ସୈନ୍ୟମାନେ ଆମ ଦେଶରେ ଏହିପରି ଅନୁପ୍ରବେଶ କରିବାକୁ ଚେଷ୍ଟା କରିଛନ୍ତି, ଏପରିକି ସେମାନେ ଅନେକ ଥର ଏଭଳି ଘଟଣା ଘଟାଇବା ଚେଷ୍ଟା କରିଛନ୍ତି। କିନ୍ତୁ ପ୍ରତ୍ୟେକ ଥର ସତର୍କ ଭାରତୀୟ ସୈନିକ ସେମାନଙ୍କୁ ଦୃଢ ଭାବରେ ସମ୍ମୁଖୀନ ହୋଇଛନ୍ତି ଏବଂ ସେମାନଙ୍କୁ ତଡିବାରେ ସକ୍ଷମ ହୋଇଛନ୍ତି।
ତେବେ ଏହିସବୁ ଘଟଣାଗୁଡ଼ିକୁ ଆଧାର କରି ଅନେକ ଫିଲ୍ମ ମଧ୍ୟ ତିଆରି କରାଯାଇଛି। ତେବେ ଆସନ୍ତୁ ଏହିପରି ୬ଟି ବଲିଉଡ୍ ଚଳଚ୍ଚିତ୍ର ଉପରେ ନଜର ପକେଇବା, ଯାହାକୁ ଦେଖି ଯେକେହି ବି ଦେଶର ସୈନିକମାନଙ୍କୁ ନେଇ ଗର୍ବ କରିବ।
Also Read
ପଲ୍ଟନ୍ –
୭ ସେପ୍ଟେମ୍ବର ୨୦୧୮ରେ ମୁକ୍ତିଲାଭ କରିଥିବା 'ପଲ୍ଟନ୍' ଏକ ଆକ୍ସନ୍-ୱାର୍ ଚଳଚ୍ଚିତ୍ର ଥିଲା ଯାହାକି ଜେପି ଦତ୍ତାଙ୍କ ଦ୍ୱାରା ନିର୍ଦ୍ଦେଶିତ ଏବଂ ନିର୍ମିତ ହୋଇଥିଲା। ୧୯୬୨ ମସିହାରେ ଚୀନ୍-ଭାରତୀୟ ଯୁଦ୍ଧ ପରେ ସିକ୍କିମ ସୀମାରେ ନାଥୁ ଲା ଏବଂ ଚୋ ଲା ସଂଘର୍ଷ ଉପରେ ଆଧାରିତ ଥିଲା ଏହି ଚଳଚ୍ଚିତ୍ରଟି। ଏଥିରେ ଜ୍ୟାକି ଶ୍ରଫ୍, ଅର୍ଜୁନ ରାମପାଲ, ସୋନୁ ସୁଦ, ହର୍ଷବର୍ଦ୍ଧନ ରାଣେ, ସୋନଲ୍ ଚୌହାନ, ଦୀପିକା କକ୍କଡଙ୍କୁ ଦେଖାଯାଇଥିଲା।
ସୁବେଦାର ଯୋଗୀନ୍ଦର ସିଂହ –
୬ ଏପ୍ରିଲ ୨୦୧୮ରେ ମୁକ୍ତିଲାଭ କରିଥିବା ‘ସୁବେଦାର ଯୋଗୀନ୍ଦର ସିଂହ’ ୧୯୬୨ ମସିହାର ଚୀନ୍-ଭାରତୀୟ ଯୁଦ୍ଧରେ ମୃତ୍ୟୁବରଣ କରିଥିବା ଭାରତୀୟ ସୈନିକ ଯୋଗୀନ୍ଦର ସିଂହଙ୍କ ଜୀବନୀ ଉପରେ ଆଧାରିତ ହୋଇଥିଲା ଯିଏ ମରଣୋତ୍ତର ପରମବୀର୍ ଚକ୍ରରେ ସମ୍ମାନିତ ହୋଇଥିଲେ। ଏହି ଚଳଚ୍ଚିତ୍ରରେ ଜିପି ଗ୍ରେୱାଲ୍ ଏବଂ ଆଦିତ୍ୟ ଶର୍ମା ଗୁରୁତ୍ୱପୂର୍ଣ୍ଣ ଭୂମିକାରେ ଥିଲେ। ଏହାକୁ ସିମରଜିତ ସିଂହ ନିର୍ଦ୍ଦେଶନା ଦେଇଥିଲେ, ଯାହା ଏକ ଉଚ୍ଚ ବଜେଟ୍ର ଚଳଚ୍ଚିତ୍ର ଥିଲା।
୭୨ ଆୱର୍ସ : ମାର୍ଟିୟର୍ ହୁ ନେଭର ଡାଏଡ୍: ଶହୀଦ ଯିଏ କେବେ ମରି ନାହାଁନ୍ତି –
ଅଭିନାଶ ଧାନୀଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ୨୦୧୯ ମସିହାରେ ମୁକ୍ତିଲାଭ କରିଥିଲା। ଏହି କାହାଣୀ ରାଇଫଲମ୍ୟାନ୍ ଜସୱନ୍ତ ସିଂହ ରାୱତଙ୍କ ଜୀବନୀ ଉପରେ ଆଧାରିତ ଥିଲା, ଯିଏ ୧୯୬୨ର ଚୀନ୍-ଭାରତୀୟ ଯୁଦ୍ଧରେ ଚୀନ୍ ସୈନିକଙ୍କୁ ଅତିକ୍ରମଣ କରାଯାଇଥିଲା। ଏହି ଚଳଚ୍ଚିତ୍ରଟି ଉଭୟ ଦର୍ଶକ ଏବଂ ସମାଲୋଚକଙ୍କ ଠାରୁ ସକରାତ୍ମକ ସମୀକ୍ଷା ମଧ୍ୟ ପାଇଥିଲା।
ଟ୍ୟୁବ୍ଲାଇଟ୍ –
କବୀର ଖାନଙ୍କ ନିର୍ଦ୍ଦେଶିତ ଫିଲ୍ମ 'ଟ୍ୟୁବ୍ଲାଇଟ୍'ର ନିର୍ମାଣ କବୀର ଖାନ ମଧ୍ୟ ସଲମାନ ଖାନଙ୍କ ସହ ମିଶି କରିଥିଲେ। ସଲମାନ ଖାନଙ୍କ ଅଭିନୀତ ର୍ହି ଚଳଚ୍ଚିତ୍ରର କାହାଣୀ ମଧ୍ୟ ୧୯୬୨ ଭାରତ-ଚୀନ୍ ଯୁଦ୍ଧର ଥିଲା। ଏହି ଚଳଚ୍ଚିତ୍ରଟି ୨୩ ଜୁନ୍ ୨୦୧୭ରେ ମୁକ୍ତିଲାଭ କରିଥିଲା।|
ହକିକତ୍ –
୧୯୬୪ ମସିହାରେ ଆସିଥିବା ଏହି ଚଳଚ୍ଚିତ୍ରଟି ଚେତନ ଆନନ୍ଦଙ୍କ ଦ୍ୱାରା ନିର୍ଦ୍ଦେଶିତ ଏବଂ ନିର୍ମିତ ହୋଇଥିଲା। ଏହି ଚଳଚ୍ଚିତ୍ରରେ ଧର୍ମେନ୍ଦ୍ର, ବଲରାଜ ସାହାନୀ, ପ୍ରିୟା ରାଜବଂଶ, ସୁଧୀର, ସଞ୍ଜୟ ଖାନ ଏବଂ ବିଜୟ ଆନନ୍ଦ ପ୍ରମୁଖ ଭୂମିକା ଗ୍ରହଣ କରିଥିଲେ। ଏହି ଚଳଚ୍ଚିତ୍ର ୧୯୬୨ ମସିହାରେ ହୋଇଥିବା ଇଣ୍ଡୋ-ଚାଇନା ଯୁଦ୍ଧର ଘଟଣା ଉପରେ ଆଧାରିତ ଥିଲା, ଯେଉଁଥିରେ ଭାରତୀୟ ସୈନିକମାନଙ୍କର ଏକ ଛୋଟ ପ୍ଲାଟୁନ୍ ଲଦାଖରେ ଏକ ବଡ଼ ବିରୋଧୀ ଶକ୍ତିର ସମ୍ମୁଖୀନ ହୋଇଥିଲା। ଚେତନ ଆନନ୍ଦ ଏହି ଚଳଚ୍ଚିତ୍ରକୁ ଜବାହରଲାଲ ନେହରୁ ଏବଂ ଲଦାଖର ସୈନିକମାନଙ୍କୁ ଉତ୍ସର୍ଗ କରିଥିଲେ।
ଅଧିକ ପଢ଼ନ୍ତୁ: ଦେଖନ୍ତୁ ଏହି ୫ ଫିଲ୍ମ; ମନରେ ଭରିଯିବ ଦେଶପ୍ରେମ
ରଥ ଥିଲାଗାମ –
୧୯୬୩ ମସିହାରେ ମୁକ୍ତିଲାଭ କରିଥିବା ଏହି ତାମିଲ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ଦାଦା ମିରାସି। ଏହି ଚଳଚ୍ଚିତ୍ରରେ ଶିବାଜୀ ଗଣେଶନ୍ ଏବଂ ସାବିତ୍ରୀ ଗଣେଶନ୍ ପ୍ରମୁଖ ଭୂମିକାରେ ଥିଲେ। ୧୯୬୨ର ଚୀନ-ଭାରତୀୟ ସୀମା ବିବାଦକୁ ଆଧାର କରି ଏହା ୧୪ ସେପ୍ଟେମ୍ବର ୧୯୬୩ ରେ ମୁକ୍ତିଲାଭ କରିଥିଲା। ଏହି ଚଳଚ୍ଚିତ୍ରକୁ ସାରା ଦେଶରେ ପ୍ରଶଂସା କରାଯାଇଥିଲା।
