LIVE TV
ମନୋରଂଜନ ଦୁନିଆ ପାଇଁ ଏକ ବିଶେଷ ଦିନ ହେବାକୁ ଯାଉଛି ୧୫ ଅଗଷ୍ଟ ଗୁରୁବାର। ତେବେ ଏହି ଦିନ ବକ୍ସ ଅଫିସ୍ ପାଇଁ ବର୍ଷର ସବୁଠାରୁ ବଡ ଦିନ ହେବାକୁ ଯାଉଥିଲା। କିନ୍ତୁ ଗୋଟିଏ ପରେ ଗୋଟିଏ ବଡ ବଡ ଫିଲ୍ମ ସେମାନଙ୍କର ରିଲିଜ୍ ତାରିଖକୁ ସ୍ଥଗିତ ରଖିଛନ୍ତି। ଏହି ଦିନ ‘ସିଙ୍ଘମ୍ ଏଗେନ୍’ ଏବଂ ‘ପୁଷ୍ପା୨’ ମଧ୍ୟରେ ସଂଘର୍ଷ ହେବାକୁ ଯାଉଥିଲା। କିନ୍ତୁ ଦୁହେଁ ଫିଲ୍ମର ରିଲିଜ୍ ତାରିଖକୁ ସ୍ଥଗିତ ରଖିଦେଲେ।
ଏହା ପରେ, ପୁଣି ଥରେ ଏହି ତାରିଖକୁ କ୍ୟାପଚର କରିବାର ରେସ୍ ଆରମ୍ଭ ହୋଇଯାଇଛି। ଏହି ପ୍ରତିଯୋଗିତା ସାଉଥ୍ ଏବଂ ବଲିଉଡ ମଧ୍ୟରେ ହେବାକୁ ଯାଉଛି। ବଲିଉଡ୍ ଏହି ଦିନ ଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ହରର୍-କମେଡି ଫିଲ୍ମ ‘ସ୍ତ୍ରୀ ୨’ ରିଲିଜ କରିବାକୁ ଘୋଷଣା କରିଛି। ସେହିପରି ଜନ୍ ଆବ୍ରାହମ୍ଙ୍କ ଆକ୍ସନ୍ ଫିଲ୍ମ ‘ବେଦା’ ମଧ୍ୟ ଅଗଷ୍ଟ ୧୫ରେ ରିଲିଜ୍ ହେବା ନେଇ ପକ୍କା ହୋଇଛି।
Also Read
ନିକଟରେ ରିଲିଜ୍ ହୋଇଥିବା ଅକ୍ଷୟ କୁମାରଙ୍କ ‘ସର୍ଫିରା’ ଫ୍ଲପ୍ ହୋଇଛି। ତେଣୁ ‘ପୁଷ୍ପା ୨’ ରିଲିଜ୍ ହେବା ସ୍ଥତିତ ହେବା ପରେ ସେ ମଧ୍ୟ ଏହି ତାରିଖକୁ ନିଜ ପାଇଁ ଉପଯୁକ୍ତ ମନେ କରିଛନ୍ତି ଏବଂ ‘ଖେଲ୍ ଖେଲ୍ ମେଁ’ ରିଲିଜ୍ ପାଇଁ ଏହି ତାରିଖ ବାଛିଛନ୍ତି।
କିନ୍ତୁ ସବୁଠାରୁ ବଡ କଥା ହେଲା କୋଲାର ଗୋଲ୍ଡ ଫିଲ୍ଡ ଉପରେ ଆଧାରିତ ତାମିଲ ଫିଲ୍ମ ‘ଥଙ୍ଗଲାନ୍’ ମଧ୍ୟ ଅଗଷ୍ଟ ୧୫ରେ ରିଲିଜ ହେବାକୁ ଘୋଷଣା କରାଯାଇଛି। ସେହି ଦିନ ପୁଣି ରାମ ପୋଥେନେନିଙ୍କ ଆକ୍ସନ୍ ଫିଲ୍ମ ‘ଡବଲ୍ ଇସ୍ମାର୍ଟ’ ମଧ୍ୟ ରିଲିଜ୍ ହେଉଛି।
‘ସ୍ତ୍ରୀ ୨’ ଟ୍ରେଲର୍:
ଏହି ଦିନ ବଲିଉଡ୍ ଏବଂ ସାଉଥ୍ ମଧ୍ୟରେ ସଂଘର୍ଷ ହେବାକୁ ଯାଉଛି। ତେବେ ତିନୋଟି ବଲିଉଡ୍ ଫିଲ୍ମ ମଧ୍ୟ ପରସ୍ପର ସହ ଜଡିତ ଥିବା ଜଣାପଡିଛି। ଅକ୍ଷୟ କୁମାର ଏବଂ ଜନ୍ ଆବ୍ରାହମ୍ଙ୍କୁ ଏକ ହିଟ୍ର ଆବଶ୍ୟକତା ରହିଛି। ଜନ୍ଙ୍କ ‘ବେଦା’ ଏକ ଆକ୍ସନ୍ ଫିଲ୍ମ ହୋଇଥିବା ବେଳେ ଅକ୍ଷୟ କୁମାରଙ୍କ ‘ଖେଲ୍ ଖେଲ୍ ମେ’ ହେଉଛି ପରଫେକ୍ଟ ଷ୍ଟ୍ରେଞ୍ଜରର ରିମେକ୍। ସେହିପରି ସାଉଥ୍ର ‘ଥଙ୍ଗ୍ଲାନ୍’ ଏବଂ ‘ଡବଲ୍ ଇସ୍ମାର୍ଟ’ ପ୍ୟାନ୍ ଇଣ୍ଡିଆ ରିଲିଜ୍ ହେଉଥିବାବେଳେ ହରର୍ କମେଡି ‘ସ୍ତ୍ରୀ ୨’ର ଟ୍ରେଲର ପୂର୍ବରୁ ଚର୍ଚ୍ଚାରେ ରହିଆସିଛି।
‘ଥଙ୍ଗଲାନ୍’ ଟ୍ରେଲର୍:
କଣ୍ଟେଣ୍ଟ୍ ବେସ୍ଡ୍ ଚଳଚ୍ଚିତ୍ର ନିର୍ମାଣରେ ପାରଦର୍ଶୀତା ହାସଲ୍ କରିଥିବା ପା ରଞ୍ଜିତ ‘ଥଙ୍ଗଲାନ୍’ ନିର୍ଦ୍ଦେଶନା ଦେଇଛନ୍ତି। ‘ଡବଲ୍ ଇସ୍ମାର୍ଟ’ ହେଉଛି ସୁପର୍ହିଟ୍ ଫିଲ୍ମ ‘ଇସ୍ମାର୍ଟ ଶଙ୍କର’ର ସିକ୍ୱେଲ୍। ଏହିପରି ଭାବରେ ସାଉଥ ଏକ ସମ୍ପୂର୍ଣ୍ଣ ଭିନ୍ନ ପ୍ରକାରର ମସଲା ଆଣୁଛି।
ଯଦି ଆମେ ଏହି ସମଗ୍ର ଦୃଶ୍ୟକୁ ଦେଖିବା, ତେବେ ନିଃସନ୍ଦେହରେ ଗୋଟିଏ ଦିନରେ ପାଞ୍ଚଟି ବଡ ଫିଲ୍ମ ରିଲିଜ୍ ହେବା କାହା ପାଇଁ ଲାଭଦାୟକ ନ ହୋଇପାରେ। କିନ୍ତୁ ତିନୋଟି ବଲିଉଡ୍ ଚଳଚ୍ଚିତ୍ରକୁ ପ୍ରଥମେ ନିଜ ନିଜ ମଧ୍ୟରେ ପ୍ରତିଦ୍ୱନ୍ଦ୍ୱିତା କରିବାକୁ ପଡିବ। ଏହା ପରେ ସେମାନଙ୍କୁ ସାଉଥ୍ର ବିଷୟବସ୍ତୁ ସହିତ ସଂଘର୍ଷ କରିବାକୁ ହେବ।
ଆଗରେ ରହିବ କି ସାଉଥ୍:
ତେବେ ବର୍ତ୍ତମାନର ପରିସ୍ଥିତି ବିଷୟରେ ଯଦି କୁହାଯାଏ ତେବେ ‘ସ୍ତ୍ରୀ ୨’ ଅନ୍ୟ ଦୁଇ ହିନ୍ଦୀ ଚଳଚ୍ଚିତ୍ରଠାରୁ ବହୁ ଆଗରେ ଅଛି। ସେହିପରି ଅଭିନୟ ଏବଂ ବିଷୟବସ୍ତୁ ଦୃଷ୍ଟିରୁ ବିକ୍ରମଙ୍କ ‘ଥାଙ୍ଗଲାନ୍’ ପ୍ରତ୍ୟେକ କ୍ଷେତ୍ରରେ ଏକ ଚମତ୍କାର କାମ କରିଛି। ତେବେ ଅଗଷ୍ଟ ୧୫ରେ ତ ଏହାର ନିଷ୍ପତ୍ତି ହେବ, କିନ୍ତୁ ସାଉଥ୍ ଆଗରେ ରହିବ ବୋଲି ଏଥିରୁ ଅନୁମାନ ହୁଏ।
