UGC NET Exam: ଆବେଦନ ଫର୍ମକୁ ଏଡିଟ୍‌ କରିପାରିବେ ଛାତ୍ରଛାତ୍ରୀ

ଏଣିକି ନିଜ ଆବେଦନ ଫର୍ମକୁ ଏଡିଟ୍‌ କରିପାରିବେ ଛାତ୍ରଛାତ୍ରୀ । ୟୁଜିସି ନିଟ୍‌ ପାଇଁ ଆବେଦନ କରିଥିବା ପ୍ରାର୍ଥୀମାନେ ନିଜ ଆବେଦନ ଫର୍ମକୁ ପରିବର୍ତ୍ତନ କରିପାରିବେ । ଏଥିପାଇଁ ସେମାନଙ୍କୁ ugcnet.nta.nic.in ରେ ଲଗ୍ ଇନ୍ କରି ନିଜ ଫର୍ମରେ ପରିବର୍ତ୍ତନ ତଥା ଏଡିଟ୍‌ କରିବାକୁ ପଡିବ । ଏନେଇ ନ୍ୟାସ୍‌ନ୍ୟାଲ ଟେଷ୍ଟିଙ୍ଗ୍ ଏଜେନ୍ସି ପକ୍ଷରୁ ବିଜ୍ଞପ୍ତି ଜାରି କରାଯାଇଛି । 

ୟୁଜିସି ନିଟ୍‌ ଡିସେମ୍ବର ୨୦୨୧ ଓ ଜୁନ୍ ୨୦୨୨ ପାଇଁ ଆବେଦନ କରିଥିବା ପ୍ରାର୍ଥୀଙ୍କ ପାଇଁ ୟୁଜିସି ପକ୍ଷରୁ ଏହି ସୁଯୋଗ ଦିଆଯାଇଛି । ଫଳରେ ଅନ୍ଲାଇନ୍ ଆବେଦନ ଫର୍ମକୁ ପ୍ରାର୍ଥୀମାନେ ନିଜ ସୁବିଧା ହିସାବରେ ଏଡିଟ୍‌ ଓ ପରିବର୍ତ୍ତନ କରିପାରିବେ । ନ୍ୟାସ୍‌ନ୍ୟାଲ ଟେଷ୍ଟିଙ୍ଗ୍ ଏଜେନ୍ସି (National Testing Agency -NTA) ଏହି ନିଷ୍ପତ୍ତି ନେଇଛି ।

ତେବେ ପ୍ରାର୍ଥୀମାନେ ମେ ୨୩ ସୁଦ୍ଧା ନିଜ ୟୁଜିସି ନିଟ୍‌ ଆବେଦନ ଫର୍ମକୁ ଏଡିଟ୍‌ କରିପାରିବେ । ଏହା ବ୍ୟତୀତ ଅନ୍ୟ କୌଣସି ଦିନରେ ମଧ୍ୟ ପ୍ରାର୍ଥୀମାନେ ନିଜ ଆବେଦନ ଫର୍ମକୁ ପରିବର୍ତ୍ତନ କରିପାରିବେ ନାହିଁ । ଏହାସହ ଆବେଦନ ଫର୍ମକୁ ପରିବର୍ତ୍ତନ କରିବା ପାଇଁ ଦେୟ ଦେବାକୁ ପଡିବ ବୋଲି ନ୍ୟାସ୍‌ନ୍ୟାଲ ଟେଷ୍ଟିଙ୍ଗ୍ ଏଜେନ୍ସି ପକ୍ଷରୁ କୁହାଯାଇଛି ।

Also Read

ସାଂସଦ ପିନାକୀଙ୍କୁ ସମ୍ବିତଙ୍କ କାଉଣ୍ଟର ଆଟାକ୍‌ ! କହିଲେ କିଏ ଢ଼ୋଙ୍ଗୀ ? ରାତି ଅଧରେ ଏବେ କ’ଣ ଚାଲିଛି ?

Read More

ବିବାହ କାର୍ଯ୍ୟକ୍ରମରେ ଯୋଗଦେଇ ଫେରୁଥିବା ବେଳେ ଭୟଙ୍କର ଦୁର୍ଘଟଣା: ୮ ମୃତ, ୩ ଗୁରୁତର

Read More

ଫ୍ଲାଟ୍‌ରୁ ମିଳିଲା ମା’ ଓ ୨ ଝିଅଙ୍କ ମୃତଦେହ, ଦୁନିଆ ଛାଡ଼ିବା ପୂର୍ବରୁ କାନ୍ଥରେ ଲେଖି ଦେଇଗଲେ ଏମିତି ନୋଟ୍‌...

Read More

ସୂଚନା ଅନୁସାରେ, UGC NET ୨୦୨୨ ପାଇଁ ଆବେଦନ ସମୟ ସୀମା ୨୦ ମେ ଥିବାବେଳେ ବର୍ଷକୁ କେବଳ ଦୁଇଥର ହିଁ UGC NET ପରୀକ୍ଷା କରାଯାଏ । କୋଭିଡ୍‌ ମହାମାରୀକୁ ଦୃଷ୍ଟିରେ ରଖି ଗତ ଡିସେମ୍ବର ୨୦୨୧ରେ ହେବାକୁ ଥିବା ପରୀକ୍ଷାକୁ ସ୍ଥଗିତ ରଖିବା ହେତୁ UGC NET ଜୁନ୍ ୨୦୨୨ ପରୀକ୍ଷାରେ ମଧ୍ୟ ବିଳମ୍ବ ହୋଇଛି । ଫଳରେ ସୁରୁଖୁରୁରେ ପରୀକ୍ଷା କରିବା ଉଦ୍ଦେଶ୍ୟରେ ଉଭୟ ପରୀକ୍ଷକୁ ଏକ ସମୟରେ କରିବାକୁ ଏନ୍‌ଟିଏ ନିଷ୍ପତ୍ତି ନେଇଛି । ଆଗାମୀ ଦିନରେ UGC NET ପକ୍ଷରୁ ଏହି ପରୀକ୍ଷା ତାରିଖ ଘୋଷଣା କରାଯିବ ।