Career Tips: ଦ୍ୱାଦଶ ପରେ କ୍ୟାରିଅର୍‌କୁ ନେଇ ଚିନ୍ତାରେ ଅଛନ୍ତି କି? ଆପଣଙ୍କ ପାଇଁ ଟିପ୍ସ

ଦ୍ୱାଦଶ ପରେ କ୍ୟାରିୟରର ସଠିକ୍ ରାସ୍ତା ବାଛିବା ସହଜ ହୋଇ ନଥାଏ। ବିଜ୍ଞାନ ଷ୍ଟ୍ରିମ୍‌ରୁ ଦ୍ୱାଦଶ ବୋର୍ଡ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ଛାତ୍ରମାନଙ୍କର ଅନେକ କ୍ୟାରିୟର ବିକଳ୍ପ ରହିଛି। ଆଜିକାଲି ଟେକ୍ନୋଲୋଜି କ୍ଷେତ୍ର ବୃଦ୍ଧି ପାଇବାରେ ଲାଗିଛି। ଆଗାମୀ କିଛି ବର୍ଷ ମଧ୍ୟରେ ଏହି କ୍ଷେତ୍ରରେ ଅନେକ ଅଭିବୃଦ୍ଧି ହେବାର ଆଶା ରହିଛି। ଯଦି ଆପଣ ଦ୍ୱାଦଶ ପରେ ଏହି କ୍ଷେତ୍ରରେ କ୍ୟାରିୟର କରିବାକୁ ଚାହୁଁଛନ୍ତି, ତେବେ ଆପଣ B.Tech ସହିତ ଅନ୍ୟାନ୍ୟ ପାଠ୍ୟକ୍ରମ ମଧ୍ୟ କରିପାରିବେ।

BTech Course List:

ଦ୍ୱାଦଶ ପରେ, ବହୁ ଛାତ୍ର BTech ଡିଗ୍ରୀ କରନ୍ତି। BTech ହେଉଛି ୪ ବର୍ଷର ସ୍ନାତକୋତ୍ତର ଡିଗ୍ରୀ ପ୍ରୋଗ୍ରାମ୍। | ଏହାର ଅନେକ ଶାଖା ଅଛି। ଆପଣଙ୍କର ଆଗ୍ରହ ଏବଂ ପଦବୀ ଅନୁଯାୟୀ, ଆପଣ କମ୍ପ୍ୟୁଟର ସାଇନ୍ସ, ଇଲେକ୍ଟ୍ରୋନିକ୍ସ, ଇଲେକ୍ଟ୍ରିକାଲ୍, ମେକାନିକାଲ୍, ସିଭିଲ୍, ପେଟ୍ରୋଲିୟମ୍ ଭଳି ବିଷୟଗୁଡ଼ିକରେ B.Tech ଡିଗ୍ରୀ ନେଇପାରିବେ। IIT, NIT, BITS ଏବଂ DTU ପରି ଶୀର୍ଷ ଅନୁଷ୍ଠାନଗୁଡିକରୁ B.Tech ପାଠ୍ୟକ୍ରମ କରି ଆପଣ ଭଲ ପ୍ୟାକେଜ୍ ସହିତ ଚାକିରି ପାଇପାରିବେ।

Also Read

Career Tips: ଯେତେ ପରୀକ୍ଷା ଦେଲେ ବି ମିଳୁନି ସରକାରୀ ଚାକିରି? ଆପଣଙ୍କ ପାଇଁ ସୁଯୋଗ

Read More

Career Tips: ଅତି ସହଜରେ ଆରମ୍ଭ କରନ୍ତୁ ଏହି ବ୍ୟବସାୟ, ମାସିକ ୯୦ ହଜାର ରୋଜଗାର

Read More

Career Tips: ଗୁଗୁଲ୍‌ର ଏହି ଫ୍ରି କୋର୍ସ କଲେ, ଘରେ ବସି ଲକ୍ଷାଧିକ ଟଙ୍କା ପାଇବେ

Read More

ଅଧିକ ପଢ଼ନ୍ତୁ: ଦଶମ ପରେ ଇଞ୍ଜିନିୟର ହେବାକୁ ଚାହୁଁଛନ୍ତି କି? ଦେଖନ୍ତୁ କେତେକ ଟିପ୍ସ

B.E. Courses List:

BE ଅର୍ଥାତ୍ ଇଞ୍ଜିନିୟରିଂରେ ସ୍ନାତକ ମଧ୍ୟ ଏକ ୪ ବର୍ଷର ଡିଗ୍ରୀ ପ୍ରୋଗ୍ରାମ୍। BTech ପରି ଏହି ଡିଗ୍ରୀ ପାଇଁ ମଧ୍ୟ କମ୍ପ୍ୟୁଟର ସାଇନ୍ସ, ଇଲେକ୍ଟ୍ରୋନିକ୍ସ, ଇଲେକ୍ଟ୍ରିକାଲ୍, ମେକାନିକାଲ୍, ସିଭିଲ୍ ଭଳି ବିଭିନ୍ନ ଇଞ୍ଜିନିୟରିଂ ବିଭାଗରେ BE ଡିଗ୍ରୀ କରାଯାଇପାରେ। ଆପଣ ଏହି ପାଠ୍ୟକ୍ରମକୁ IIT, NIT, BITS ଏବଂ DTUରୁ ଅଧ୍ୟୟନ କରିପାରିବେ। B.Tech ଏକ ଦକ୍ଷତା ଭିତ୍ତିକ ପାଠ୍ୟକ୍ରମ ହୋଇଥିବାବେଳେ B.E. ଜ୍ଞାନ ଉପରେ ଆଧାରିତ।

BSc Computer Science:

କମ୍ପ୍ୟୁଟର ସାଇନ୍ସରେ ସ୍ନାତକ ହେଉଛି ୩ ବର୍ଷର ଡିଗ୍ରୀ ପ୍ରୋଗ୍ରାମ୍‌। ଏହାର ସିଲାବସ୍ କମ୍ପ୍ୟୁଟର ସାଇନ୍ସ ଏବଂ ପ୍ରୋଗ୍ରାମିଂ ଲାଙ୍ଗୁଏଜ୍ ଉପରେ ଆଧାରିତ। ସେଣ୍ଟ ଜାଭିୟର କଲେଜ(ମୁମ୍ବାଇ), ଖ୍ରୀଷ୍ଟ ୟୁନିଭର୍ସିଟି (ବାଙ୍ଗାଲୋର) ଏବଂ ଲୟଲା କଲେଜ (ଚେନ୍ନାଇ) ଭଳି ଟପ୍ କଲେଜରେ କମ୍ପ୍ୟୁଟର ସାଇନ୍ସରେ ବିଏସ୍ସି ପାଇଁ ଆବେଦନ କରିପାରିବେ।

BCA Computer Science:

ବିସିଏ ଯଥା ବ୍ୟାଚେଲର୍ସ ଅଫ୍ କମ୍ପ୍ୟୁଟର ସାଇନ୍ସ ହେଉଛି ୩ ବର୍ଷର ଡିଗ୍ରୀ ପ୍ରୋଗ୍ରାମ୍। ଏହି ପାଠ୍ୟକ୍ରମରେ କମ୍ପ୍ୟୁଟର ଆପ୍ଲିକେଶନ ଏବଂ ସଫ୍ଟୱେର୍ ଡେଭଲପ୍‌ମେଣ୍ଟ୍ ଉପରେ ଧ୍ୟାନ ଦିଆଯାଏ। ଏଥିପାଇଁ ସିମ୍ବୋୟୋସିସ୍ ଇନ୍‌ଷ୍ଟିଚ୍ୟୁଟ୍ ଅଫ୍ କମ୍ପ୍ୟୁଟର ଷ୍ଟଡିଜ୍ ଆଣ୍ଡ୍‌ ରିସର୍ଚ୍ଚ (SICSR- ପୁଣେ), ଖ୍ରୀସ୍ତୁ ଜୟନ୍ତୀ କଲେଜ(ବାଙ୍ଗାଲୋର) ଏବଂ ଇନ୍ଦିରା ଗାନ୍ଧୀ ନ୍ୟାସ୍‌ନାଲ୍‌ ଓପନ୍ ୟୁନିଭର୍ସିଟି (IGNOU) ପରି ଶୀର୍ଷ ଅନୁଷ୍ଠାନରେ ନା’ ଲେଖାଇ ପାରିବେ।

BSc IT Subjects:

BSc IT ମଧ୍ୟ ୩ ବର୍ଷର ଏକ ଡିଗ୍ରୀ ପ୍ରୋଗ୍ରାମ୍। BSc IT ପାଠ୍ୟକ୍ରମ କରିବା ପରେ ଚାକିରିର ଧାଡି ଲାଗିଯିବ। ଏହି କ୍ଷେତ୍ରରେ ବହୁ ଅଭିବୃଦ୍ଧିର ଆଶା କରାଯାଏ। ଏହାର ପାଠ୍ୟକ୍ରମ ସୂଚନା ପ୍ରଯୁକ୍ତିବିଦ୍ୟା ଏବଂ ସଫ୍ଟୱେର୍ ଡେଏଲପ୍ ଉପରେ ଆଧାରିତ। ଯଦି ଆପଣ BSc IT ପାଠ୍ୟକ୍ରମ କରିବାକୁ ଚାହୁଁଛନ୍ତି ତେବେ ଆପଣ ମୁମ୍ବାଇ ବିଶ୍ୱବିଦ୍ୟାଳୟ, ଦିଲ୍ଲୀ ବିଶ୍ୱବିଦ୍ୟାଳୟ ଏବଂ ସିକ୍କିମ ମଣିପାଲ ବିଶ୍ୱବିଦ୍ୟାଳୟ ପରି ଶୀର୍ଷ ଅନୁଷ୍ଠାନରେ ନାଁ ଲେଖାଇପାରିବେ।

ଅଧିକ ପଢ଼ନ୍ତୁ: କମ୍ ଟଙ୍କାରେ କରନ୍ତୁ ଏହି କୋର୍ସ; ପ୍ରଥମ ଦରମା ୩୦ ହଜାର ଉପରେ

OTV is now on Whatsapp

Join and get latest news update delivered to you via whatsapp

Join Now