ଦିନକ ପରେ ଭାଗ୍ୟ ପରୀକ୍ଷା, ଦୁଇ ବର୍ଷ ପରେ ଆଶାନୁରୂପ ଫଳାଫଳ ଆଶାରେ ପରୀକ୍ଷାର୍ଥୀ

ଦିନକ ପରେ ଅର୍ଥାତ୍ ଆସନ୍ତା ୬ତାରିଖ ବୁଧବାରରେ ପ୍ରକାଶ ପାଇବ ମାଟ୍ରିକ ରେଜଲ୍ଟ । ପରୀକ୍ଷାର୍ଥୀ ମାନେ ୱେବ୍‌ସାଇଟ୍‌ ଓ ଏସ୍ଏମ୍ଏସ୍ ଜରିଆରେ ରେଜଲ୍ଟ ଜାଣିପାରିବେ । ଦୁଇ ବର୍ଷ ବ୍ୟବଧାନରେ ଅଫ୍ ଲାଇନ୍ ଯୋଗେ ପରୀକ୍ଷା ହୋଇଛି । ଏଥିଲାଗି ମେଧାବୀ ଛାତ୍ରଛାତ୍ରୀ ଆଶାନୁରୂପ ଫଳ ପାଇବେ ବୋଲି ଆଶା ରଖିଛନ୍ତି ।

ଆସନ୍ତା ୬ ତାରିଖରେ ପ୍ରକାଶ ପାଇବ ମାଟ୍ରିକ ପରୀକ୍ଷା ଫଳ । ଦିନ ଗୋଟାଏରେ କଟକ ବୋର୍ଡ କାର୍ଯ୍ୟାଳୟରେ ଆନୁଷ୍ଠାନିକ ଭାବେ ଫଳ ଘୋଷଣା ହେବ ।  ଏହାର ଏକ ଘଣ୍ଟା ପରେ ଅର୍ଥାତ ଦିନ ଦୁଇଟା ପରେ ପରୀକ୍ଷାର୍ଥୀ ମାନେ ନିଜ ନିଜର ରେଜଲ୍ଟ ୱେବସାଇଟ୍‌ରୁ ଜାଣିପାରିବେ । ଏହି ସୂଚନା ଦେଇଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ । ପରୀକ୍ଷାର୍ଥୀ ମାନେ WWW.BSEODISHA.AC.IN ଓ ORISSARESULTS.NIC.IN ୱେବସାଇଟ୍ ରୁ ରେଜଲ୍ଟ ଜାଣିପାରିବେ । ଏହାଛଡ଼ା ଏସ୍ଏମ୍ଏସ୍ ଜରିଆରେ ବି ପରୀକ୍ଷାର୍ଥୀ ମାନେ ଫଳାଫଳ ସମ୍ପର୍କରେ ସୂଚନା ପାଇପାରିବେ । ଆପଣ OR (10) ରୋଲ ନମ୍ବର ଲେଖି  ୫୬୭୬୭୫୦  ନମ୍ବରକୁ ଏସଏମଏସ୍ କଲେ ଆପଣ ପରୀକ୍ଷା ଫଳ ପାଇପାରିବେ ।

Also Read

ତାଳଧ୍ୱଜ ଓ ଦର୍ପଦଳନ ରଥରେ ଫାଟ, ଏପଟେ ରଥ କାଠ ଅଭାବ ନେଇ ଗଜପତିଙ୍କ ଚିନ୍ତା

Read More

ବର୍ଷାଙ୍କୁ ଗୀତା ଉପହାର ଦେଲେ ଅନୁଭବ, କହିଲେ ଶାନ୍ତିରେ ରୁହ ଶାନ୍ତିରେ ରହିବାକୁ ଦିଅ

Read More

ପ୍ରଧାନମନ୍ତ୍ରୀଙ୍କ ହେଲିକପ୍ଟର ଆଗକୁ କଳା ବେଲୁନ୍ ଛାଡ଼ି ପ୍ରତିବାଦ କଲା କଂଗ୍ରେସ, ଦେଖନ୍ତୁ ଭିଡିଓ..

Read More

ମହାମାରୀ ଯୋଗୁଁ ଦୁଇ ବର୍ଷ ପରେ ଅଫ୍ ଲାଇନ୍‌ରେ ମାଟ୍ରିକ ପରୀକ୍ଷା ଅନୁଷ୍ଠିତ ହୋଇଛି । ଏପ୍ରିଲ୍ ୨୮ରୁ ମେ ୭ ଯାଏଁ ପରୀକ୍ଷା ଅନୁଷ୍ଠିତ ହୋଇଥିଲା । ୫ ଲକ୍ଷରୁ ଅଧିକ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି । ମେ' ୨୧ରୁ ରାଜ୍ୟର ୫୮ଟି କେନ୍ଦ୍ରରେ ମୂଲ୍ୟାୟନ କରାଯାଇଥିଲା । ଚଳିତ ବର୍ଷ ନୂଆ ମୂଲ୍ୟାୟନ ପଦ୍ଧତିରେ ମୂଲ୍ୟାୟନ କରାଯାଇଛି । ଇଣ୍ଟରନାଲ୍ ଆସେସମେଣ୍ଟ, ସମେଟିଭ ଆସେସମେଣ୍ଟ ୱାନ୍ ଓ ସମେଟିଭି ଆସେସ୍ମେଣ୍ଟ ଟୁ ର ୱେଟେଜ୍ ଆଧାରରେ ପିଲାଙ୍କୁ ମାର୍କ ଦିଆଯାଇଛି ।

ପୂର୍ବ ଦୁଇ ବର୍ଷ ବିକଳ୍ପ ମୂଲ୍ୟାୟନ ଜରିଆରେ ମାର୍କ ଦିଆଯାଇଥିବାରୁ ପାସ୍ ହାର ରେକର୍ଡ ଟପି ଥିଲା । ହେଲେ ମେଧାବୀ ଛାତ୍ରଛାତ୍ରୀଙ୍କୁ ଦକ୍ଷତା ମୁତାବକ ମାର୍କ ମିଳିନଥିବା ଅଭିଯୋଗ ଆସିଥିଲା । ଏପରିକି ବୋର୍ଡ଼ କାର୍ଯ୍ୟାଳୟ ଠାରୁ ଆରମ୍ଭ କରି ସ୍କୁଲ୍ ଯାଏଁ ସବୁଠି ଆନ୍ଦୋଳନ ଦେଖିବାକୁ ମିଳିଥିଲା । ଚଳିତ ବର୍ଷ ପରୀକ୍ଷାର୍ଥୀ ପ୍ରଦର୍ଶନ ମୁତାବକ ଫଳ ପାଇବେ ବୋଲି ଆଶା ରଖିଛନ୍ତି ।

ରିପୋର୍ଟର- ପୱନ ତିଓ୍ୱାରୀ, ରଶ୍ମିରଞ୍ଜନ ଦାସ, ଦେବାଶିଷ ମହାନ୍ତି ଓ ଜଗଦୀଶ ଦାସ