LIVE TV
ପିଲା ଥଙ୍ଗେଇଲେ, ପ୍ରଧାନ ଶିକ୍ଷୟିତ୍ରୀଙ୍କ ଦରମା ବନ୍ଦ । ତୃତୀୟ ଶ୍ରେଣୀର ପିଲା ତିନି ଖନ୍ଦା ପଣିକିଆ ନକହିବା ପାରିବା ପରେ ଏପରି ନିଷ୍ପତ୍ତି ନେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ । ଜଣେ ଅଧେ ନୁହେଁ, ୪-୫ ଜଣଙ୍କୁ ସେହି ତିନି ଖନ୍ଦା ପଣିକିଆ ପଚାରିଲେ ସମୀର ଦାଶ । ହେଲେ କେହି କହିନପାରିବା ପରେ ବାଲେଶ୍ୱର ମଠ ସାହି ମହାବୀର ନୋଡାଲ ସ୍କୁଲର ପ୍ରଧାନ ଶିକ୍ଷୟିତ୍ରୀଙ୍କ ଦରମା ବନ୍ଦ କରିବାକୁ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।
ତା ସହିତ କାରଣ ଦର୍ଶାଅ ନୋଟିସ୍ ଜାରି କରିବାକୁ ଜିଲ୍ଲା ଶିକ୍ଷା ଅଧିକାରୀଙ୍କୁ କୁହାଯାଇଛି । ଏହାଦ୍ୱାରା ସ୍କୁଲରେ କିପରି ଶିକ୍ଷାଦାନ ଚାଲିଛି ବୋଲି ମନ୍ତ୍ରୀ ପଚାରି ବୁଝିଥିଲେ। ମାତ୍ର ପ୍ରଧାନଶିକ୍ଷୟିତ୍ରୀଜଣକ ସନ୍ତୋଷଜନକ ଉତ୍ତର ଦେଇ ନ ପାରିବାରୁ ମନ୍ତ୍ରୀ ତାଙ୍କ ଦରମା ବନ୍ଦ କରିବାକୁ ଜିଲ୍ଲା ଶିକ୍ଷାଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।
ପ୍ରଧାନ ଶିକ୍ଷୟିତ୍ରୀ ତାଙ୍କ ଦାୟିତ୍ୱ ଠିକରେ ତୁଳାଇ ନଥିବାରୁ ତାଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ନିଆଯାଇଥିବା ମନ୍ତ୍ରୀ କହିଛନ୍ତି । ୧୫ ଦିନ ଭିତରେ ୧୫ ଖନ୍ଦା ପଣିକିଆ ଯେପରି ପିଲା କହିପାରିବେ, ସେମିତି ପାଠ ପଢ଼ାଇବାକୁ ପ୍ରଧାନ ଶିକ୍ଷୟିତ୍ରୀଙ୍କୁ ନିର୍ଦ୍ଦେଶ ଦିଆଯାଇଥିବା ମନ୍ତ୍ରୀ କହିଛନ୍ତି ।
ଆଜି ବାଲେଶ୍ୱରର ବିଭିନ୍ନ ସ୍କୁଲ ପରିଦର୍ଶନ କରିଛନ୍ତି ମନ୍ତ୍ରୀ ସମୀର ଦାଶ ଫାଇଭ୍ ଟି ରେ ଏବେ ନୂଆ ଟି- ଟୁର୍ ଯୋଡ଼ି ହୋଇଥିବାରୁ ରାଜ୍ୟର ବିଭିନ୍ନ ସ୍କୁଲ ପରିଦର୍ଶନ ଜାରି ରହିବ ବୋଲି ସେ କହିଛନ୍ତି । ବାଲେଶ୍ୱରର ବିଭିନ୍ନ ସ୍କୁଲ ପରିଦର୍ଶନ କରି ପାଠ ପଢ଼ା କେମିତି ହେଉଛି, ତାହା ବୁଝିବା ସହିତ ମଧ୍ୟାହ୍ନ ଭୋଜନର ମଧ୍ୟ ସେ ତଦାରଖ କରିଥିଲେ । ସ୍କୁଲର ସମସ୍ୟା କଥା ବୁଝିବା ସହିତ ଛାତ୍ରଛାତ୍ରୀଙ୍କୁ ଚଲୋଲେଟ ମଧ୍ୟ ବାଣ୍ଟିଥିଲେ ମନ୍ତ୍ରୀ ।
