ରାଜଧାନୀରେ ଗର୍ଜିଲେ ଶିକ୍ଷକ

ଲୋୟର ପିଏମଜିରେ ଶିକ୍ଷକଙ୍କ ଧାରଣା । ବିଭିନ୍ନ ଦାବି ନେଇ ଆଜିଠୁ ୩ ଦିନ ପାଇଁ ଅହୋରାତ୍ର ଧାରଣାକୁ ଓହ୍ଲାଇଛନ୍ତି ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ-ଓଷ୍ଟା । ସ୍କୁଲରେ ଶିକ୍ଷକ ଓ କର୍ମଚାରୀଙ୍କ ବିଭିନ୍ନ ସମସ୍ୟା ନେଇ ରାଜରାସ୍ତାକୁ ଓହ୍ଲାଇଛନ୍ତି ।

ବିଶେଷ ଭାବେ ଚାକିରୀର ସର୍ତ୍ତାବଳୀ ଓ ପେନସନ୍ ବ୍ୟବସ୍ଥା ଯୋଗାଇବାକୁ ଦାବି କରିଛି ସଂଘ । ଶିକ୍ଷକଙ୍କୁ ବିଭିନ୍ନ କାଟାଗୋରୀରେ ବିଭକ୍ତ କରି ଶିକ୍ଷା ବ୍ୟବସ୍ଥାକୁ ନଷ୍ଟ କରାଯାଉଥିବା ଦାବି କରିଛନ୍ତି । ସ୍କୁଲରେ ବିଭିନ୍ନ ଆନୁସଙ୍ଗିକ ବ୍ୟବସ୍ଥା ନଥିବା ବି ଅଭିଯୋଗ କରିଛନ୍ତି ଶିକ୍ଷକ ଶିକ୍ଷୟିତ୍ରୀ ।

ସ୍କୁଲର ବିଭିନ୍ନ ସମସ୍ୟାକୁ ନେଇ ଆଜି ଶତାଧିକ ଶିକ୍ଷକ ଶିକ୍ଷୟିତ୍ରୀ ଆଜି ଲୋୟର ପିଏମଜିରେ ଏକତ୍ରିତ ହୋଇ ଧାରଣା ଦେଇଛନ୍ତି ।