ମାଟ୍ରିକ ଅଧାରୁ ପାଠ ଛାଡୁଥିବା ପିଲାଙ୍କୁ କାର୍ଯ୍ୟଦକ୍ଷ କରିବାକୁ ବ୍ଲୁ ପ୍ରିଣ୍ଟ

ସ୍କୁଲ ଡ୍ରପଆଉଟ୍ ବି ହେବେ କୁଶଳୀ । ପାଲଟିବେ ଶିଳ୍ପକ୍ଷେତ୍ର ଲାଗି ଯୋଗ୍ୟ ମାନବସମ୍ବଳ । ରାଜ୍ୟରେ ଡ୍ରପ ଆଉଟ୍ ହାର ବଢ଼ିବା ପରେ ଏମିତି ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛି ଗଣଶିକ୍ଷା ବିଭାଗ । ଯୋଜନା ଅନୁସାରେ, ଦଶମ ଫେଲ୍ ତଥା ବିଭିନ୍ନ କାରଣରୁ ଅଧାରୁ ପାଠ ଛାଡ଼ୁଥିବା ଛାତ୍ରଛାତ୍ରୀଙ୍କୁ ଦିଆଯିବ ଧନ୍ଦାମୂଳକ ପ୍ରଶିକ୍ଷଣ।

ଏଥିପାଇଁ ବିଭାଗ ଖୁବଶୀଘ୍ର ଭୁବନେଶ୍ୱରସ୍ଥିତ ସେଣ୍ଟ୍ରାଲ ଟୁଲରୁମ ଆଣ୍ଡ ଟ୍ରେନିଂ ସେଣ୍ଟର-CTTC ସହ ସଭାଗିତା କରିବ । ଆଜି ଗଣଶିକ୍ଷା ସଚିବ ଅଶ୍ୱଥି ଏସ୍.ଙ୍କ ସହ CTTC ପରିଦର୍ଶନ ପରେ ଏଭଳି ସୂଚନା ଦେଇଛନ୍ତି ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶକ । ସେ କହିଛନ୍ତି, ବିଭିନ୍ନ ଜିଲ୍ଲାର ଦଶମ ଫେଲ ତଥା ଡ୍ରପ୍ ଆଉଟ୍ ଛାତ୍ରଛାତ୍ରୀଙ୍କୁ ଚିହ୍ନଟ କରାଯାଇ ଭୋକେସନାଲ ଟ୍ରେନିଂ ଲାଗି କାଉନସେଲିଂ କରାଯିବ । ଆଗ୍ରହୀ ପିଲାମାନଙ୍କୁ ବିଭିନ୍ନ କ୍ଷେତ୍ରରେ ୩ରୁ ୬ ମାସିଆ ଟ୍ରେନିଂ ଦିଆଯିବ ।

ଏପଟେ CTTC କହିଛି, ବହୁ ପୂର୍ବରୁ ଏହା ଦଶମ ଡ୍ରପ୍ ଆଉଟଙ୍କୁ ଧନ୍ଦାମୂଳକ ତାଲିମ ଦେଇଆସୁଛି । ଏବେ ମେସିନ ଅପରେଟର, ଏସି ଟେକ୍ନିସିଆନ, ମୋବାଇଲ ଫୋନ୍ ରିପାୟାରିଂ ଭଳି କ୍ଷେତ୍ରରେ ବହୁ କୁଶଳୀ ମାନବସମ୍ବଳର ଚାହିଦା ରହିଛି । ରାଜ୍ୟର ଦଶମ ଡ୍ରପ୍‌ ଆଉଟ୍ ଛାତ୍ରଛାତ୍ରୀମାନେ ସିଟିଟିସିରେ ଟ୍ରେନିଂ ନେଇ ଏହାର ଫାଇଦା ଉଠାଇପାରିବେ ।

Also Read

OSSC ପ୍ରଶ୍ନପତ୍ର ଲିକ୍ ଘଟଣାର ତଦନ୍ତ କରିବ କ୍ରାଇମବ୍ରାଞ୍ଚ୍

Read More

ଥରହର ଟ୍ୱିନ୍‌ସିଟି; ଢୁ ଢୁ ବର୍ଷା ସାଙ୍ଗକୁ ଭୟଙ୍କର ଘଡ଼ଘଡ଼ି

Read More

ସୂର୍ଯ୍ୟରେ ଲୁଚିଛି ଅନେକ ରହସ୍ୟ...ଏବେବି ଅଜଣା ଅନେକ ଦିଗ

Read More

ସରକାରୀ ତଥ୍ୟ କହୁଛି, ୨୦୧୯ରେ ରାଜ୍ୟରେ ୯ ହଜାର ୫୦୨ ଜଣ ଛାତ୍ରଛାତ୍ରୀ ଦଶମରେ ଅଧାରୁ ପାଠ ଛାଡ଼ିଥିବା ବେଳେ ୨୦୨୦ରେ ଡ୍ରପ ଆଉଟ୍‌ଙ୍କ ସଂଖ୍ୟା ୧୧ ହଜାର ୬୪୫ ଓ ୨୦୨୨ରେ ୪୪ ହଜାର ୨୪୫କୁ ବୃଦ୍ଧି ଘଟିଥିଲା । ଏଭଳି ସ୍ଥିତିରେ ଡ୍ରପ ଆଉଟ୍‌ଙ୍କ ପ୍ରଶିକ୍ଷଣ କେତେ ଲାଭଦାୟକ ହେବ, ତା’ଉପରେ ନଜର ।