ପରୀକ୍ଷା ପାଇଁ ସହଜ ଓ ସରଳ ପ୍ରସ୍ତୁତି

ବର୍ତ୍ତମାନ ପରୀକ୍ଷା ଋତୁ ଚାଲିଛି ଏବଂ ପରୀକ୍ଷା ପ୍ରସ୍ତୁତିକୁ ନେଇ ପିଲାମାନେ ଚିନ୍ତାରେ ରହିବା ସ୍ୱାଭାବିକ। ଏମିତି ଅନେକ ଥର ହୁଏ ଯେ ପରୀକ୍ଷା ପାଇଁ ବହୁତ ଭଲ ଭାବରେ ପ୍ରସ୍ତୁତ ହୋଇଥିଲେ ବି ପରୀକ୍ଷାରେ ଭଲ ହୁଏ ନାହିଁ। ଏମିତି ଅନେକ ଭୁଲ୍ ହୋଇଯାଏ ଯେ ଯାହାକୁ ନେଇ ପରେ ଦୁଃଖ ହୋଇଥାଏ ଓ ଆତ୍ମବିଶ୍ୱାସ କରିଯାଏ। ତେବେ ପାଠ ପଢିବାର କଳା ଓ ପରୀକ୍ଷା ଦେବାର କଳା ମଧ୍ୟରେ ବହୁତ ପାର୍ଥକ୍ୟ ଅଛି। ଜଣେ ଛାତ୍ର ଉଭୟ ଦିଗ ପ୍ରତି ସମାନ ଧ୍ୟାନ ଦେବା ଉଚିତ୍। ଯଦି ଜଣେ ପରୀକ୍ଷାରେ ଯଥାସମ୍ଭବ ଭଲ କରିବାକୁ ଚାହାଁନ୍ତି ତେବେ ନିମ୍ନରେ ଦିଆଯାଇଥିବା ଟିପ୍ସ ଉପରେ ନଜର ପକେଇବାକୁ ହେବ।

- ନିୟମିତ ଆତ୍ମପରୀକ୍ଷା:

ପ୍ରତିଦିନ ନିଜକୁ ନିଜେ ପରୀକ୍ଷା କରିବା ଏକ ଭଲ ଅଭ୍ୟାସ। ଦିନସାରା ଯାହା ପଢୁଛନ୍ତି, ଏହାକୁ ଛୋଟ ଛୋଟ ପଏଣ୍ଟରେ ଲେଖନ୍ତୁ। କିଛି ନିର୍ଦ୍ଦିଷ୍ଟ ପ୍ରଶ୍ନ ପ୍ରସ୍ତୁତ କରନ୍ତୁ ଏବଂ ନ ଦେଖି ସେଗୁଡିକ ଲେଖିବାକୁ ଚେଷ୍ଟା କରନ୍ତୁ। ଏ ସବୁ ପରୀକ୍ଷା କରିବାକୁ ସାଙ୍ଗ କିମ୍ବା ଆପଣଙ୍କ ଶିକ୍ଷକଙ୍କ ସାହାଯ୍ୟ ନେଇପାରିବେ। ଯଦି ଏହା ସମ୍ଭବ ନୁହେଁ ତେବେ ନିଜେ ନିଜର ଉତ୍ତରକୁ ଦେଖନ୍ତୁ।

- ପରୀକ୍ଷା ପୂର୍ବରୁ ପଢା ଉପରେ ନିର୍ଭର କରନ୍ତୁ ନାହିଁ:

ଏହା ଏକ ଅତି ଛୋଟ ଅଭ୍ୟାସ, ଯାହାକୁ ଆମେ କେବଳ ପୂର୍ବରୁ ନୁହେଁ ବରଂ ଅଧ୍ୟୟନର ଆରମ୍ଭରୁ ଆମର ବିଷୟ ଉପରେ ଧ୍ୟାନ ଦେବା ଉଚିତ। ଯଦି କୌଣସି ଛାତ୍ର ଏହି ଛୋଟ ଅଭ୍ୟାସକୁ ଗ୍ରହଣ କରନ୍ତି ତେବେ ସେ ପରୀକ୍ଷାକୁ ନେଇ କୌଣସି ଚିନ୍ତାରେ ରହିବେ ନାହିଁ।

- ଶାନ୍ତ ମସ୍ତିଷ୍କ:

ଅନୁସନ୍ଧାନରୁ ଜଣାପଡିଛି ଯେ ଏକ ଶାନ୍ତ ମନ ଏକ ଅଶାନ୍ତ ମନ ଅପେକ୍ଷା ୪ ଗୁଣ ଭଲ କାମ କରେ। ଯଦି ମନ ଶାନ୍ତ ରୁହେ ତେବେ ଭୁଲ ମଧ୍ୟ କମ୍ ହେବ।

- ପରୀକ୍ଷାର ଶେଷ କିଛି ଦିନ କେବଳ ରିଭିଜନ୍ ପାଇଁ ଉପଯୁକ୍ତ:

ସାଧାରଣତଃ ଏହା ଦେଖାଯାଏ ଯେ ୯୦% ଛାତ୍ରଛାତ୍ରୀ ପରୀକ୍ଷାର କିଛି ଦିନ ପୂର୍ବରୁ ପାଠ ପଢା ଆରମ୍ଭ କରନ୍ତି। ଫଳରେ ସେମାନଙ୍କୁ ଖୁବ୍ କମ୍ ସମୟ ମଧ୍ୟରେ ଅନେକ ପାଠ୍ୟକ୍ରମ ଶେଷ କରିବାକୁ ହୁଏ। ସେଥିପାଇଁ ପୂର୍ବରୁ ସବୁ ବିଷୟ ପଢିଦେଇଥିବା ଦରକାର, ପରୀକ୍ଷାର ଶେଷ ମାସରେ କେବଳ ରିଭିଜନ କରାଯିବା ଉଚିତ।

ଆଉ କ’ଣ କରିବେ:

- ପଢିବା ବେଳେ ପ୍ରତ୍ୟେକ ବିଷୟକୁ ଭଲଭାବେ ବୁଝନ୍ତୁ। ଯଦି ବୁଝି ନ ହୁଏ ତେବେ ସେହି ସମୟରେ ସନ୍ଦେହ ଦୂର କରନ୍ତୁ।

- ବିଷୟଗୁଡିକୁ ନିୟମିତ ଅଭ୍ୟାସ କର

- ପ୍ରତ୍ୟେକ ୭ ଦିନରେ, ୧୫ ଦିନରେ, ୩୦ ଦିନରେ ଅଭ୍ୟାସ ପରୀକ୍ଷା ଦିଅ

- ଯେତେବେଳେ ବି କୌଣସି ଗୁରୁତ୍ୱପୂର୍ଣ୍ଣ ତଥ୍ୟ ଦେଖିବେ, ଏହାକୁ ଅଣ୍ଡରଲାଇନ୍ କରିବାକୁ ଭୁଲବେ ନାହିଁ ଏବଂ ଏହାକୁ ଆପଣଙ୍କର ନୋଟ୍ ବୁକ୍‌ରେ ମଧ୍ୟ ଲେଖିବେ

- ସମୟ ସମୟରେ ଆପଣଙ୍କର ନୋଟ୍ ବୁକ୍ ଅପ୍‌ଡେଟ୍ କରିବାକୁ ଭୁଲନ୍ତୁ ନାହିଁ, ଏହା କରିବା ଦ୍ୱାରା ପରେ ରିଭିଜନ କରିବା ସହଜ ହେବ।