LIVE TV
ଛାତ୍ରଛାତ୍ରୀଙ୍କ ବୌଦ୍ଧିକ ଓ ଶାରୀରିକ ବିକାଶ ପାଇଁ ଲାଗୁ ହେଲା ଆସ୍ପିରେସନାଲ୍ କମ୍ପୋନେଣ୍ଟ ସବ୍ଜେକ୍ଟ। ଯେଉଁଥିରେ ଛାତ୍ରଛାତ୍ରୀ ଅଧିକ ୧୦୦ ମାର୍କର ପରୀକ୍ଷା ଦେବେ। ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀ ଏହି ପାଠ ପଢିବେ। ପାଠ ସହ ଶାଠ ପାଇଁ ବି ଛାତ୍ରଛାତ୍ରୀଙ୍କୁ ମାର୍କ ମିଳିବ। ମାଟ୍ରିକ୍ ବୋର୍ଡ ଇତିହାସରେ ପ୍ରଥମ ଥର ପାଇଁ ପାଠ୍ୟକ୍ରମରେ ଏଭଳି ସଂସ୍କାର ଅଣାଯାଇଛି।
ଛାତ୍ରଛାତ୍ରୀଙ୍କ ପାଠ୍ୟକ୍ରମରେ ଆଉ ୪ଟି ବିଷୟ ସାମିଲ ହୋଇଛି। ଏହି ୪ଟି ବିଷୟ ହେଲା- ବୁକ୍ ରିଭ୍ୟୁ, ପ୍ରୋଜେକ୍ଟ ଓ୍ୱାର୍କ, କୋ-କରିକୁଲାର ଆକ୍ଟିଭିଟିଜ୍ ଓ ବେସିକ୍ ଆଇଟି ସ୍କିଲ୍ସ୍। ଯେଉଁଥିରେ ଯୋଗ, ସୁଇମିଂ, ଫିଜିକାଲ୍ ଓ କଲ୍ଚରାଲ୍ ଡେଭେଲପମେଣ୍ଟ ସହ ଅନ୍ୟ ଫିଜିକାଲ୍ ଆକ୍ଟିଭିଟି ରହିଛି।
୪ଟି ବିଷୟରେ ଛାତ୍ରଛାତ୍ରୀ ୨୫ ମାର୍କ ଲେଖାଏ ମୋଟ୍ ୧୦୦ ମାର୍କର ପରୀକ୍ଷା ଦେବେ। ୮୦%ରୁ ଅଧିକ ମାର୍କ ରଖିଲେ ଏ-ଗ୍ରେଡ୍, ୬୦ ରୁ ୮୦% ରହିଲେ ବି, ୪୦ରୁ ୬୦% ରହିଲେ ସି ଓ ୪୦%ରୁ କମ୍ ମାର୍କ ରଖିଲେ ଡି ଗ୍ରେଡ୍ ପାଇବେ ପରୀକ୍ଷାର୍ଥୀ।
