LIVE TV
ସଇତାନ ପୁଅର ଉନ୍ମତ୍ତ କାଣ୍ଡ । ପେଟ୍ରୋଲ ଢାଳି ଘରେ ଲଗାଇଦେଲା ନିଆଁ । ଅଳ୍ପକେ ବର୍ତ୍ତିଲେ ବାପା-ମାଆ । ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ୱର ଭୋଗରାଇ ଥାନା ମଙ୍ଗରାଜପୁର ଗାଁରେ ।
ବାପା ସୁଧିର ନାୟକ ଓ ମାଆ ସ୍ନେହଲତାଙ୍କୁ ଦୀର୍ଘ ଦିନ ହେଲା ନିର୍ଯାତନା ଦେଇ ଆସୁଥିଲା ପୁଅ ଶ୍ରୀମନ୍ତ । ବାହାଘର ପରେ ସେ ଶ୍ୱଶୁର ଘରେ ରହୁଥିଲା । ତେବେ ଗତକାଲି ହଠାତ୍ ଘରେ ପହଁଚି ମାଆଙ୍କୁ ଅଶାଳୀନ ଭାଷାରେ ଗାଳି ଗୁଲଜ କରିଥିଲା । ମାଡ ମଧ୍ୟ ମାରିଥିଲା । ବାପା ପ୍ରତିବାଦ କରିବାକୁ ତାଙ୍କୁ ମଧ୍ୟ ଆକ୍ରମଣ କରିଥିଲା ।
Also Read
ପରେ ରାଗରେ ଘରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲା ଶ୍ରୀମନ୍ତ । ଗାଁ ଲୋକ ନିଆଁକୁ ଆୟତ କରିବା ବେଳକୁ ସବୁ ଆସବାବପତ୍ର ପୋଡି ପାଉଁଶ ହୋଇଯାଇଥିଲା । ପୁଅର ଏଭଳି ଅମାନବୀୟ କାଣ୍ଡରେ ଅତିଷ୍ଠ ବାପା-ମାଆ ଥାନାରେ ଅଭିଯୋଗ କରିବା ପରେ ପୋଲିସ ଶ୍ରୀମନ୍ତକୁ ଗିରଫ କରିଛି ।
