LIVE TV
ଆକ୍ସନ ମୋଡରେ ମୁମ୍ୱାଇ ପୋଲିସ। ଭାରତ ଫେରିବ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇର ସାନ ଭାଇ ଅନମୋଲ ବିଷ୍ଣୋଇ। ଅନମୋଲକୁ ଭାରତ ଫେରାଇ ଆଣିବାକୁ ମୁମ୍ବାଇ ପୋଲିସ ପ୍ରସ୍ତୁତି ଆରମ୍ଭ କରିଛି । ଅଭିନେତା ସଲମାନ ଖାନଙ୍କ ଘର ଉପରେ ଆମେରିକାର ଅଧିକାରୀମାନେ ମୁମ୍ବାଇ ପୋଲିସକୁ ଲରେନ୍ସଙ୍କ ସାନଭାଇ ଅନମୋଲର ଉପସ୍ଥିତି ସମ୍ପର୍କରେ ସୂଚନା ଦେଇଛନ୍ତି। ଏହା ପରେ ମୁମ୍ବାଇ ପୋଲିସ ପ୍ରତ୍ୟର୍ପଣ ପ୍ରକ୍ରିୟା ଆରମ୍ଭ କରିଛି ।
ଲରେନ୍ସ ଭଳି ଅନମୋଲ ମଧ୍ୟ ଅପରାଧ ଦୁନିଆରେ ସକ୍ରିୟ ରହିଛି । କୁହାଯାଉଛି କି, ଅନମୋଲ ଆମେରିକା ଓ କାନାଡାରେ ନିଜର ଗ୍ୟାଙ୍ଗ ଚଳାଉଛି । ଅକ୍ଟୋବର ୧୬ରେ ମୁମ୍ବାଇ ପୋଲିସ କୋର୍ଟରେ ହାଜର ହୋଇ ସଲମାନ ଖାନଙ୍କ ଘରେ ଗୁଳି ବିନିମୟ ମାମଲାରେ ଅନମୋଲଙ୍କୁ ପ୍ରତ୍ୟର୍ପଣ କରିବାକୁ ଚାହୁଁଛନ୍ତି ବୋଲି କହିଥିଲା। ଲରେନ୍ସ ଜେଲ୍ରେ ଥିବାବେଳେ ସଲମାନ ଖାନଙ୍କ ଘର ବାହାରେ ଗୁଳି ବିନିମୟ ସମେତ ଅନେକ ଅପରାଧିକ କାର୍ଯ୍ୟରେ ଅନମୋଲର ହାତ ଥିବା ଅଭିଯୋଗ ହୋଇଛି।
ନିକଟରେ ଏନସିପି ନେତା ଓ ପୂର୍ବତନ ବିଧାୟକ ବାବା ସିଦ୍ଦିକିଙ୍କ ହତ୍ୟା ମାମଲାରେ ଅନମୋଲର ନାଁ ମଧ୍ୟ ଆସିଥିଲା ଯେଉଁଥିରେ ନେତାଙ୍କ ଉପରକୁ ଗୁଳି ଚଳାଇଥିବା ଅଭିଯୁକ୍ତଙ୍କ ସହ ଅନମୋଲ କଥା ହୋଇଥିବା ଅଭିଯୋଗ ହୋଇଥିଲା। ଗତ ସପ୍ତାହରେ ଜାତୀୟ ଅନୁସନ୍ଧାନ ଏଜେନ୍ସି ଅନମୋଲ ଉପରେ ୧୦ ଲକ୍ଷ ଟଙ୍କା ପୁରସ୍କାର ଘୋଷଣା କରିଥିଲା। ଅନମୋଲ ବିରୋଧରେ ୧୮ ଟି ମାମଲା ପଞ୍ଜିକୃତ ହୋଇଛି । ୨୦୨୨ ମସିହାରେ ପଞ୍ଜାବୀ ଗାୟକ ସିଦ୍ଧୁ ମୋସେୱାଲାଙ୍କୁ ହତ୍ୟା କରିଥିବା ଅଭିଯୁକ୍ତଙ୍କୁ ଅସ୍ତ୍ରଶସ୍ତ୍ର ସାମଗ୍ରୀ ଯୋଗାଇ ଥିବା ଅଭିଯୋଗ ହୋଇଛି।
ସଲମାନ ଖାନଙ୍କ ଘର ଉପରେ ହୋଇଥିବା ଆକ୍ରମଣ ଘଟଣାର ଚାର୍ଜସିଟରେ ଅନମୋଲଙ୍କୁ ଅଭିଯୁକ୍ତ ବୋଲି ଚିହ୍ନଟ କରାଯାଇଥିଲା, ଏହା ପରେ ରେଡ କର୍ଣ୍ଣର ନୋଟିସ (ଆରସିଏନ) ଜାରି କରାଯାଇଥିଲା। ଅଧିକାରୀ କହିଛନ୍ତି ଯେ ରେଡ୍ କର୍ଣ୍ଣର ନୋଟିସକୁ ଆଧାର କରି ଆମେରିକୀୟ କର୍ତ୍ତୃପକ୍ଷ କିଛି ମାସ ପୂର୍ବରୁ ଆମ ସହ ଯୋଗାଯୋଗ କରିଥିଲେ ଏବଂ ଆମେରିକାରେ ଅନମୋଲଙ୍କ ଉପସ୍ଥିତି ବିଷୟରେ ଆମକୁ ସତର୍କ କରାଇଥିଲେ। ଅନମୋଲଙ୍କୁ ବର୍ତ୍ତମାନ ଆମେରିକାର କର୍ତ୍ତୃପକ୍ଷ ଅଟକ ରଖିଛନ୍ତି ନା ନାହିଁ ସେ ସମ୍ପର୍କରେ କୌଣସି ସ୍ପଷ୍ଟତା ନାହିଁ, କିନ୍ତୁ ସେଠାରେ ତା’ର ଠିକଣା ମିଳିପାରିବ।
