LIVE TV
ମନୋଜ ବଂଶଲ । ବୟସ ୪୮ । ତାଙ୍କର ପତ୍ନୀ ଅନୁ । ୨୦୦୦ ମସିହାରେ ଉଭୟ ବିବାହ ବନ୍ଧନରେ ବାନ୍ଧି ହୋଇଥିଲେ । ତାଙ୍କର ଦୁଇଟି କନ୍ୟା ସନ୍ତାନ ରହିଛି । ତେବେ ଆପଣ ଭାବୁଥିବେ ଏଥିରେ ନୂଆ କଥା କ’ଣ । ବର୍ତ୍ତମାନ ସମୟରେ ପରିବାରରେ ଅତି ବେଶିରେ ଗୋଟିଏ କିମ୍ବା ଦୁଇଟି ଛୁଆ ହିଁ ରହିଥାନ୍ତି । ଏଠାରେ ମନୋଜ ଏବଂ ଅନୁଙ୍କ ଦୁଇଟି ଛୁଅ ରହିଛି । ହେଲେ ଏଥିରେ ଅସୁବିଧା କେଉଁଠି ବୋଲି ଆପଣ ଭାବୁଥିବେ ।
ଅଜ୍ଞା ଅସୁବିଧାଟି ହେଲା ଯେ, ଗୋଟିଏ ପୁଅ ସନ୍ତାନ ପାଇବା ପାଇଁ ଅନୁଙ୍କୁ ବାରମ୍ବାର ଆବର୍ସନ କରିବାକୁ ପଡ଼ିଛି । ତାଙ୍କ ସ୍ୱାମୀ ଆବର୍ସନ ପାଇଁ ବାଧ୍ୟ ଅନେକ ଥର ବାଧ୍ୟ କରିଛନ୍ତି । ମିଳିଥିବା ସୂଚନା ଅନୁଯାୟୀ ପାଖାପାଖି ୫ ଥର ଅନୁ ଆବର୍ସନ କରି ସାରିଛନ୍ତି । କାରଣ ଜନ୍ମ ଦେବା ପୂର୍ବରୁ ସେ ଜାଣିପାରନ୍ତି ଯେ, ତାଙ୍କର ପୁତ୍ର ସନ୍ତାନ ହେଉ ନାହିଁ । ତେଣୁ ଆବର୍ସନ ପାଇଁ ପତ୍ନୀ ଅନୁଙ୍କୁ ବାଧ୍ୟ କରନ୍ତି ମନୋଜ ।
Also Read
ତେବେ ବାରମ୍ବାର ଏଭଳି ଆବର୍ସନ କରିବା ଅନୁଙ୍କ ପାଇଁ ଅସହ୍ୟ ହେଲା । ଶେଷରେ ଏହି ଦୁଃଖ ସେ କାହାକୁ ଜଣାଇବେ ସେନେଇ ଚିନ୍ତା ପଡ଼ିଲେ । କାରଣ ଅବର୍ସନ ଦ୍ୱାରା ତାଙ୍କ ଶରୀର ମଧ୍ୟ ଅସୁସ୍ଥ ହେବାକୁ ଲାଗିଲା ଯାହାକି ଅଧିକ କ୍ଷତିକାରକ ସବ୍ୟସ୍ତ ହେବାର ସମ୍ଭାବନା ମଧ୍ୟ ରହିଛି । ତେବେ ୧୪ ଜୁନ ୨୦୧୬ରେ ଏକ ବଡ଼ ଘଟଣା ଘଟିଥିଲା । ଯାହାଫଳରେ ବାଧ୍ୟ ହୋଇ ଲତିକା (ଅନୁଙ୍କ ଝିଅ) ନିଜ ଆଈଙ୍କ ସାହାଯ୍ୟ ସହଯୋଗ ଲୋଡ଼ିଥିଲେ ଏବଂ ପୁରା ଘଟଣା ବଖାଣିଥିଲେ ।
ସେହିଦିନ ଅନୁ ମେଡିକାଲରେ ଭର୍ତ୍ତି ହୋଇଥିଲେ । ପରେ ଅବସ୍ଥା ଗୁରୁତର ହେବାରୁ ତାଙ୍କୁ ଦିଲ୍ଲୀର ଏକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିଲା । ହେଲେ ଜୁନ୍ ୨୦ରେ ତାଙ୍କର ପ୍ରାଣ ବାୟୁ ଉଡ଼ିଯାଇଥିଲା । ଅନୁଙ୍କ ମାଆ ଓମଭାତୀ ଦେବୀ, ଯିଏ କି ବୁଲନ୍ଦ ସହରର ବାସିନ୍ଦା । ସେ ଅନୁଙ୍କ ସ୍ୱାମୀ ମନୋଜ ଓ ତାଙ୍କ ପରିବାର ବିରୋଧରେ ଥାନାରେ ଏକ ମାମଲା ରୁଜୁ କରିଛନ୍ତି । ମୋଟ ୭ ଜଣଙ୍କ ବିରୋଧରେ ସେ ଲିଖିତ ଏତଲା ଦେଇଛନ୍ତି । ସେଥିମଧ୍ୟରେ ରହିଛନ୍ତି ସ୍ନେହଲତା, ରାଜେଶ, ଆଭା, ପୁନମ, କୁମୁଦ, ସଞ୍ଜୟ ମିତ୍ତଲ ଏବଂ ଆକାଶ ।
ଏହି ଖବର ସେତେବେଳେ ଲୋକଲୋଚନକୁ ଆସିଲା, ଯେତେବେଳେ ଅନୁଙ୍କ ଦୁଇ ଝିଅ ଲତିକା ଏବଂ ତନୟା ନିଜ ଆଈଙ୍କ ପାଖରେ ରହିବାକୁ ଲାଗିଲେ ଏବଂ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କୁ ରକ୍ତରେ ଏକ ଚିଠି ଲେଖିଲେ । ଆଉ ସେଥିରେ ଅଭିଯୁକ୍ତଙ୍କ ବିରୋଧରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରୁ ବୋଲି ଦାବି କରିଥିଲେ ।
