LIVE TV
ଚିକେନ୍ କବାବ୍ ପାଇଁ ଜୀବନ ଚାଲିଗଲା । ଦୁଇ ମଦୁଆ ଯୁବକ ରୋଷେୟାକୁ ଗୁଳି କରି ହତ୍ୟା କରିଛନ୍ତି । ଉତ୍ତରପ୍ରଦେଶ ବରେଲିରୁ ଏପରି ଏକ ଚାଞ୍ଚଲ୍ୟକର ଖବର ଆସିଛି । ବୁଧବାର ରାତିରେ ବରେଲିର ପ୍ରେମନଗର ଅଞ୍ଚଳର ଏକ ପୁରୁଣା କବାବ ଦୋକାନରେ ଏହି ଘଟଣା ଘଟିଛି । କବାବ୍ ସ୍ୱାଦିଷ୍ଟ ଲାଗିଲାନି କହି ରୋଷେୟା ଓ ଦୁଇ ଯୁବକଙ୍କ ମଧ୍ୟରେ ଯୁକ୍ତତର୍କ ହୋଇଥିଲା । ଏହି କଥାକୁ ନେଇ ଦୋକାନରେ ଫୁଟିଥିଲା ଗୁଳି, ଯେଉଁଥିରେ ରୋଷେୟାଙ୍କ ଜୀବନ ଚାଲିଯାଇଛି ।
କବାବ ଦୋକାନର ମାଲିକ ଅଙ୍କୁର ସବରୱାଲଙ୍କ ସୂଚନା ଅନୁସାରେ, ବୁଧବାର ରାତିରେ ଉତ୍ତରାଖଣ୍ଡ ନମ୍ବର ଥିବା ଏକଟୋୟଟା କାରରେ ପହଞ୍ଚିଥିଲେ ଦୁଇ ଜଣ ଯୁବକ । ଉଭୟ ମଦ ନିଶାରେ ଚୁର୍ ଥିଲେ, ଟଳମଳ ହୋଇ ଦୋକାନରେ ବସିଥିଲେ । କିଛି ସମୟ ବସିବା ପରେ ଅର୍ଡର କରିଥିଲେ ଚିକେନ୍ କବାବ୍ । ରୋଷେୟା ଚିକେନ୍ କବାବ୍ ପରଷିବା ପରେ ସବୁତକ ଖାଇଦେଇଥିଲେ ଉଭୟ ।
Also Read
ଅଧିକ ପଢ଼ନ୍ତୁ: ଟେଷ୍ଟି ଲାଗିଲାନି ଚିକେନ୍ ତରକାରୀ, କାଠ ଫାଳିଆରେ ପିଟି ପିଟି ପୁଅର ଜୀବନ ନେଲା ବାପା
ହେଲେ କବାବ୍ ଟେଷ୍ଟି ହୋଇନି କହି ଟଙ୍କା ଦେବାକୁ ମନା କରିଥିଲେ । ସ୍ୱାଦହୀନ କବାବ ପାଇଁ ଟଙ୍କା ଦେବୁନି କହି ଦୋକାନରୁ ବାହାରି ପଳାଇ ଯାଉଥିଲେ । ଏନେଇ ଅଙ୍କୁରଙ୍କ ସହ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଅଙ୍କୁର ଜଣେ ରୋଷେୟାକୁ ପଠାଇ ୧୨୦ ଟଙ୍କା ଆଣିବା ପାଇଁ କହିଥିଲେ ।
Nasir Ahmad, a worker at an eatery in UP's Bareilly was shot dead last night over quality of Kebabs. One of the two men who had come in an Innova with Uttrakhand registration (UK06N6366) opened fire during argument. FIR of murder has been registered against an unidentified man. pic.twitter.com/59OgObKumo
— Piyush Rai (@Benarasiyaa) May 4, 2023
ହେଲେ ଟଙ୍କା ପାଇଁ ଗାଡ଼ି ପାଖକୁ ଯାଇଥିବା ରୋଷେୟାକୁ ଗୁଳି କରି ହତ୍ୟା କରିଥିଲଲେ ଦୁଇ ମଦୁଆ ଗ୍ରାହକ । ଆଉ ତା’ପରେ ଉଭୟେ ଘଟଣାସ୍ଥଳରୁ ଫେରାର ମାରିଥିଲେ । ହେଲେ ଫେରାର ହେବା ପୂର୍ବରୁ ଉଭୟଙ୍କର ଏକ ଫଟୋ କ୍ଲିକ୍ କରିନେଇଥିଲେ ଅଙ୍କୁର ।
ରୋଷେୟାଙ୍କ ମୃତ୍ୟୁ ପରେ ଅଙ୍କୁର ଥାନାରେ ଅଭିଯୋଗ କରିବା ସହ ଫଟୋ ମଧ୍ୟ ଦେଇଥିଲେ । ଫଟୋ ଓ ଗାଡ଼ି ନମ୍ବର ଆଧାରରେ ଅଭିଯୁକ୍ତଙ୍କୁ ଟ୍ରାକ୍ କରିଥିଲା ପୋଲିସ୍ । ଏବେ ଉଭୟଙ୍କୁ ଚିହ୍ନଟ କରି ଗିରଫ କରିଛି ପୋଲିସ୍ ।
