ଟ୍ରକ ମାଲିକ ହତ୍ୟା ମାମଲାରେ ସାଇଣ୍ଟିଫିକ ଟିମର ଯାଞ୍ଚ ଜାରି

ବାଇକ୍‌ରେ ଯାଉଥିବାବେଳେ ଯୁବକଙ୍କୁ ଅଟକାଇ ପ୍ରଥମେ ଲୁଟ୍‌ କଲେ ଓ ପରେ ହତ୍ୟା କଲେ । ଖଲ୍ଲିକୋଟରୁ ଏହି ଅଭାବନୀୟ ଘଟଣା ସାମ୍ନାକୁ ଆସିବା ପରେ ଏବେ ଉକ୍ତ ଘଟଣାରେ ସନ୍ଧାନୀ କୁକୁର ସହ ସାଇଣ୍ଟିଫିକ୍‌ ଟିମର ଯାଞ୍ଚ ଆରମ୍ଭ ହୋଇଛି ।

ଅଭିଯୋଗ ଅନୁସାରେ, ଗତ ଫେବୃଆରୀ ୨୮ ତାରିଖ ସଂଧ୍ୟାରେ ଖଲ୍ଲିକୋଟ ଥାନା ଅନ୍ତର୍ଗତ ବଡଘାଟି ଠାରୁ ଖଲ୍ଲିକୋଟ ସହର ତୋଟା ଗାଁର ଯୋଗୀ ଦଳାଇଙ୍କ ପୁଅ ଜିତୁ ଦଳାଇ ଛତ୍ରପୁରରୁ ଫେରୁଥିବା ବେଳେ ଖଲ୍ଲିକୋଟ ବଡଘାଟିରେ ୫ ଜଣ ଦୃର୍ବୁତ୍ତ ତାଙ୍କୁ ଅଟକାଇ ମାଡମାରିବା ସହ ଏକ ଧାରୁଆ ଅସ୍ତ୍ର ରେ ହତ୍ୟା କରି ରେଳ ଧାରଣାରେ ଫିଙ୍ଗି ଦେଇଥିଲେ ।

୫ ଜଣ ଡକାୟତଙ୍କ ମଧ୍ୟରୁ ଦୁଇ ଜଣଙ୍କୁ ପୋଲିସ୍‌ ଚିହ୍ନଟ କରିଥିବା ସୂଚନା ମିଳିଛି । ତେବେ ଜିତୁଙ୍କ ମୃତ୍ୟୁର ରହସ୍ୟ ଏବେ ପର୍ଯ୍ୟନ୍ତ ସନ୍ଦେହ ଘେରରେ ରହିଥିବାବେଳେ ଘଟଣାରେ ପୋଲିସ୍‌ର ତଦନ୍ତ ଜାରି ରହିଛି ।

ଅନ୍ୟପକ୍ଷରେ ଘଟଣାକୁ ନେଇ ସାରା ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି ।