ହୃଦୟବାନ ଚୋର: ଅଧା ଚାଉଳ ନେଲା, ଅଧା ରଖିଦେଲା

ପିଲାଙ୍କ ଚାଉଳକୁ ବି ଛାଡିଲେନି । ଅଧ ରାତିରେ ପଶିଲେ, ଅଧା ନେଇ ପଳାଇଗଲେ । ସକାଳୁ ଦିଦି ଦେଖିଲା ବେଳକୁ ଗାଏବ ହୋଇଯାଇଛି ପିଲାଙ୍କ ଚାଉଳ । ଯାହାକୁ ନେଇ ସ୍ଥାନୀୟ ଅଂଚଳରେ ବଢିଛି ଚର୍ଚ୍ଚା ।

ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା କାନପୁରା ଗାଁରୁ ସାମ୍ନାକୁ ଆସିଲା ଅଭାବନୀୟ ଘଟଣା । ଗାଁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରୁ ୨ କୁଇଣ୍ଟାଲରୁ ଅଧିକ ଚାଉଳ ଲୁଟିନେଲା ଦୁର୍ବୃତ୍ତ । ଚାଉଳ ବ୍ୟତୀତ ଚୋର ଅନ୍ୟ କୌଣସି ଜିନିଷ ଚୋରି କରିନଥିବା ଅଭିଯୋଗ ହୋଇଛି । ହୃଦୟବାନ ଚୋର ଅଧା ଚାଉଳ ଲୁଟି ନେଇଥିବା ବେଳେ ଅଧା ଚାଉଳକୁ ବିଦ୍ୟାଳୟରେ ଛାଡି ଚାଲିଯାଇଛି ।

ସ୍କୁଲ କର୍ତ୍ତୃପକ୍ଷଙ୍କ ଅଭିଯୋଗ ଅନୁସାରେ, ବିଦ୍ୟାଳୟରେ ପିଲାଙ୍କ ମିଡ୍‌-ଡେ ମିଲ୍‌ ପାଇଁ ଥିବା ୪ କୁଇଣ୍ଟାଲ ୭୦ କିଲୋଗ୍ରାମ ଚାଉଳରୁ ୨କୁଇଣ୍ଟାଲ ଚାଉଳ ଚୋରି ହୋଇଛି । ଯାହାକୁ ନେଇ ବିଦ୍ୟାଳୟ ପକ୍ଷରୁ କାମାକ୍ଷାନଗର ଥାନାରେ ଲିଖିତ ଅଭିଯୋଗ ହୋଇଛି । କେବଳ ଏବେ ନୁହେଁ ବରଂ ପୂର୍ବରୁ ବି ବିଦ୍ୟାଳୟରୁ ଚାଉଳ ଚୋରି ହେଇଥିବା ନେଇ ଅଭିଯୋଗ ହୋଇଥିଲା । ଆଉ ଏବେ ପୁଣି ଥରେ ଚାଉଳ ଚୋରି ହୋଇଛି । ତେବେ ଚୋର ଅଧା ଚାଉଳ ଚୋରି କରି ଅଧା ଛାଡି ଦେଇଯାଉଥିବାରୁ ସ୍ଥାନୀୟ ଅଂଚଳରେ ବେଶ୍‌ ଚର୍ଚ୍ଚା ଚାଲିଛି ।

Also Read

ମିଶନ୍ ଆଦିତ୍ୟ ପାଇଁ କାଉଣ୍ଟଡାଉନ୍; ଚନ୍ଦ୍ରଯାନ ଭଳି ସୂର୍ଯ୍ୟଯାନରେ ବି ଲାଗିଛି ଓଡ଼ିଶା ଯନ୍ତ୍ର

Read More

ବିଜେଡିକୁ ମହଙ୍ଗା ପଡ଼ିବ ଗୋଷ୍ଠୀ କନ୍ଦଳ ! ବିପିନଙ୍କ ଖେଳ ଖତମ୍‌, ପୁରୀରେ ପାଟିତୁଣ୍ଡ

Read More

‘ଆମ ଓଡ଼ିଶା ନବୀନ ଓଡ଼ିଶା’କୁ ଅଦାଲତି ଝଟକା ! ଯୋଜନାର କାର୍ଯ୍ୟକାରିତାକୁ ନେଇ ଉଠିଲା ପ୍ରଶ୍ନ..

Read More