ସମ୍ବଲପୁରରେ ଚାଲିଛି ଜମି ମାଫିଆଙ୍କ ରାଜ୍

ସମ୍ବଲପୁର(ସଂଜୟ ଜେନା): ସମ୍ବଲପୁରରେ ଚାଲିଛି ଜମି ମାଫିଆଙ୍କ ରାଜ୍ । ସମ୍ବଲପୁରରେ ଥିବା ପ୍ରାକୃତିକ ନାଳ ପୋତାଯାଇ ଚଳାଇଛନ୍ତି ବେଆଇନ ନିର୍ମାଣ ଏବଂ ପ୍ଲଟିଂ କାମ । ପ୍ରଶାସନର ନାକ ତଳେ ଏ ସବୁ ଚାଲିଥିଲେ ମଧ୍ୟ ଚୁପ୍ ବସିଛନ୍ତି ସରକାରୀ ବାବୁ । ସମ୍ବଲପୁର ମହାନଗର ନିଗମ ୨୮ ନମ୍ବର ଓ୍ୱାର୍ଡ ନୂଆପଡା ଅଞ୍ଚଳରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଯେଉଁଠି କିଏ ପ୍ଲଟିଂ ପାଇଁ ନାଳର ଗତିପଥ ବଦଳାଇ ଦେଇଛି ତ ଆଉ କିଏ ବିଲ୍ଡିଂକୁ ରାସ୍ତା ନିର୍ମାଣ କରିବା ପାଇଁ ନାଳ ପୋତି ଦେଇଛି । ସହରର ବିଭିନ୍ନ ନାଳ ନର୍ଦ୍ଦମା ପୋତା ଯାଇଛି । ଏହାସହ ଛିଡ଼ା ହୋଇଛି ବଡ଼ ବଡ଼ ବିଲ୍ଡିଂ ।

କଂକ୍ରିଟ ଡ୍ରେନ୍ର ଭ୍ରମ ସୃଷ୍ଟି କରୁଥିବା ଏହି ନାଳ ଦିନେ ପ୍ରାକୃତିକ ଜଳ ଉତ୍ସ ଥିଲା । ଏହି ନାଳ ଦେଇ ବର୍ଷା ପାଣି ମହାନଦୀରେ ଯାଇ ମିଶିଥାଏ । ହେଲେ ବେଆଇନ ଜବର ଦଖଲ ଯୋଗୁଁ ଏବେ ଏହା ଶଙ୍କୁଚିତ ହୋଇପଡ଼ିଛି । ବର୍ଷା ହେଲେ ସେଠାରେ କୃତ୍ରିମ ବନ୍ୟା ସ୍ଥିତି ସୃଷ୍ଟି ହେବା ସହ ସ୍ଥାନୀୟ ବାସିନ୍ଦା ନାନା ଅସୁବିଧାର ସମ୍ମୁଖୀନ ହେଉଛନ୍ତି ବୋଲି ଅଭିଯୋଗ କରିଛନ୍ତି । ପ୍ରାକୃତିକ ନାଳଟି ଜଳ ସମ୍ପଦ ବିଭାଗ ଅଧିନରେ ରହିଥିବାରୁ ରାଜସ୍ୱ ବିଭାଗ କର୍ମଚାରୀଙ୍କ ସହ ସଲାସୁତୁରାରେ ପ୍ଲଟିଂ କାମ ଚାଲିଥିବା ନେଇ ଅଭିଯୋଗ କରାଯାଇଛି ।

Also Read

ରହସ୍ୟ ଘେରରେ ଦମ୍ପତିଙ୍କ ମୃତ୍ୟୁ: ମିଳିଲା ପରିଚୟ, ବେଳାଭୂମିରୁ ଉଦ୍ଧାର ହୋଇଥିଲା ମୃତଦେହ

ସ୍ୱାସ୍ଥ୍ୟ ପାଇଁ କଦଳୀ,ଜାଣିବା ଏହାର ଲାଭଦାୟକ ଗୁଣ

ପ୍ରକାଶ ପାଇଲା ଜେଇଇ ଆଡ୍‌ଭାନସଡ୍‌ ରେଜଲ୍ଟ। ଦିଲ୍ଲୀର ମୃଦୁଳ ଅଗ୍ରୱାଲ ଟପ୍ପର

ଘଟଣାର ସ୍ଥିତି ଅନୁଧ୍ୟାନ ପରେ ଅନିୟମିତତା ହୋଇଥିବା ପ୍ରାଶାସନିକ ଅଧିକାରୀମାନେ ସ୍ୱୀକାର କରିଥିଲେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ହୋଇନାହିଁ । ଏନେଇ ସ୍ଥାନୀୟ ତହସିଲଦାର କହିଛନ୍ତି, ପୁଣିଥରେ ମିଳିତ ଭାବେ କ୍ଷେତ୍ର ପରିଦର୍ଶନ ପରେ ବେଆଇନ ନିର୍ମାଣ ଭଙ୍ଗାଯିବା ତଥା ଅନ୍ୟ କୌଣସି ପଦକ୍ଷେପ ନିଆଯିବ ।

OTV is now on Whatsapp

Join and get latest news update delivered to you via whatsapp

Join Now