ରକ୍ତ ଚନ୍ଦନ କାଠ ସ୍ମଗଲିଂ କରୁଥିଲେ, ୧୧ ଜଣଙ୍କୁ କାବୁ କଲା ପୋଲିସ୍‌

ଆନ୍ଧ୍ର ପୋଲିସ ହାତରେ ବଡ଼ ଧରଣର ରକ୍ତ ଚନ୍ଦନ କାଠ ସ୍ମଗଲିଂ ଗ୍ୟାଙ୍ଗ । ଆନ୍ତର୍ଜାତିକ ରକ୍ତ ଚନ୍ଦନ କାଠ ତସ୍କରୀର ୧୧ ଜଣିଆ ଗ୍ୟାଙ୍ଗ ଧରିଛି ପୋଲିସ । ଏହି ୧୧ ଜଣଙ୍କ ମଧ୍ୟରେ ଗଜପତି ଜିଲ୍ଲା ଗଣ୍ଡାହାତୀ ଅଞ୍ଚଳର ୪ ଜଣ ରହିଛନ୍ତି । ଅନ୍ୟପଟେ ଗ୍ୟାଙ୍ଗର ଅନ୍ୟ ୪ ଜଣ ଏବେ ଫେରାର୍ ଅଛନ୍ତି । ଫେରାର୍ ଚନ୍ଦନ କାଠ ତସ୍କରୀଙ୍କୁ ଧରିବାକୁ ପ୍ରୟାସ ଜାରି ରହିଥିବା ଶ୍ରୀକାକୁଲମ୍ ଏସପି ସୂଚନା ଦେଇଛନ୍ତି ।

ଗିରଫଙ୍କ ମଧ୍ୟରେ ଆନ୍ଧ୍ର ଓ ତାମିଲନାଡୁର ବି ୭ ଜଣ ରହିଛନ୍ତି । ଏମାନଙ୍କ ନିକଟରୁ ୪ହଜାର ୨ ଶହ କିଲୋ ଓଜନର ୩୯୬ ଖଣ୍ଡ ରକ୍ତ ଚନ୍ଦନ କାଠ ଜବତ ହୋଇଛି । ଏଥିସହ ଦୁଇଟି କାର୍ ଜବତ ହୋଇଛି । ଏହାସହ ଅଭିଯୁକ୍ତଙ୍କ ନିକଟରୁ ୩୫ ହଜାର ଟଙ୍କା ନଗଦ ଏବଂ ୧୪ ଟି ମୋବାଇଲ୍ ଫୋନ୍ ମଧ୍ୟ ଜବତ ହୋଇଥିବା ଏସପି କହିଛନ୍ତି । ଜବତ ରକ୍ତ ଚନ୍ଦନ କାଠର ଆନୁମାନିକ ମୂଲ୍ୟ ଦୁଇ କୋଟିରୁ ଅଧିକ ହେବ ।

ରକ୍ତ ଚନ୍ଦନ କାଠ ଜବତ ହୋଇଛି । ଆନ୍ଧ୍ର ପୋଲିସ୍ ହାତରେ ରକ୍ତ ଚନ୍ଦନର ଏକ ବଡ ଧରଣର ତସ୍କରୀ ଗ୍ୟାଙ୍ଗ୍ ଲାଗିଛି। #OTV #Odisha #sandelwood pic.twitter.com/SgLwOd9WuX

— ଓଟିଭି (@otvkhabar) September 8, 2022

ତେବେ ଅଭିଯୁକ୍ତଙ୍କ ନାଁରେ ଆନ୍ଧ୍ରର ବିଭିନ୍ନ ଥାନାରେ ୧୦ଟି ମାମଲା ରହିଥିବା ମଧ୍ୟ ସେ କହିଛନ୍ତି । ଏହି ଜବତ କାଠ ଗଜପତି ଜିଲ୍ଲାର ଗଣ୍ଡାହାତିରୁ ଆନ୍ଧ୍ରର ତିରୁପତି ଯାଇ ସେଠାରୁ ଚେନ୍ନାଇ ଚାଲାଣ ହୋଇଥାଆନ୍ତା । ଏତେ ଦୁର୍ଲଭ ତଥା ମୂଲ୍ୟବାନ କାଠ ଚାଲାଣ ହେବା ବେଳେ ଗଜପତି ପୋଲିସ କିମ୍ବା ବନ ବିଭାଗ କେମିତି ଟେର ପାଇଲେନି, ତାହା ଆଶ୍ଚର୍ଯ୍ୟର ବିଷୟ ।

OTV is now on Whatsapp

Join and get latest news update delivered to you via whatsapp

Join Now