LIVE TV
ପାର୍ବଣ ପୂର୍ବରୁ ବାର୍ ଉପରେ ହେବ କି କାର୍ଯ୍ୟାନୁଷ୍ଠାନ ? ରାଜଧାନୀ ଭୁବନେଶ୍ୱରରେ ବେଲଗାମ୍ ଡ୍ୟାନ୍ସ ବାର୍କୁ ନେଇ ଅବକାରୀ ବିଭାଗ ନୋଟିସ୍ କରିଛି । ୫ ଡ୍ୟାନ୍ସ ବାର୍କୁ କାରଣ ଦର୍ଶାଅ ନୋଟିସ ଜାରି କରାଯାଇଛି । ଏସମସ୍ତ ଡ୍ୟାନ୍ସ ବାର୍ କଟକ ରୋଡ୍ରେ ରହିଛିି ।
ହଠାତ୍ ବାର୍ରେ ଚଢ଼ାଉ ପରେ ପୋଲିସ୍କୁ ଦେଖି ବାର୍ କର୍ମଚାରୀ ପାଦରେ ଓ ୱାଇପରରେ ଟଙ୍କା ଗୁଡ଼ିକ ଲୁଚାଇ ଦେଇଥିବା ଦେଖିବାକୁ ମିଳିଛି । ବିଡ଼ା ବିଡ଼ା ଟଙ୍କା, ହଜାର ହଜାର ଟଙ୍କା ବାର୍ରେ ଫ୍ଲୋରେ ଉଡ଼ା ଯାଇଥାଏ ।
#ରାତି_ଅଧିଆ_ବାର୍ରେ_ଚଢ଼ାଉ
— ଓଟିଭି (@otvkhabar) October 15, 2023
ଦେଖନ୍ତୁ, କିଭଳି ଭାବେ ବାର୍ କର୍ମଚାରୀମାନେ ପୋଲିସ୍କୁ ଦେଖି ତରବରିଆ ହୋଇ ଲୁଚାଇ ଦେଲେ ପୁଳା ପୁଳା ଟଙ୍କା !#Bhubaneswar #Odisha pic.twitter.com/fd5faeDz6i
ଆଉ ଗତକାଲି ରାତିରେ କମିଶନରେଟ୍ ପୋଲିସ୍ ପକ୍ଷରୁ ଚଢ଼ାଉ ବେଳେ ଏସବୁ ଘଟଣା ସାମ୍ନାକୁ ଆସିଥିଲା । ପୋଲିସ୍ ଚଢ଼ାଉ ପରେ ଟଙ୍କା ଲୁଚାଇବାକୁ ବାର୍ କର୍ମଚାରୀମାନେ ପାଦରେ ଏବଂ ୱାଇପରରେ ଟଙ୍କା ଗୁଡ଼ିକ ଲୁଚାଇ ଦେଇଥିଲେ । ବିଡ଼ା ବିଡ଼ା ଟଙ୍କାକୁ ଏମିତି ଲୁଚାଉ ଥିଲେ ସତେ ଯେମିତି ଏସବୁ କାଗଜ କିମ୍ବା କୌଣସି ଅଳିଆ।
ସୂଚନାଥାଉ କି, ଗତକାଲି କମିଶନରେଟ୍ ପୋଲିସର ଦୁଇଟି ସ୍ପେଶାଲ୍ ଟିମ୍ର ୧୪ଟି ବାର୍, ପବ୍, ନାଇଟ୍ କ୍ଲବ୍ରେ ଚଢ଼ାଉ ହୋଇଥିଲା । ରାତିଅଧିଆ ରେଡ୍ କରି ନିୟମ ଉଲଂଘନକାରୀ ବାର ଗୁଡିକରେ ଚଢାଉ କରିଛି ପୋଲିସ । ଚନ୍ଦ୍ରଶେଖରପୁର ପଟିଆ ଅଞ୍ଚଳରେ ଥିବା ପ୍ରାୟ ନାଇଟ କ୍ଲବ ଓ ପବ ରାତି ପ୍ରାୟ ୨ ଟା ୩୦ ପର୍ଯ୍ୟନ୍ତ ଖୋଲା ରହୁଥିବା ପୋଲିସ ନଜରକୁ ଆସିଛି ।
- Reported by:
- CHANDAN PAIKRAY
