LIVE TV
ପୁଣି କ୍ବାକ୍ ହାତରେ ଗଲା ରୋଗୀ ଜୀବନ। ବଲାଙ୍ଗୀର ଜିଲ୍ଲା ତୁରେକେଲା ଅଞ୍ଚଳରୁ ସଙ୍ଗୀନ ଅଭିଯୋଗ ଆସିଛି। ତୁରେକେଲା ଥାନା ମହୁଲପାଟି ଗାଁର ଭବାନୀ ପୁଟାଙ୍କ ଗୋଡ଼ ହାତ ଯନ୍ତ୍ରଣା ଅସହ୍ୟ ହେବାରୁ ପରିବାର ଲୋକେ କ୍ୱାକ୍ ସହ ଯୋଗାଯୋଗ କଲେ। ହେଲେ ସେ କି ଇଞ୍ଜେକ୍ସନ ଦେଲା କେଜାଣି, ଗୋଡ଼ ହାତ ଯନ୍ତ୍ରଣା କମିବା ବଦଳରେ ଭବାନୀଙ୍କ ଜୀବନ ଚାଲିଗଲା।
ଅଭିଯୋଗ ମୁତାବକ, ତୁରେକେଲା ଥାନା ମହୁଲପାଟି ଗାଁର ଭବାନୀ ପୁଟାଙ୍କ ଗୋଡହାତ ଯନ୍ତ୍ରଣା ହୋଇଥିଲା। ଏନେଇ ପରିବାରଲୋକେ ଲରକି ଗାଁର କ୍ବାକ୍ ରଞ୍ଜିତ ମେହେରଙ୍କୁ ଯୋଗାଯୋଗ କରିଥିଲେ। ତେବେ କ୍ବାକ୍ ଜଣଙ୍କ ଭବାନୀଙ୍କ ଦେହରେ ଭୁଲ୍ ଇଞ୍ଜେକ୍ସନ ଦେଇଥିଲେ। ଗୋଡ଼ ହାତ ଯନ୍ତ୍ରଣା କମିବା ତ ଦୂରର କଥା, ତାଙ୍କ ଶରୀର ଅଧିକ ବିଗିଡ଼ିବା ସହ ସେ ଅଚେତ୍ ହୋଇପଡିଥିବା ନେଇ ଅଭିଯୋଗ ହୋଇଛି। ପରିବାର ଲୋକେ ତାଙ୍କୁ ତୁରନ୍ତ ତୁରେକେଲା ମେଡିକାଲରେ ଭର୍ତ୍ତି କରିବାପରେ ଡାକ୍ତର ସେଠାରେ ଭବାନୀଙ୍କୁ ମୃତ ଘୋଷଣା କରିଥିଲେ।
Also Read
ତେଣେ ଭବାନୀଙ୍କ ମୃତ୍ୟୁ ପରେ ଘଟଣାସ୍ଥଳରୁ କ୍ବାକ୍ ଜଣଙ୍କ ଫେରାର୍ ମାରିଥିବା ସୂଚନା ମିଳିଛି। ଅନ୍ୟପଟେ ମୃତକଙ୍କ ପରିବାରଲୋକେ ଥାନାରେ ଲିଖିତ ଅଭିଯୋଗ କରିଛନ୍ତି। ଘଟଣା ନେଇ ପୋଲିସର ପ୍ରତିକ୍ରିୟା ମିଳିପାରିନାହିଁ l ପୂର୍ବରୁ ବି ସିନ୍ଧେକେଲା, ମୁରିବାହାଲ ଥାନା ଅଞ୍ଚଳରେ କ୍ବାକ୍ ମାନଙ୍କ ଭୁଲ ଇଞ୍ଜେକ୍ସନରୁ ରୋଗୀ ମୃତ୍ୟୁ ନେଇ ଅଭିଯୋଗ ହୋଇଆସୁଛି।
- Reported by:
- Antim Panigrahi
