LIVE TV
ଆଳୁ ଖୋଳୁ ଖୋଳୁ ମହାଦେବ ବାହାରିଲା ଭଳି ରସିକିଆ ଡାକ୍ତର ରମେଶ ସ୍ୱାଇଁ ବିଷୟରେ ପୋଲିସ ଯେତିକି ତଦନ୍ତ କରୁଛି, ସେତିକି ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ପୋଲିସ ଯେତିକି ତଦନ୍ତରେ ଯେତିକି ଆଗୋଉଛି, ରମେଶର କଳା ସାମ୍ରାଜ୍ୟର ଗୁମର ସେତିକି ଫିଟୁଛି । ଏହି ସବୁ ଠକେଇ ଓ ଲୁଟ୍ ପଛରେ ରମେଶ ଏକା ନଥିଲା, ଏହା ପଛରେ ତାର ପୁରା ପରିବାର ସହଯୋଗ କରୁଥିଲା ।
୧୮ ଜଣ ମହିଳାଙ୍କୁ ବାହା ହେବା ସହିତ ଠକେଇ କରିଥିବା ଏହି ନକଲି ଡାକ୍ତର ରମେଶ ସ୍ୱାଇଁଙ୍କୁ ସହଯୋଗ କରୁଥିଲେ ତାର ପରିବାର ଲୋକ । ବିଶେଷ କରି ଭଉଣୀ ସହାୟତା କରୁଥିବା ପୋଲିସ ଜାଣିବାକୁ ପାଇଛି । କେନ୍ଦ୍ରାପଡ଼ା ଈଶ୍ୱରପୁରରେ ଚଢ଼ାଉ କରି ରମେଶ ସ୍ୱାଇଁର ଭଉଣୀଙ୍କୁ ଉଠାଇ ଆଣିଛି କମିଶନରେଟ ପୋଲିସ । ତାଙ୍କ ନାଁ ରଶ୍ମିତା ବେଉରା । ଯେତେ ଥର ବାହା ହୋଇ ମହିଳାଙ୍କୁ ରମେଶ ଟଙ୍କା ଓ ଅଳଙ୍କାର ଠକି ଆଣୁଥିଲା, ସେଥିରେ ରହୁଥିଲା ଭଉଣୀ ରଶ୍ମିତାଙ୍କ ଭାଗ ।
Also Read
ଜଣେ ପୀଡ଼ିତା ଏ ସଂପର୍କରେ ଅଭିଯୋଗ କରିବା ପରେ ପୋଲିସ ରଶ୍ମିତାଙ୍କୁ ଉଠାଇ ଆଣି ଭୁବନେଶ୍ୱରର ଏକ ସ୍ଥାନରେ ଜେରା କରୁଥିବା ଜଣାପଡ଼ିଛି । ଏବେ ପରିବାରର ଅନ୍ୟ ସଦସ୍ୟ ଫେରାର ଅଛନ୍ତି ।
ଅନ୍ୟପଟେ ରମେଶ ନକଲି ଔଷଧ କାରବାର କରୁଥିବା ଲିଙ୍କ ମଧ୍ୟ ପାଇଛି ପୋଲିସ । ଜଣେ ଡ୍ରାଇଭରଙ୍କ ଅଭିଯୋଗ ଅନୁୟାୟୀ ରମେଶ ତାଙ୍କଠାରୁ ୬୦ ହଜାର ଟଙ୍କା ଠକି ନେଇଥିଲେ । ତେବେ ୩୦ ହଜାର ଟଙ୍କା ଫେରାଇ, ପରେ ବଳାକା ଟଙ୍କାର ନକଲି ମେଡିସିନ୍ ଦେଇଥିବା ସେ ପୋଲିସ ନିକଟରେ ଅଭିଯୋଗ କରିଛନ୍ତି । ନକଲି ଡାକ୍ତରଙ୍କ ବିରୋଧରେ ଅଧିକ ତଦନ୍ତ ଲାଗି ପୋଲିସ କେନ୍ଦ୍ରାପଡ଼ା, ପାରାଦୀପ ଓ ଢେଙ୍କାନାଳ ଯାଇ ତଦନ୍ତ କରିବ ବୋଲି ଭୁବନେଶ୍ୱର ଡିସିପି ସୂଚନା ଦେଇଛନ୍ତି । ବର୍ତ୍ତମାନ ନକିଲି ଡାକ୍ତର ୫ ଦିନିଆ ରିମାଣ୍ଡରେ ରହିଛନ୍ତି ।
ଖାଲି ସେତିକି ନୁହେଁ, ରସିକିଆ ନକଲି ଡାକ୍ତରଠାରୁ ୨ଟି ଗାଡ଼ି ଠାବ କରିଛି ପୋଲିସ । ଖଣ୍ଡଗିରି ଥାନା ଅଞ୍ଚଳର ଏକ ଆପାର୍ଟମେଣ୍ଟରେ ପୋଲିସ ରେଡ୍ ମଧ୍ୟ କରିଛି । ଗିରଫ ହେବା ପୂର୍ବରୁ ଉକ୍ତ ଆପାର୍ଟମେଣ୍ଟରେ ରହୁଥିଲା ରେମଶ । ୧୮ ଜଣଙ୍କୁ ବାହା ହୋଇ ଧରାପଡ଼ିବା ପରେ ଚର୍ଚ୍ଚାରେ ଅଛି ଏହି ରସିକିଆ ଡାକ୍ତର ।
