LIVE TV
ଛାତ୍ରୀ ଶୁଭଲକ୍ଷ୍ମୀ ମୃତ୍ୟୁ ଘଟଣାରେ ଆସିଲା କଲ୍ ଡିଟେଲ୍ସ ରେକର୍ଡ। ଗୋଟିଏ ମୋବାଇଲ୍ରେ ପଡ଼ିଥିବା ୨ଟି ସିମ୍ର କଲ୍ ଡିଟେଲ୍ସ ମିଳିଛି । ପାସ୍ୱାର୍ଡ ମିଳି ନଥିବାରୁ ଅନ୍ୟ ଏକ ମୋବାଇଲ୍ SFSL ପଠାଯିବ ।
୨ଟି ସିମ୍ରୁ ଶୁଭଲକ୍ଷ୍ମୀ କିଛି ଲୋକଙ୍କ ସହ ଲଗାତାର କଥା ହେଉଥିଲେ। ଶୁଭଲକ୍ଷ୍ମୀ କଥା ହେଉଥିବା ସେସବୁ ନମ୍ବର ଏବେ ପୋଲିସ ସ୍କାନରରେ ରହିଛି । ସେପଟେ ଛାତ୍ରୀ ଶୁଭଲକ୍ଷ୍ମୀ ମୃତ୍ୟୁ ଘଟଣାକୁ ନେଇ ରାଜ୍ୟ ମହିଳା କମିଶନ ଅଧ୍ୟକ୍ଷା ଉଦ୍ବେଗ ପ୍ରକାଶ କରିଛନ୍ତି ।
ଅଧିକ ପଢ଼ନ୍ତୁ: ହତ୍ୟା ନା ଆତ୍ମହତ୍ୟା; ହୋଟେଲ ରୁମ୍ରେ କେମିତି ହେଲା ଶୁଭଲକ୍ଷ୍ମୀଙ୍କ ମୃତ୍ୟୁ?
Also Read
ଘଟଣାକୁ ଗୁରୁତ୍ୱର ସହ ନେଇ ନିଜ ଆଡୁ ମାମଲା ରୁଜୁ କରିଛନ୍ତି ମହିଳା କମିଶନ। ଏହାସହ ଭୁବନେଶ୍ୱର ଡିସିପିଙ୍କୁ ରିପୋର୍ଟ ତଲବ କରିଛନ୍ତି । ୧୫ ଦିନ ଭିତରେ ତଦନ୍ତ ରିପୋର୍ଟ ଦାଖଲ କରିବାକୁ ସେ ନିର୍ଦ୍ଦେଶ ଦେଇଛନ୍ତି ।
ସୂଚନାଥାଉ କି, କଟକ ରୋଡ୍ ସ୍ଥିତ ଏକ ହୋଟେଲରୁ ଗତ ୫ ତାରିଖରେ ଶୁଭଲକ୍ଷ୍ମୀଙ୍କ ମୃତଦେହ ସନ୍ଦେହଜନକ ଭାବେ ଉଦ୍ଧାର ହୋଇଥିଲା ।
