LIVE TV
ଗଣଦୁଷ୍କର୍ମ ଅଭିଯୋଗ ମାମଲାକୁ ନେଇ ସରଗରମ ପାରାଦୀପ ରାଜନୀତି । ମୁହାଁମୁହି ହୋଇଛନ୍ତି ବିଜେପି ଓ ବାର୍ପି ସର୍ଖେଲଙ୍କ ଗୋଷ୍ଠୀ । ମାମଲାରେ ଯିଏ ମୁଖ୍ୟ ଅଭିଯୁକ୍ତ, ତାସହ ବାପି ସର୍ଖେଲଙ୍କ ଏକ ଫଟୋକୁ ଦେଖାଇ ବାପିଙ୍କୁ ତଦନ୍ତ ପରିସରଭୁକ୍ତ କରିବାକୁ ଗତକାଲି ଦାବି କରିଥିଲା ବିଜେପି । ପୂର୍ବରୁ ମହେନ୍ଦ୍ର ସ୍ୱାଇଁ ହତ୍ୟାକାଣ୍ଡର ଜଣେ ଅଭିଯୁକ୍ତ ସହ ବାପି ସର୍ଖେଲଙ୍କ ଫଟୋ ଥିଲା । ଆଉ ଏବେ ବି ଦୁଷ୍କର୍ମ ମାମଲାର ମୁଖ୍ୟ ଅଭିଯୁକ୍ତ ସହ ବାପିଙ୍କ ଫଟୋ ଦେଖିବାକୁ ମିଳିଥିବାରୁ ସମଗ୍ର ଘଟଣାରେ ବାପିଙ୍କୁ ତଦନ୍ତ ପରିସରଭୁକ୍ତ କରାଯାଉ, ନଚେତ୍ ବିଜେପି ଯୁବମୋର୍ଚ୍ଚା ଆନ୍ଦୋଳନକୁ ଓହ୍ଲାଇବ ବୋଲି ଏକ ସାମ୍ବାଦିକ ସମ୍ମିଳନୀରେ ଚେତାବନୀ ଦେଇଛି ।
Also Read
ସେପଟେ ଏହାର ଜବାବ ରଖିବା ସହ ବିଜେପିର ଅଭିଯୋଗକୁ ଖଣ୍ଡନ କରିଛି ବାପି ସର୍ଖେଲଙ୍କ ସଂଗଠନ । ବିଜେପି ଯେଉଁ ଅଭିଯୁକ୍ତ ସହ ବାପି ସର୍ଖେଲଙ୍କ ଫଟୋ ଥିବା କଥା କହୁଛି, ସେଭଳି ବିଭିନ୍ନ ଦଳର ଅନେକ ନେତାଙ୍କ ସହ ସଂପୃକ୍ତ ଅଭିଯୁକ୍ତର ଫଟୋ ରହିଥିବା କହିଛି ‘ଆମ ପାରାଦୀପ ଆମ ପ୍ରଗତି ସଂଗଠନ’ ।
ତେବେ ଗଣଦୁଷ୍କର୍ମ ମାମଲାରେ ସଂପୃକ୍ତ ଅଭିଯୁକ୍ତ ସହ ରାଜନେତାଙ୍କ କଣ ଲିଙ୍କ୍ ରହିଛି ? କେଉଁ ପରିସ୍ଥିତିରେ ଫଟୋ ଉଠାଇଛନ୍ତି ? ସେନେଇ ବାପି ସର୍ଖେଲ କିମ୍ବା ଫଟୋରେ ଥିବା ଅନ୍ୟ ନେତାଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନି ।
