ଭୁବନେଶ୍ୱରରେ ଲେଡି ଲୁଟେରାଙ୍କ ଆତଙ୍କରାଜ୍, ସାମ୍ନାକୁ ଆସିଲା ସିସିଟିଭି ଫୁଟେଜ...

ରାଜଧାନୀରେ ଲେଡି ଲୁଟେରାଙ୍କ ଆତଙ୍କରାଜ୍ । କେଉଁଠି ଘରୋଇ ସହାୟକ ଆଲ୍‌ମିରାରୁ ଟଙ୍କା ଲୁଟୁଛି, ତ ଆଉ କେଉଁଠି ଘରେ ପଶି କଳାକନା ବୁଲାଇଲେଣି ଅଜଣା ମହିଳା । ଭୁବନେଶ୍ୱର ନୀଳାଦ୍ରି ବିହାର ଅଞ୍ଚଳରେ ଜଣେ ମହିଳା ଘରେ ପଶି ଲୁଟ୍ କରିଥିବା ଅଭିଯୋଗ ହୋଇଛି ।

ଲୁଟ୍‌ ସମୟର ସିସିଟିଭି ଫୁଟେଜ ବି ସାମ୍ନାକୁ ଆସିଛି । ଯେଉଁଥିରେ ମହିଳା ଜଣକ ଗେଟ୍‌ ଭିତରେ ପଶୁଥିବା ଦେଖିବାକୁ ମିଳୁଛି । ମହିଳା ଜଣକ ନୀଳାଦ୍ରି ବିହାରରେ ରହୁଥିବା ବୈରାଗୀ ପ୍ରଧାନଙ୍କ ଘରୁ ଟଙ୍କା ଓ ଜରୁରୀ କାଗଜପତ୍ର ନେଇ ଚମ୍ପଟ୍ ମାରିଥିବା ଅଭିଯୋଗ ହୋଇଛି ।

ଏନେଇ ଚନ୍ଦ୍ରଶେଖରପୁର ଥାନାରେ ଅଭିଯୋଗ ପରେ ତନାଘନା ପୋଲିସ ଆରମ୍ଭ କରିଛି ।