LIVE TV
ଭିଜିଲାନ୍ସ ଜାଲରେ ତହସିଲଦାର। ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ବାଲେଶ୍ୱର ଜିଲ୍ଲା ରେମୁଣା ତହସିଲଦାର ବିଦ୍ୟାଧର ପତିଙ୍କ ଘରେ ଆଜି ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି। ବିଦ୍ୟାଧରଙ୍କ ଘର, ରେମୁଣା ସ୍ଥିତ ଅଫିସ୍ ଚାମ୍ବର ଓ ସମ୍ପର୍କୀୟଙ୍କ ଘର ସମେତ ୭ଟି ସ୍ଥାନରେ ଚଢ଼ାଉ କରାଯାଇଛି।
ଭୁବନେଶ୍ୱରର ଶୈଳଶ୍ରୀ ବିହାର ସ୍ଥିତ ଫ୍ଲାଟ୍, ରୁଦ୍ରପୁର ସ୍ଥିତ ୩ BHK ଏକଜିକ୍ୟୁଟିଭ ଫ୍ଲାଟ୍, ବାଲେଶ୍ୱର ସଦର ଥାନା କୁରୁଡ଼ା ସ୍ଥିତ ୨ ମହଲା କୋଠା, ସୋର ସ୍ଥିତ ପୈତୃକ ବାସଭବନ, ରେମୁଣା ସ୍ଥିତ ଅଫିସ ଚାମ୍ବର, ବାଲେଶ୍ୱର ସ୍ଥିତ ଘର ଓ ଭୁବନେଶ୍ୱର ଡୁମୁଡୁମା ସ୍ଥିତ ସଂପର୍କୀୟଙ୍କ ଘରେ ଏହି ଚଢ଼ାଉ କରାଯାଇଛି।
ବିଦ୍ୟାଧର ଆୟ ବର୍ହିଭୂତ ସମ୍ପତ୍ତି ଠୁଳ କରିଥିବା ଅଭିଯୋଗ ହୋଇଥିଲା। ଭିଜିଲାନ୍ସ ଘଟଣାର ତଦନ୍ତ କରି ଆଜି ସକାଳେ ତାଙ୍କ ଘରେ ଚଢ଼ାଉ କରାଯାଇଛି।
Also Read
ଏହି ଚଢ଼ାଉରେ ୬ ଜଣ ଡିଏସପି, ୩ ଜଣ ଇନ୍ସପେକ୍ଟରଙ୍କ ସମେତ ଅନ୍ୟ କର୍ମଚାରୀ ସାମିଲ ହୋଇଛନ୍ତି । ଭୁବନେଶ୍ବର ଭିଜିଲାନ୍ସ ସ୍ୱତନ୍ତ୍ର ଜଜଙ୍କ ସର୍ଚ୍ଚ ୱାରେଣ୍ଟ ବଳରେ ଭୁବନେଶ୍ୱର ଓ ବାଲେଶ୍ୱରର ୭ଟି ସ୍ଥାନରେ ଚଢାଉ କରିଛି ଭିଜିଲାନ୍ସ ଟିମ୍।
