LIVE TV
ହତ୍ୟାକାଣ୍ଡର ଅଭିଯୁକ୍ତକୁ ହତ୍ୟା। ଢେଙ୍କାନାଳ କାମାକ୍ଷାନଗରରେ ଏହି ଘଟଣା ଘଟିଛି। ଢେଙ୍କାନାଳ ଜିଲ୍ଲା କାମାକ୍ଷାନଗରର ବହୁ ଚର୍ଚ୍ଚିତ ଦୀପକ ମାହୁଁନ୍ତ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ନିରଞ୍ଜନ ସାହୁଙ୍କୁ ବିଭତ୍ସ ଭାବେ ହତ୍ୟା କଲେ ଦୁର୍ବୁତ୍ତ । କାମାକ୍ଷାନଗର ଥାନା ଆଳତୁମା ଗାଁ ରେଲୱେ ଓଭର ବ୍ରିଜ ପାଖ ସଉରିଆ ନିକଟରେ ହତ୍ୟାକାଣ୍ଡ ଘଟିଛି । ଘଟଣାସ୍ଥଳରୁ ରକ୍ତ ଜୁଡୁବୁଡୁ ମୃତ ଦେହ ସହ ଗୁଳି ଜବତ । ବିଳମ୍ବିତ ରାତିରେ ବିଭତ୍ସ ଭାବେ ହତ୍ୟା କରିଛନ୍ତି ଦୁର୍ବୁତ୍ତ ।
ଗତ ୨୦୨୧ ମସିହା ସେପ୍ଟେମ୍ବର ମାସ ୨୪ ତାରିଖ ବିଳମ୍ବିତ ରାତିରେ ବାରୁଆଁର ପୂର୍ବତନ ସମିତିସଭ୍ୟ ଦୀପକ ମାହୁଁନ୍ତଙ୍କୁ ନିର୍ମମ ହତ୍ୟା କରାଯାଇଥିଲା । କରାଯାଇଥିଲା ପଣ୍ଡୁଆ-ଜିରାଳ ରାସ୍ତାର ଜାମୁନାଳୀ ନିକଟରେ ତାଙ୍କୁ ହତ୍ୟା କରାଯାଇଥିଲା । ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଥିଲେ ନିରଞ୍ଜନ ସାହୁ । ଗତ କିଛି ମାସ ତଳେ ବେଲରେ ଆସିଥିଲେ ନିରଞ୍ଜନ।
Also Read
#ଜେଲ୍_ଫେରନ୍ତାଙ୍କୁ_ଗୁଳି_କରି_ହତ୍ୟା
— ଓଟିଭି (@otvkhabar) September 28, 2023
କାମାକ୍ଷାନଗର: ଜେଲ୍ ଫେରନ୍ତା ଅଭିଯୁକ୍ତଙ୍କୁ ଗୁଳି କରି ହତ୍ୟା..ଆଳତୁମା ରେଲୱେ ଓଭରବ୍ରିଜ୍ ପାଖ ସଉରିଆ ନିକଟରେ ହତ୍ୟା…ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ଉଦ୍ଧାର, ଗୁଳି ଜବତ#Murder #Crime pic.twitter.com/9DD3XCpqxP
ହେଲେ ଗତକାଲି ରାତିରେ କିଛି ଦୁର୍ବୃତ୍ତ ନିରଂଜନଙ୍କୁ ହତ୍ୟା କରିଥିବା ଜଣାପଡ଼ିଛି। ସନ୍ଦେହ କରଯାଉଛି, ତାଙ୍କୁ ଆଗରୁ ହିଁ ଟାର୍ଗେଟ କରାଯାଇଥିଲା। ଜେଲରୁ ଆସିବା ଯୋଜନାବଦ୍ଧ ଭାବେ ଦୁର୍ବୃତ୍ତମାନେ ତାଙ୍କୁ ହତ୍ୟା କରିଛନ୍ତି । ଘଟଣା ସ୍ଥଳରେ କାମାକ୍ଷାନଗର ଏସଡିପିଓ ପ୍ରଭାତ ରଞ୍ଜନ ତ୍ରିପାଠୀ ଓ ଥାନା ଅଧିକାରୀ ଶରତ ମହାଳିକଙ୍କ ତନାଘନା ଜାରି ।
- Reported by:
- Bidyadhar Baral
